ឧត្តរមានជ័យ ៖ កាលពីវេលាម៉ោង៥និង៤៥នាទីល្ងាច ថ្ងៃទី៧ ខែមករា ឆ្នាំ២០១៦ រថយន្តសណ្ដោងរ៉ឺម៉កធុនធំមួយគ្រឿង បានបើកគារបុរសម្នាក់បណ្ដាលឲ្យដួលបោកក្បាលទៅនឹងថ្នល់ជាតិ រងរបួសយ៉ាងធ្ងន់ធ្ងរ ដែលហេតុការណ៍គ្រោះថ្នាក់ចរាចរណ៍នេះបានកើតឡើងនៅចំណុចផ្លូវជាតិលេខ១៧៤ ស្ថិតនៅក្នុងភូមិសែនសំ ឃុំអូរស្វាយ ស្រុកត្រពាំងប្រាសាទ ខេត្តឧត្តរមានជ័យ។
សមត្ថកិច្ចប៉ូលិសសណ្ដាប់ធ្នាប់ស្រុកបានឲ្យដឹងថា ជនរងគ្រោះអ្នកជិះម៉ូតូមានឈ្មោះ ស៊យ ភេទប្រុស អាយុ២៥ឆ្នាំ រស់នៅភូមិពពេល ឃុំផ្អាវ ស្រុកត្រពាំងប្រាសាទ ខេត្តឧត្តរមានជ័យ ត្រូវរងរបួសក្បាលយ៉ាងធ្ងន់ធ្ងរ ហើយត្រូវសមត្ថកិច្ចបញ្ជូនទៅសង្គ្រោះបន្ទាន់នៅមន្ទីរពេទ្យបង្អែកស្រុកអន្លង់វែង។
សមត្ថកិច្ចប៉ូលិសសណ្ដាប់ធ្នាប់ស្រុកបានបន្តទៀតថា រីឯម៉ូតូជនរងគ្រោះ និងរថយន្តបង្ក ត្រូវបានសមត្ថកិច្ចយកមករក្សាទុកនៅអធិការដ្ឋាននគរបាលស្រុកត្រពាំងប្រាសាទ រង់ចាំដោះស្រាយគ្នាទៅតាមផ្លូវច្បាប់៕
រថយន្តសណ្ដោងរ៉ឺម៉ក បើកកៀរបុរសម្នាក់ដួលបោកក្បាលទៅនឹងថ្នល់រងរបួសធ្ងន់ធ្ងរ
0 Comments