ភ្នំពេញ ៖ អ្វីដែលលោកអ្នកកំពុងរង់ចាំគឺបានមកដល់ហើយ។ Camhomes នឹងចាប់ផ្តើមសាងសង់អគារខុនដូរ D’Seaview ដ៏ប្រណីត នៅខេត្តព្រះសីហនុ នៅចុងសប្ដាហ៍នេះហើយ។
លោក គួច លេងឃាង អ្នកទំនាក់ទំនងសាធារណៈ និងយុទ្ធសាស្ត្រទីផ្សារនៃក្រុមហ៊ុន Public Housing Development (Cambodia) Ltd បានជម្រាបឲ្យដឹងថា «ពិធីបញ្ចុះបឋមសិលានឹងប្រព្រឹត្តទៅនៅថ្ងៃទី ១៦ ខែមករា ឆ្នាំ២០១៦ខាងមុខនេះ ក្រោមអធិបតីភាពដ៏ខ្ពង់ខ្ពស់ពីសំណាក់ ឯកឧត្តម យន្ត មីន អភិបាលនៃគណៈអភិបាលខេត្តព្រះសីហនុ»។ ហើយលោក ក៏សូមគោរពអញ្ជើញសម្ដេច ទ្រង់ ឯកឧត្តម លោកជំទាវ លោកឧកញ៉ា អ្នកឧកញ៉ា លោក លោកស្រី ភ្ញៀវកិត្តិយសជាតិ អន្តរជាតិ និង អតិថិជនទាំងអស់ ដើម្បីចូលរួមក្នុងកម្មវិធីនេះឲ្យបានច្រើនកុះករផងដែរ។
អគារខុនដូ D’Seaview ដ៏ប្រណីតមួយនឹងផ្តល់ឲ្យលោកអ្នកនូវជម្រើសថ្មីទាំងលំនៅដ្ឋាន និងអគារពាណិជ្ជកម្ម ដែលមានសេវាថែរក្សាសន្តិសុខសណ្ដាប់ធ្នាប់២៤ម៉ោង អាងហែលទឹក កន្លែងហាត់ប្រាណ សួនច្បារដ៏ធម្មជាតិ កន្លែងលេងកីឡា កន្លែងញាំអាហារ ភោជនីយដ្ឋាន និងចំណតរថយន្តយ៉ាងធំទូលាយ។
លោកស្រី វ៉ា រ៉ូនី ទើបបានកក់ខុនដូ D’Seaview កាលពីខែមុន បន្ទាប់ពីបានពិភាក្សាជាមួយអ្នកជំនាញ អចលនទ្រព្យនៅ Camhomes។ លោកស្រីបានឲ្យដឹងថា «ខ្ញុំចង់បានខុនដូមួយនៅទីនោះ ព្រោះ ខ្ញុំអាចទៅលេងខេត្តព្រះសីហនុ ជាញឹកញាប់ជាមួយគ្រួសារ និងមិត្តភ័ក្ដិរបស់ខ្ញុំ។ ខ្ញុំកំពុងតែប្រាប់ឲ្យមិត្តភ័ក្ដិរបស់ខ្ញុំឲ្យទិញបន្ទប់ខុនដូរនៅទីនោះដែរ ព្រោះវាមានទីតាំងនៅក្បែរឆ្នេរសុខា ហើយពួកយើងអាចទៅលេងសមុទ្រមួយខែម្តង ឬអាចធ្វើអ្វីផ្សេងៗទៀត» ។លោកស្រីនឹងទៅមើលទីតាំងខុនដូក្នុង ពេលឆាប់ ដើម្បីដឹងពីដំណើរការនៃការសាងសង់ផងដែរ។
D’Seaview ត្រូវបានរចនាឡើងឲ្យមានពន្លឺ និងខ្យល់ចេញចូលគ្រប់គ្រាន់ ព្រមទាំងអាចគយគន់ទេសភាពជុំវិញក៏ដូចជាផ្ទៃសមុទ្រយ៉ាងធំល្វឹងល្វើយ។ គ្រប់បន្ទប់ទាំងអស់សុទ្ធតែបែរមុខទៅទិសខាងត្បូង ឬទិសនិរតី។ ការសាងសង់ខុនដូនេះនឹងរួចរាល់អស់ក្នុងរយៈពេល២ឆ្នាំទៀត។
D’Seaview មានទីតាំងនៅ ភូមិ១ សង្កាត់លេខ៣ ខណ្ឌមិត្តភាព ក្រុងព្រះសីហនុ ខេត្តព្រះសីហនុ។
នៅក្នុងឱកាសដ៏ពិសេសនេះ ក្រុមហ៊ុន Camhomes នឹងរៀបចំពិធីទទួលទានអាហារថ្ងៃត្រង់ជាមួយ អ្នកចូលរួមក្នុងពិធីបញ្ចុះបឋមសិលា នៅក្នុងសណ្ឋាគារសុខា ព្រមទាំងមានចាប់រង្វាន់ភ្លាមៗ សម្រាប់ អតិថិជនកក់ខុនដូនៅថ្ងៃនោះតែម្តង។ រង្វាន់រួមមាន កង្ហារ ម៉ៃក្រូវេវអូវិន ទូរទឹកកក ទូរទស្សន៍ទំហំ៣២អ៊ីង អាយផេត ម៉ូតូ ព្រមទាំងរង្វាន់ធំគឺការបញ្ចុះតម្លៃ៣% លើប្រូម៉ូសិនបច្ចុប្បន្នចំពោះការកក់ខុនដូនៅថ្ងៃនោះ។
ប្រសិនបើលោកអ្នកមានចំណាប់អារម្មណ៍ចំពោះ D’Seaview លោកអ្នកអាចមកទស្សនាដោយផ្ទាល់នៅShowroomអគារកាណាឌីយ៉ា ហើយអាចពិភាក្សាជាមួយអ្នកជំនាញ ដើម្បីទទួលបាននូវអត្ថប្រយោជន៍ដ៏ច្រើន លោកអ្នកក៏អាចទំនាក់ទំនងមកកាន់លេខ 023 985828 / 097 7689090 ឬចូលទស្សនាតាមរយៈគេហទំព័រwww.mycamhomes.com៕
អ្វីដែលអ្នករង់ចាំជាមួយ Camhomes បានមកដល់ហើយ
0 Comments