រដ្ឋមន្ដ្រីការបរទេសសហរដ្ឋអាមេរិក លោក John Kerry បានមានប្រសាសន៍កាលពីថ្ងៃព្រហស្បតិ៍ កន្លងទៅថា ការប្រតិបត្ដិនៃដំណោះស្រាយនុយក្លេអ៊ែរអ៊ីរ៉ង់ កន្លងទៅជាច្រើនថ្ងៃហើយ ជាមួយក្រុង តេអេរ៉ង់ គឺទៅតាមផ្លូវដ៏ត្រឹមត្រូវដើម្បីឈានទៅដល់ការសន្យារបស់ប្រទេសនេះ។
លោក Kerry បានប្រាប់អ្នកយកព័ត៌មានថា លោកបាននិយាយប្រាប់ទៅរដ្ឋមន្ដ្រីការបរទេសលោក Mohammad Javad Zarif ដែលនៅតែបានលើកឡើងថា អុីរ៉ង់ ប្រហែលជានឹងប្រព្រឹត្ដទៅតាមការសន្យារបស់ខ្លួននោះហើយ ហើយរដ្ឋមន្ដ្រីរូបនេះបានទាំងនិយាយថា សហរដ្ឋអាមេរិកគួរតែចាប់ផ្ដើមឲ្យហើយ ក្នុងការលើកចោលទណ្ឌកម្ម ដែលពាក់ព័ន្ធនឹងបញ្ហានុយក្លេអ៊ែរប្រឆាំងនឹងក្រុងតេអេរ៉ង់។
លោក Kerry មានប្រសាសន៍ថា លោករដ្ឋមន្ដ្រីការបរទេសអុីរ៉ង់ បានបញ្ជាក់ប្រាប់ខ្ញុំយ៉ាងច្បាស់ថា អុីរ៉ង់ មានបំណងនឹងបំពេញកាតព្វកិច្ចជាមួយនឹងការគោរព ឆ្ពោះទៅប្រតិបត្ដិកាន់តែឆាប់កាលណា ក៏កាន់តែប្រសើរកាលណោះដែរ។ កាលពីមុននេះបន្ដិច លោក Kerry បានទាំងសាទរពីគម្រោងការមួយហៅថា JCPOA (Joint Comprehensive Plan of Action) នៃដំណោះស្រាយដោយរយៈពេលច្រើនថ្ងៃកន្លងទៅហើយ សម្រាប់ការប្រតិបត្ដិនោះ ប្រសិនបើអ្វីៗដំណើរការទៅបានល្អ។
ដោយស្ថិតនៅក្រោមគម្រោងការ JCPOA ដែលត្រូវបានព្រមព្រៀង នៅក្នុងខែកក្កដា ឆ្នាំកន្លងមក រវាងអ៊ីរ៉ង់ និងក្រុមប្រទេស P5+1 group នៃមហាអំណាចពិភពលោក ក្រុងតេអេរ៉ង់ ក៏បានព្រមព្រៀងបង្អង់កម្មវិធីនុយក្លេអ៊ែររបស់ខ្លួន ដូចដែលបស្ចិមប្រទេសចោទប្រកាន់ថា កម្មវិធីនោះផ្ដោតទៅរកការស្ថាបនាអាវុធនុយក្លេអ៊ែរ នៅក្នុងការផ្លាស់ប្ដូរទៅនឹងទណ្ឌកម្ម៕
AFP
លោក Kerry និយាយថា ការប្រតិបត្ដិនៃដំណោះស្រាយនុយក្លេអ៊ែរអ៊ីរ៉ង់ កន្លងទៅជាច្រើនថ្ងៃហើយ
0 Comments