ភ្នំពេញ ៖ មានអគ្គិភ័យឆាបឆេះបង្គោលខ្សែភ្លើង បង្កការភ្ញាក់ផ្អើល នៅព្រឹកថ្ងៃទី១២ ខែមិថុនា នេះ តាមបណ្តោយផ្លូវម៉ៅសេទុង កែងផ្លូវលេខ១០៥ ក្នុងសង្កាត់បឹងកេងកង២ ខណ្ឌចំការមន ប៉ុន្តែត្រូវបានប្រជាពលរដ្ឋ និងសមត្ថកិច្ចមូលដ្ឋានពន្លត់ទាន់ពេល ពុំបណ្តាលឲ្យរាលដាលដល់លំនៅដ្ឋាន នៅក្បែរនោះឡើយ។
ប្រជាពលរដ្ឋបាននិយាយថា នៅមុនពេលកើតហេតុ គាត់បានឮ សំឡេងទុស្សេ ខ្សែភ្លើង បន្ទាប់មកក៏ឃើញ មានអណ្តាតភ្លើងឆាបឆេះយ៉ាងសន្ធោសន្ធៅតែម្តង ចេញពីផ្នែកខាងលើ បង្គោលភ្លើង ទើបឆ្លងរាលដាល ដោយខ្លាចរាលដាលដល់លំនៅដ្ឋាន ប្រជាពលរដ្ឋ និងកម្លាំងនគរបាលមូលដ្ឋានរួមទាំងរថយន្តពន្លត់អគ្គិភ័យ បានចុះអន្តរាគមន៍ភ្លាមៗ និងបានទំនាក់ទំនងទៅកាន់ EDC ឱ្យបិទចរន្តភ្លើង រួចធ្វើការបាញ់ទឹកអស់រថយន្តមួយគ្រឿង ទើបគ្រប់គ្រងស្ថានការណ៍បាន១០០ ភាគរយ៕
Source: Kampuchea Thmey Daily
0 Comments