ភ្នំពេញ ៖ ឪពុកតិរច្ឆានម្នាក់ ត្រូវនគរបាលខណ្ឌច្បារអំពៅចាប់ខ្លួនកាលពីយប់ថ្ងៃទី៦ ខែមិថុនាបន្ទាប់ពីនគរបាលទទួលពាក្យបណ្តឹងស្ត្រីជាប្រពន្ធចោទប្រកាន់ពីសកម្មភាពប្តីរបស់ខ្លួនចាប់រំលោភកូនស្រី ដែលមានអាយុទើបតែ១៥ឆ្នាំ។
បុរស ដែលចាប់រំលោភកូនស្រីបង្កើតរបស់ខ្លួននោះ ត្រូវបានគេស្គាល់ឈ្មោះឃុន សឺង អាយុ៥០ឆ្នាំមុខរបរកម្មករសំណង់ស្នាក់នៅភូមិទួលតាចាន់ សង្កាត់ព្រែកឯង ខណ្ឌច្បារអំពៅ។
តាមពាក្យបណ្តឹងពីស្ត្រីជាម្តាយក្មេងស្រីបានឲ្យដឹងថា កាលពីរសៀលថ្ងៃទី៥ ខែមិថុនានេះ កូនស្រីរបស់គាត់កំពុងនៅផ្ទះម្នាក់ឯង ខណៈដែលគាត់ទៅដកក្រអៅឈូកយកទុកលក់។ ឆ្លៀតឱកាសនោះប្តីកំហូចរបស់គាត់ ដែលមានអាការៈស្រវឹងដាប បានស្ទុះទៅទាញដៃកូនយកទៅរំលោភនៅខ្ទមចាស់មួយក្បែរផ្ទះជិតបានសម្រេច ព្រោះកូនស្រីឈឺប្រដាប់ភេទខ្លាំងពេក។
បន្ទាប់មកកូនស្រីបានប្រាប់គាត់ពីសកម្មភាពរបស់ឪពុក ទើបគាត់ជាម្តាយសម្រេចចិត្តដាក់ពាក្យប្តឹងឲ្យនគរបាលចាប់ខ្លួនតែម្តងទៅ។ តាមការរៀបរាប់ពីកូនស្រីបានឲ្យដឹងថា កន្លងមកឪពុកនាងធ្លាប់យកម្រាមដៃមកលូកប្រដាប់ភេទនាង៣ដងមកហើយ។ លុះដល់ថ្ងៃទី៥នេះ ឪពុកនាងអូសដៃនាងយកទៅរំលោភថែមទៀត៕
Source: Kampuchea Thmey Daily
0 Comments