ភ្នំពេញ ៖ នៅព្រឹកថ្ងៃទី០៩ ខែមិថុនា ឆ្នាំ២០១៨នេះ គណបក្សខ្មែររួបរួមជាតិ បានរៀបចំធ្វើសមាជរបស់ខ្លួននៅ ដើម្បីជ្រើសរើសប្រធានគណបក្សថ្មី ជំនួសលោក សឹង គិរី ដែលមានជំងឺមិនអាចដឹកនាំគណបក្សបាន ហើយបានលាឈប់ និងជ្រើសរើសអនុប្រធាន១រូប ដែលអង្គសមាជនេះ បានរៀបចំឡើងនៅផ្ទះលោក ញឹក ប៊ុនឆៃ ដែលស្ថិតនៅសង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ ដោយមានអ្នកចូលរួមប្រមាណ៦០០នាក់ ជាតំណាងមកពីរាជធានី ខេត្ត ទាំង២៥ ទូទាំងប្រទេស។
នៅក្នុងសមាជនេះ បានសម្រេចជ្រើសរើសថ្នាក់ដឹកនាំគណបក្ស ដែលមានដូចជា លោកទា ចំរ៉ាត់ ប្រធានកិត្តិយសគណបក្ស, លោក ញឹក ប៊ុនឆៃ ប្រធានគណបក្ស, លោក សឹង្ហ គីរី ឧត្តមទីប្រឹក្សាគណបក្ស, លោក ទេព នន្នរី អនុប្រធានគណបក្ស, លោក អ៊ុំ សុមន្ថា អនុប្រធានគណបក្ស, លោក សុខ វិសាល អគ្គលេខាធិការគណបក្ស, លោក មូល ឈឿន អគ្គលេខាធិការរងគណបក្ស និងលោក ភិន ផុន អគ្គលេខាធិការរងគណបក្ស៕
Source: Kampuchea Thmey Daily
0 Comments