ភ្នំពេញ ៖ កម្លាំងការិយាល័យប្រឆាំងបទល្មើសព្រហ្មទណ្ឌ នៃកងរាជអាវុធហត្ថរាជធានីក្រោមបទបញ្ជាផ្ទាល់របស់លោកឧត្ដមសេនីយ៍ទោរ័ត្ន ស្រ៊ាង មេបញ្ជាការរងកងរាជអាវុធហត្ថលើផ្ទៃប្រទេសនិងជាមេបញ្ជាការកងរាជអាវុធហត្ថរាជធានីភ្នំពេញ ចុះបង្ក្រាបបទល្មើសព្រហ្មទណ្ឌបានចំនួន២៣០លើកលើករណីកើតឡើង ២៩៨ លើក ដោយធ្វើការឃាត់ខ្លួនជនសង្ស័យចំនួន៣៩៩នាក់(ស្រី១៨នាក់) ក្នុង៥៥ករណីក្នុងឆ្នាំ២០១៥ កន្លងទៅនេះដែលសម្រាប់តែការិយាល័យជំនាញប៉ុណ្ណោះ។
យោងតាមការបញ្ជាក់របស់មន្ត្រីការិយាល័យប្រឆាំងបទល្មើសព្រហ្មទណ្ឌ នៃកងរាជ អាវុធហត្ថរាជធានីបានឲ្យដឹង នៅល្ងាចថ្ងៃទី៨ ខែមករា ឆ្នាំ២០១៦ ចុះហត្ថលេខាដោយលោកវរសេនីយ៍ទោម៉ាំង សុខលុច បានបញ្ជាក់ថា ក្នុងអំឡុងពេលមួយឆ្នាំ២០១៥កន្លងមកនេះការិយាល័យជំនាញ បានសហការធ្វើការបង្ក្រាបបទល្មើសព្រហ្មទណ្ឌ បានចំនួន២៣០លើកលើបទល្មើសកើតឡើងសរុប២៩៨លើកស្មើនឹង៥៥ករណី ដោយឃាត់ខ្លួនជនសង្ស័យចំនួន៣៩៩នាក់(ស្រី១៨នាក់)។
មន្ត្រីដដែលបន្តថា លទ្ធផលដែលបង្ក្រាបបានខាងលើនេះ អាវុធហត្ថបានបញ្ជូនទៅសាលាដំបូង២៩៩នាក់(ស្រី១២នាក់),បញ្ជូនទៅកងរាជអាវុធហត្ថលើផ្ទៃប្រទេស៨នាក់(ប្រុស),បញ្ជូនទៅអង្គភាពផ្សេង២នាក់និងអប់រំឲ្យទៅផ្ទះវិញ៥៤នាក់( ស្រី៦នាក់)។
ក្នុងនោះកម្លាំងអាវុធហត្ថ ដកហូតម៉ូតូ៣៥គ្រឿង,រថយន្ត ១គ្រឿង, ទូរស័ព្ទ ១៨គ្រឿង,ចិញ្ចៀន១វង់,អាវុធខ្លី៩ដើម,នាឡិកា២,កាបូបដៃ១១,កាំបិត ៨,ដាវ២៤,តុហ្គេម១,ដង្កាប់១,ដែកច្នៃកាច់សោម៉ូតូ១,ដែកត្រចៀកទ្វារ១និងស្លាកលេខម៉ូតូ២។
មន្ត្រីរូបនោះបានបញ្ជាក់អំពី របាយការណ៍បន្តថា លទ្ធផលបង្ក្រាបបទល្មើសឧក្រិដ្ឋបាន១៩លើកស្មើ៨ករណី ក្នុងនោះឃាត់ខ្លួន៣៩នាក់(ប្រុស)បញ្ជូនទៅតុលាការ៣៩នាក់។ ប្លន់ប្រដាប់អាវុធពាក់ព័ន្ធនឹងគ្រឿងញៀនបង្ក្រាប៣លើក ឃាត់ខ្លួន៩នាក់(ប្រុស) បញ្ជូនទៅតុលាការ៩នាក់។
បង្ក្រាបករណីលួច៨លើកឃាត់ខ្លួននិងបញ្ជូនទៅតុលាការ១៣នាក់ (ប្រុស),ឃាតកម្មគិតទុកជាមុន២លើកឃាត់ខ្លួន៣នាក់,ប៉ុនប៉ងមនុស្សឃាត១លើកឃាត់ខ្លួន៣នាក់,ប៉ុនប៉ងប្លន់ឡាន១លើកឃាត់ខ្លួន១នាក់,ប៉ុនប៉ងកាប់គ្នា១លើកឃាត់ខ្លួន២នាក់,ប្លន់ម៉ូតូ២លើកឃាត់ខ្លួន៦នាក់ និង ដាក់ថ្នាំយកម៉ូតូ១លើកឃាត់ខ្លួន ២នាក់។
ចំណែកបទល្មើសមជ្ឈិមបង្ក្រាបបាន២១១លើកស្មើនឹង៨៧ករណីឃាត់ខ្លួន៣៦០នាក់(ស្រី១០នាក់)បញ្ជូនទៅតុលាការ ២៥៦នាក់ បញ្ជូនទៅអាវុធហត្ថលើផ្ទៃប្រទេស៨នាក់(ប្រុស),បញ្ជូនទៅអង្គភាពផ្សេង២នាក់(ប្រុស) និងអប់រំឲ្យទៅផ្ទះវិញ៥៤នាក់(ស្រី៦នាក់)។
លួចគាស់ទ្វាររថយន្ត២៦លើកឃាត់ខ្លួន ៤៥នាក់,ចោរលួចទ្រព្យសម្បត្តិ៥៩លើកឃាត់ខ្លួន៥០នាក់,ប៉ងលួច៣លើកឃាត់ខ្លួន១០នាក់,ហិង្សាដោយចេតនា២៥លើក ឃាត់ខ្លួន៣៥នាក់,ឆក់កាបូបនិងទូរស័ព្ទ ៣២លើកឃាត់ខ្លួន៤៤នាក់,ប្រើប្រាស់អាវុធខុសច្បាប់៥លើកឃាត់ខ្លួន១៦នាក់, ឆបោក៤លើក ឃាត់ខ្លួន១៥នាក់(ស្រី១នាក់),រំលោភលើសេចក្តីទុកចិត្ត៤លើក ឃាត់ខ្លួន៨នាក់,ប៉ងលួច៤លើកឃាត់ខ្លួន១៧នាក់(ស្រី),លួចផងប្រើគ្រឿងញៀនផង២លើក ឃាត់ខ្លួន១៣នាក់(ស្រី),ល្បែង១១លើក ឃាត់ខ្លួន៣៣នាក់ បញ្ជូនទៅតុលាការ១២នាក់ អប់រំ២១នាក់,លួចគ្រឿងម៉ូតូ៨លើកឃាត់១៦នាក់,ក្មេងទំនើង ១លើកឃាត់៤នាក់ បញ្ជូនទៅតុលាការ,បំផ្លាញដោយចេតនា១លើក ឃាត់ម្នាក់, ទទួលផលចោរកម្ម២លើក ឃាត់២នាក់,ទំនាស់១លើកឃាត់ម្នាក់,ផ្ទុះអាវុធឲ្យរបួស ៣លើកឃាត់៦នាក់(ប្រុស),បាញ់បោះសេរី៨លើក ឃាត់១១នាក់,ចាយលុយក្លែងក្លាយ១លើក ឃាត់ម្នាក់និងក្លែងឯកសណ្ឋានយោធា២នាក់។
ចំណែកការងារសហការវិញមានការងារអនុវត្តដីកា២លើកឃាត់២នាក់, ទទួលផលចោរកម្មឃាត់២នាក់,ទំនាស់ពាក្យសំដីឃាត់ម្នាក់,ក្មេងទំនើងឃាត់ម្នាក់,បាញ់បោះសេរី៦លើកឃាត់៩នាក់,ដាក់ថ្នាំបំពុលឆ្កែឃាត់ម្នាក់,ប៉ងដុតផ្ទះឃាត់ម្នាក់ និង បន្លំត្បូងពេជ្រឃាត់ម្នាក់។
ក្រៅពីនោះអាវុធហត្ថការិយាល័យជំនាញបានទទួលពាក្យបណ្តឹងចំនួន២០៣ករណីក្នុងនោះមានបទឧក្រិដ្ឋ ១៥បណ្តឹងនិងបទមជ្ឈិម១៨៨បណ្តឹងអនុវត្តរួចបាន១៩០ករណីនៅសល់១៣ ករណីកំពុងអនុវត្តន៍៕
អំឡុងឆ្នាំ២០១៥ អាវុធហត្ថបង្ក្រាបបទល្មើសព្រហ្មទណ្ឌបាន២៣០លើកឃាត់ខ្លួន៣៩៩នាក់
0 Comments