លោកជំទាវកិត្តិសង្គហបណ្ឌិតម៉ែន សំអន ៖ ពុទ្ធចក្រ និងអាណាចក្ររីកចម្រើនផ្ដើមចេញពីប្រទេសមានសន្តិភាព

ស្វាយរៀង ៖ លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា ព្រឹទ្ធ សភា និង អធិការកិច្ច បានថ្លែងថា វិស័យពុទ្ធចក្រនិងអាណាចក្របានរីកចម្រើនដូចបច្ចុប្បន្ននេះ ផ្តើមចេញពីប្រទេសមានសុខសន្តិភាព ក្រោមការដឹកនាំដ៏ឈ្លាសវៃរបស់សម្តេចតេជោហ៊ុន សែន នាយករដ្ឋមន្ត្រីនៃព្រះរាជាណាកម្ពុជាតែម្ដង។

លោកជំទាវកិត្តិសង្គហបណ្ឌិតថ្លែងបែបនេះ ខណៈអញ្ជើញជាអធិបតីក្នុងពិធីសម្ពោធសមិទ្ធផលនានា ក្នុងវត្តធន់វង្សមុន្នី ស្ថិតនៅភូមិរាមសេនា ឃុំអណ្ដូងពោធិ ស្រុករមាសហែកខេត្តស្វាយរៀងនាព្រឹកថ្ងៃសៅរ៍១២កើត ខែជេស្ឋឆ្នាំច សំរិទ្ធិស័ក ព ស ២៥៦២ ត្រូវនឹងថ្ងៃទី២៦ ឧសភា ឆ្នាំ២០១៨។

ក្នុងឱកាសនោះ លោកជំទាវកិត្តិសង្គហបណ្ឌិត បានពាំនាំការផ្តាំផ្ញើសាកសួរសុខទុក្ខនិងសេចក្តីនឹករលឹកពីសំណាក់សម្តេចតេជោនាយករដ្ឋមន្ត្រីនិងសម្តេចកិត្តិព្រឹទ្ធបណ្ឌិតចំពោះបងប្អូនប្រជាពលរដ្ឋនៅខេត្តស្វាយរៀងទាំងអស់។ ជាការពិតណាស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ដែលជានិច្ចកាល សម្តេចទាំងពីរតែងតែមានមនោសញ្ចេតនាស្រលាញ់រាប់អាន និងរួមសុខរួមទុក្ខ ជាមួយបងប្អូនជនរួមជាតិទាំងអស់ និងជួយដោះស្រាយទុក្ខលំបាកសព្វបែបយ៉ាង គ្រប់ទីកន្លែង ទូទាំងប្រទេសកម្ពុជាពិសេសគឺកត្តាមនុស្ស ផ្លូវ ទឹក ភ្លើង។

សម្តេចទាំងទ្វេ បានផ្តាំផ្ញើនូវការអរគុណ និងជូនពរឱ្យបងប្អូនគ្រប់ៗក្រុមគ្រួសារ ឱ្យជួបតែសេចក្តីសុខ សេចក្តីចម្រើន ប្រកបកិច្ចការអ្វីៗសូមឱ្យបានជោគជ័យ និងសូមឱ្យមានសុខភាពល្អ ព្រមទាំងពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។ សម្តេចទាំងពីរ ក៏តែងតែមានឧត្តមគតិ គិតគូរចំពោះវិស័យព្រះពុទ្ធសាសនា នៅគ្រប់ទីកន្លែងទូទាំងព្រះរាជាណាចក្រកម្ពុជា ដោយបានលះបង់គ្រប់បែបយ៉ាងដើម្បីប្រជាជាតិ និងដើម្បីតែព្រះពុទ្ធសាសនា។ សម្តេចទាំងពីរ គឺជាពុទ្ធសាសនូបត្ថម្ភដ៏ថ្លៃថ្លា ក្នុងសតវត្សទី២១នេះ ដោយបានប្រែក្លាយពីប្រទេសដែលពោរពេញ ទៅដោយសង្គ្រាម មកជាប្រទេសដែលមានការ អភិវឌ្ឍន៍លើគ្រប់វិស័យ ក្នុងនោះវិស័យព្រះពុទ្ធសាសនា និងជំនឿសាសនា ក៏ត្រូវបានរស់ឡើងវិញផងដែរ ដែល អាចឱ្យប្រជាពលរដ្ឋ មានសិទ្ធិធ្វើបុណ្យទៅតាមបំណងប្រាថ្នារៀងៗខ្លួន ស្របតាមរដ្ឋធម្មនុញ្ញនៃព្រះរាជាណាចក្រកម្ពុជា។

នាឱកាសដ៏មហានក្ខត្តឫក្សថ្លៃថ្លានេះនាឱកាសដ៏មហានក្ខត្តឫក្សថ្លៃថ្លានេះ លោកជំទាវកិត្តិសង្គហបណ្ឌិតសូមថ្លែងអំណរគុណចំពោះលោកនាយឧត្តមសេនីយ៍សៅសុខា អគ្គមេបញ្ជាការរងកងយោធពលខេមរភូមិន្ទជាមេបញ្ជាការកងរាជអាវុធហត្ថលើផ្ទៃប្រទេស និងសហការី ក្រុមការងារដែលបានរួមគ្នាកសាងសមិទ្ធផលនានាក្នុងវត្តនេះព្រមទាំងថ្លែងអំណរគុណចំពោះលោកប្រធានក្រុមប្រឹក្សាខេត្ត លោកអភិ បាល នៃគណៈអភិបាលខេត្តស្វាយរៀង ព្រមទាំងថ្នាក់ដឹកនាំ មន្ត្រីរាជការ កងកម្លាំងប្រដាប់ អាវុធ មន្ទីរ អង្គភាពជុំវិញខេត្តស្វាយរៀង។

លោកជំទាវក៏សូមថ្លែងអំណរគុណចំពោះព្រះ ថេរានុត្ថេរៈគ្រ ប់ ព្រះអង្គ លោក លោកស្រី លោកយា យ លោកតា លោកគ្រូ អ្នកគ្រូ ក្មួយៗ សិ ស្សា នុសិ ស្សទាំងអស់ ដែលបានរួមសាមគ្គី គ្នាកសាងឧបដ្ឋានសាលារួមទាំងសមិទ្ធផលនានា ក្នុងវត្តនេះ។ ការកសាងនែកពុទ្ធចក្រ និងអាណាចក្ររហូតសម្រេចបាន ជោគជ័យ គួរជាទីមោទនៈ គឺជាសមិទ្ធផលដ៏ថ្លៃថ្លាសម្រាប់ឧទ្ទិសដល់ព្រះពុទ្ធសាសនា ដែលយើងកំពុងធ្វើពិធីសម្ពោធឆ្លងនាពេលនេះ។

ការខិតខំកសាងអំពើបុណ្យរបស់អស់លោក លោកស្រី ពិតជាបានចារិកទុកក្នុងកុសលធម៌ទាំងបច្ចុប្បន្នជាតិ និងអនាគតជាតិនៃម្លប់បុណ្យ ព្រះពុទ្ធសាសនា ព្រោះបានបង្កើតនូវវប្បធម៌សន្តិភាព បើផ្អែកតាមទ្រឹស្តីព្រះពុទ្ធសាសនា។

យើងឃើញថា ព្រះពុទ្ធបានបង្រៀនឱ្យបុគ្គលគ្រប់ៗរូបកសាងនូវកុសលធម៌ដោយប្រព្រឹត្តតែអំពើល្អ ហើយត្រូវវៀរចាកអំពើបាបគឺ មិនប្រព្រឹត្តនូវអំពើអាក្រក់តាមរូបភាពណាមួយក៏ដោយ ត្រូវមានការតាំងចិត្តឱ្យល្អផូរផង់ប្រកប ដោ យ សន្តិគំនិត ត្រូវមានមេត្តា ករុណា មុទិតា និងឧបេក្ខានៅក្នុងចិត្ត ត្រូវប្រកាន់យកទ្រឹស្តីមួយគឺ ”ពាររំងាប់ដោយការមិនចង់ពារ” ដែលយើងត្រូវផ្ចាញ់អំពើអាក្រក់ដោយអំពើល្អ។ សម្ដេចតេជោ ហ៊ុន សែន ជាពុទ្ធសាសនិកជនមួយរូបយល់ច្បាស់មាគ៌ាព្រះពុទ្ធសាសនា សម្ដេចបានខិតខំពលិកម្មគ្រប់បែបយ៉ាងដើម្បីស្វែងរកសន្តិភាពជូនប្រទេសជាតិ ហើយនឹងប្ដេជ្ញាការពារសន្តិភាពដែលបានមកយ៉ាងលំបាកនេះឱ្យបានស្ថិតស្ថេរជានិច្ច ដើម្បីសេចក្តីសុខ សេចក្តីចម្រើន សុភមង្គលរបស់ប្រជាព ល រដ្ឋយើង។

ប្រមុខរាជរដ្ឋាភិបាលកម្ពុជា បានខិតខំស្តារកសាងឡើងវិញនូវហេដ្ឋារចនាសម្ព័ន្ធរូបវ័ន្តដូចជា ផ្លូ វ ថ្នល់ ស្ពាន ទំនប់ ប្រឡាយ សា លា រៀន មន្ទីរពេទ្យ ព្រះវិហារ។ល។រហូតទទួលបាននូវការអភិវឌ្ឍគ្រ ប់វិស័យ ដូចដែលយើងទាំងអស់គ្នាបានឃើញសព្វថ្ងៃនេះ។
លោកជំទាវកិត្តិសង្គហបណ្ឌិតបានផ្ដាំផ្ញើអោយបងប្អូនប្រជាពលរដ្ឋអញ្ជើញទៅបោះឆ្នោតនាថ្ងៃទី២៩ កក្ដដាខាងមុខនេះកុំបីខានពិសេសបោះឆ្នោតគាំទ្រសម្ដេចតេជោហ៊ុន សែនដើម្បីបន្តដឹកនាំបទេសកម្ពុជាអោយរីកចម្រើនពោរពេញដោយសុខសន្តិភាពបន្តទៀត៕