តារាសម្តែង តារាចម្រៀងតៃវ៉ាន់ ដែលមានរាងខ្ពស់សង្ហាមួយរូប ដែលមហាជនស្គាល់ និងដឹងថាជាតួឯកប្រុសឈ្មោះ ហ្វ៊ូ យ៉ុងឡឺ ក្នុងរឿង ស្នេហ៍ក្នុងពិភពអាហារ នោះ គឺលោក Kenji Wu។ នៅថ្ងៃទីដំបូងក្នុងឆ្នាំ២០១៦នេះ គេបានឃើញគេហទំព័រតារាតៃវ៉ាន់មួយចុះផ្សាយថា លោក Kenji Wu បានប្រកាសនៅលីវមួយឆ្នាំ។
ប្រភពដដែលបានបន្តឲ្យដឹងទៀតថា បន្ទាប់ពីតារាប្រុសមុខស្រស់រូបនេះ បានផ្តើមស្នេហ៍ ជាមួយមិត្តស្រីដែលជាកូនស្តេចល្បែងនៅម៉ាកាវ គឺនាង Laurinda អស់រយៈពេល៤ឆ្នាំមក គេបានសង្កេតឃើញថា គឺមានមហាជនមួយចំនួនតែងគិតថា ពួកគេនឹងមានលទ្ធផលល្អជាដរាប ប៉ុន្តែបែរជាផ្ទុយនឹងការគិតទាំងស្រុងទៅវិញ ដោយសារតែពួកគេទាំង២បានចែកផ្លូវគ្នាហើយ កាលពីប៉ុន្មានខែមុននេះ ហើយខាងក្រុមអ្នកសារព័ត៌មាន ក៏បានរកឃើញនូវមូលហេតុនៃការបែកគ្នានេះផងដែរ គឺបណ្តាលមកពីមានជនទី៣ចូលជ្រៀតជ្រែក។
គេបានបន្ថែមទៀតថា កាលពីថ្មីៗនេះ លោក Kenji Wu បានបន្សល់ទុកនូវពាក្យសំដីជូនពរដល់អតីតមិត្តស្រី ដោយលោកបានជូនពរឲ្យស្នេហារបស់នាងប្រកបទៅភាពរលូន និងទម្លាយថា គ្មានថ្ងៃត្រូវគ្នាវិញនោះទេ ថែមទាំងបានប្រកាសថា នៅលីវមួយឆ្នាំទៀតផង៕
ហ្វ៊ូ យ៉ុងឡឺ ប្រកាសនៅលីវមួយឆ្នាំ បន្ទាប់ពីបានបែកគ្នាជាមួយកូនស្តេចល្បែងនៅម៉ាកាវ
0 Comments