ភ្នំពេញ ៖ កម្លាំងអាវុធហត្ថរាជធានីភ្នំពេញបានបញ្ជូនជនសង្ស័យ៩នាក់ ទៅតុលាការនាថ្ងៃទី១១ ខែមិថុនា ឆ្នាំ២០១៨ បន្ទាប់ពីកម្លាំងល្បាតអាវុធហត្ថរាជធានីភ្នំពេញ ក្នុងខណ្ឌព្រែកព្នៅ ,ខណ្ឌមានជ័យ និងខណ្ឌឫស្សីកែវ បានឃាត់ខ្លួនជនសង្ស័យប្រុសស្រី សរុប ៩នាក់ ពាក់ព័ន្ធករណីគ្រឿងញៀន ជាបន្តបន្ទាប់គ្នា នៅគោលដៅផ្សេងគ្នា យកមកទីបញ្ជាការដ្ឋានអាវុធហត្ថរាជធានីភ្នំពេញ រួមនឹងក្រាមពណ៌សថ្លា ១៧កញ្ចប់(ប្រភេទម៉ាទឹកកក) នៅថ្ងៃទី៩ ខែមិថុនា ឆ្នាំ២០១៨។
មន្ត្រីអាវុធហត្ថនិយាយឲ្យដឹងនៅថ្ងៃទី១១មិថុនាថា ពួកគេទាំង ០៩នាក់ រួមមាន ១- ឈ្មោះ លន ដា ភេទប្រុស អាយុ២៨ឆ្នាំ ,២- ឈ្មោះ អៀង គា ភេទប្រុស អាយុ ២១ឆ្នាំ ត្រូវបានកម្លាំងល្បាតមូលដ្ឋានអាវុធហត្ថខណ្ឌព្រែកព្នៅ ឃាត់ខ្លួនបាន កាលពីវេលាម៉ោង៥និង៣០នាទីល្ងាច នៅចំណុច ផ្លូវបេតុងឡុងឈិន ភូមិផ្សារលិច សង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញ។
ទី៣- ឈ្មោះ ញ៉េន សាទុន ហៅអាសី ភេទប្រុស អាយុ ២២ឆ្នាំ ,៤- ឈ្មោះ ខុម ស្រីនិច ហៅអាតូច ភេទស្រី អាយុ ១៨ឆ្នាំ ត្រូវបានកម្លាំងល្បាតមូលដ្ឋានអាវុធហត្ថខណ្ឌមានជ័យ ឃាត់ខ្លួនបានកាលពីវេលាម៉ោង៤ល្ងាច នៅចំណុច ផ្លូវមុនីរ៉េត២១៧ ក្រុមទី១២ ភូមិដំណាក់ធំ០១ សង្កាត់ស្ទឹងមានជ័យទី២ ខណ្ឌមានជ័យ រាជធានីភ្នំពេញ។
ទី៥- ឈ្មោះ បៀង ទ្រី ភេទប្រុស អាយុ ១៨ឆ្នាំ,៦-ឈ្មោះ ហេង ពិទូ ភេទប្រុស អាយុ១៦ឆ្នាំ,៧- ឈ្មោះ តែ ពិដូ ភេទប្រុស អាយុ ២៣ឆ្នាំ ត្រូវបានកម្លាំងល្បាតមូលដ្ឋានអាវុធហត្ថខណ្ឌមានជ័យ ដដែលស្រាវជ្រាវ ឃាត់ខ្លួនបាន នៅវេលាម៉ោង៤និង៣០នាទីល្ងាច នៅចំណុច ភូមិមានជ័យទី១ សង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ។ ទី៨- ឈ្មោះ កាន ទីន ភេទប្រុស អាយុ៣២ឆ្នាំ ត្រូវបានកម្លាំងល្បាតមូលដ្ឋានអាវុធហត្ថខណ្ឌឫស្សីកែវ ឃាត់ខ្លួនបានកាលពីវេលាម៉ោង៥និង៣០នាទីល្ងាច នៅចំណុច មុខការ៉ាស់សាំងPPT ភូមិទួលសំពៅ សង្កាត់ទួលសង្កែ១ ខណ្ឌឫស្សីកែវ រាជធានីភ្នំពេញ។
មន្ត្រីដដែលបន្តថា លុះដល់វេលាម៉ោង០១និង៣០នាទីយប់រំលងអធ្រាត្រ ឈានចូលថ្ងៃទី១០ ខែមិថុនា ឆ្នាំ២០១៨ នៅចំណុច មុខក្លឹបរីវីលឡាញ កម្លាំងល្បាតអាវុធហត្ថខណ្ឌឫស្សីកែវ ដដែល បានឃាត់ខ្លួនជនសង្ស័យ ១នាក់ទៀត ឈ្មោះ ចែម សុភារម្យ ភេទប្រុស អាយុ ១៧ឆ្នាំ។
បច្ចុប្បន្ន ពួកគេទាំង ៩នាក់ ខាងលើ ត្រូវបានសមត្ថកិច្ចជំនាញនៃការិយាល័យស្រាវជ្រាវបទល្មើសគ្រឿងញៀន កងរាជអាវុធហត្ថរាជធានីភ្នំពេញ ធ្វើការសួរចម្លើយ និងកសាងសំណុំរឿងបញ្ជូនទៅតុលាការនាថ្ងៃនេះ ដើម្បីចាត់ការតាមច្បាប់៕
Source: Kampuchea Thmey Daily
0 Comments