លោកជំទាវកិត្តិសង្គហបណ្ឌិតម៉ែន សំអន អំពាវនាវអោយប្រជាពលរដ្ឋទៅបោះឆ្នោតថ្ងៃ២៩កក្កដាដើម្បីបំពេញកាតព្វកិច្ចជាពលរដ្ឋល្អ

ស្វាយរៀង ៖ លោកជំទាវកិត្តិសង្គហបណ្ឌិតម៉ែន សំអន ក្នុងនាមសមាជិកគណៈអចិន្ត្រៃយ៍គណៈកម្មាធិការកណ្ដាលគណបក្សប្រជាជនកម្ពុជាអ្នកតំណាងរាស្ត្រមណ្ឌលស្វាយរៀងជាប្រធានក្រុមការងារគណបក្សប្រជាជនកម្ពុជាចុះជួយខេត្តស្វាយរៀង បានអំពាវនាវដល់ប្រជាពលរដ្ឋ ក៏ដូចសមាជិកសមាជិកាគណបក្សប្រជាជនកម្ពុជាគ្រប់ថ្នាក់មូលដ្ឋានទូទាំងខេត្តទាំងអស់ អញ្ជើញទៅចូលរួមការបោះឆ្នោតឲ្យបានគ្រប់ៗគ្នា នៅថ្ងៃទី២៩ កក្កដាខាងមុខនេះពិសេសបោះឆ្នោតជូនគណបក្សប្រជាជនកម្ពុជា ដើម្បីបន្តឲ្យ សម្តេចតេជោ ហ៊ុន សែន ធ្វើជានាយករដ្ឋមន្ត្រី និងការបន្តថែរក្សាសន្តិភាព ទាំងស្រុងដែលធានាបានដល់ការអភិវឌ្ឍឲ្យមានការរីកចម្រើនឥតឈប់ឈរ បន្ថែមទៀត។

លោកជំទាវកិត្តិសង្គហបណ្ឌិតម៉ែន សំអន បានបានលើកឡើងបែបនេះ ខណៈអញ្ជើញចូលរួមជួបសំណេះសំណាលជាមួយប្រជាពលរដ្ឋសមាជិកជាង៣០០នាក់នាព្រឹកថ្ងៃសៅរ៍១១រោច ខែជេស្ឋ ឆ្នាំចសំរឹទ្ធិស័ក ព .ស២៥៦២ត្រូវនឹងថ្ងៃទី០៩ មិថុនា ឆ្នាំ២០១៨ស្ថិតនៅគណបក្សស្រុកកំពង់រោទិ៍ខេត្តស្វាយរៀង។

លោកជំទាវកិត្តិសង្គហបណ្ឌិតម៉ែន សំអនថ្លែងបន្តថា ក្រោយពីប្រទេសជាតិរួចផុតពីសង្គ្រាម ដោយបានចាប់ផ្តើមអភិវឌ្ឍន៍ប្រទេសពីចំណុចសូន្យ គឺមានតែគណបក្សប្រជាជនកម្ពុជាតែមួយគត់ ដែលជាខ្នងបង្អែកធានាបាន នូវសុខសន្តិភាព និងជំរុញការអភិវឌ្ឍប្រទេស ឱ្យមានការអភិវឌ្ឍរីកចម្រើនមានអ្វីៗគ្រប់បែបយ៉ាងរហូតមកដល់បច្ចុប្បន្ន។ ការអភិវឌ្ឍប្រទេសកម្ពុជាតាំងពីបាតដៃទទេរហូតមានថ្ងៃនេះពិតជាបានឆ្លងកាត់ ឧបសគ្គគ្រប់ដំណាក់កាល តាំងពីប្រជាពលរដ្ឋមិនមានបាយហូបគ្រប់គ្រាន់ រហូតមកដល់សព្វថ្ងៃមានជីវភាពសមរម្យ ការរស់នៅប្រកបដោយសុខសានត្រាណ ក្រោមដំបូលសន្តិភាពតែមួយរបស់សម្តេចអគ្គមហាសេនាបតីតេជោហ៊ុន សែន ជានាយករដ្ឋមន្ត្រីដ៏ឆ្នើមគ្មានពីរ។

លោក ជំទាវកិត្តិសង្គហបណ្ឌិតបានបន្តថា ដើម្បីបន្តរក្សាសន្តិភាព ជាពិសេសធានាដល់ការអភិវឌ្ឍឲ្យមានការរីកចម្រើនឥតឈប់ឈរ សូម ឲ្យបងប្អូនទាំងអស់ ទៅចូលរួមការបោះឆ្នោតឲ្យបានគ្រប់ៗគ្នា និងបោះឆ្នោតជូនគណបក្សប្រជាជនកម្ពុជា លេខរៀងទី២០ដែលនឹងជិត មកដល់នាថ្ងៃ២៩ ខែកក្កដា ២០១៨ ខាងមុខនេះ ដើម្បីបន្តឲ្យសម្តេចតេជោ ហ៊ុន សែន ធ្វើជានាយករដ្ឋមន្ត្រី ក្នុងការដឹកនាំ នាវាកម្ពុជា ឆ្ពោះទៅកាន់ត្រើយវិបុលភាព និងវឌ្ឍនភាព។

ក្នុងពិធីជួបសំណេះសំណាលនាឪកាសនោះដែរលោកជំទាវកិត្តិសង្គហបណ្ឌិត បានថ្លែងបន្ថែមយ៉ាងច្បាស់ថា សេរីភាព ដែលយើងទទួលបានជាង៣០ឆ្នាំមកនេះ គឺមានតែគណបក្សប្រជាជនកម្ពុជា ដែលមានសម្តេចអគ្គមហាសេនាបតីតេជោ ហ៊ុន សែននាយករដ្ឋមន្ត្រីតែមួយគត់ បានអភិវឌ្ឍន៍ប្រទេសជាតិពីបាទដៃទទេ ដោយចាប់ផ្តើមកសាង ស្តារ និងជម្រុញការអភិវឌ្ឍន៍ឱ្យមាន ការរីកចម្រើន មានអ្វីៗគ្រប់បែបយ៉ាងដូចសព្វថ្ងៃនេះដោយមិនសន្យាខ្យល់ ដូចអ្នកនយោបាយប្រថុយប្រឋានមួយចំនួននោះឡើយ។

លោកជំទាវកិត្តិសង្គហបណ្ឌិតបានថ្លែងបន្តថា ដោយមានគោលការណ៍ និងយុទ្ធសាស្ត្រដឹកនាំដ៏ត្រឹមត្រូវប្រកបដោយកិក្តិបណ្ឌិតរបស់សម្តេចតេជោនាយករដ្ឋមន្ត្រីជាច្រើនអាណត្តិជាពិសេសក្នុង អាណត្តិ ទី៥នេះបានជំរុញអភិវឌ្ឍន៍គ្រប់ហេដ្ឋារចនាសម្ព័ន្ធផ្លូវស្ពានថ្នល់ ផ្សារ សាលារៀន មន្ទីរពេទ្យវត្តអារាម គឺទទួលបានសមិទ្ធផលជាច្រើនកើតឡើងជាហូរហែរជាក់ស្តែងផ្ដល់ការអភិវឌ្ឍន៍ លើវិស័យគ្រប់វិស័យមកដល់ពេលនេះ។

លោកស្រីលឹម វាសនាតំណាងសមាជិកបក្សគណបក្សប្រជាជនកម្ពុជាទូទាំងស្រុកក្នុងខេត្តស្វាយរៀង ក៏បានលើកឡើងថា ពួកគាត់ មានការសង្ឃឹមជឿជាក់លើគណបក្សប្រជាជនកម្ពុជាយ៉ាងខ្លាំង ព្រោះក្រោយថ្ងៃរំដោះ៧ មករា ១៩៧៩ គឺមានតែគណបក្ស ប្រជាជនកម្ពុជាតែមួយគត់ បានធ្វើឲ្យពួកកាត់ចៀសផុតពីសេចក្តីស្លាប់។

តំណាងដដែលបានបន្ថែមថា គណបក្សប្រជាជនកម្ពុជាដែលមានសម្តេចតេជោហ៊ុន សែនជាប្រធានបានដឹកនាំប្រទេសជាតិមានសុខសន្តិភាពពោរពេញដោយរីកចម្រើនលើគ្រប់វិស័យជាពិសេសការជំរុញ អភិវឌ្ឍន៍នៅតាមមូលដ្ឋាន ឲ្យមានផ្លូវ មានស្ពាន ផ្សារ សាលារៀន វត្តអារាម និងការផ្តល់នូវសុវត្ថិភាពនៅតាមមូលដ្ឋានជាដើម។ សរុបមក ពួកគាត់ទាំងអស់គ្នា ត្រូវតែទៅបោះឆ្នោតជូនគណបក្សប្រជាជនកម្ពុជា ឈរលេខរៀងទី២០នៅថ្ងៃទី២៩ កក្កដាខាងមុខនេះដើម្បីគាំទ្រសម្តេចតេជោហ៊ុន សែន ធ្វើជានាយករដ្ឋមន្ត្រី ក្នុងអាណត្តិទី៦នេះ ក៏ដូចអាណត្តិក្រោយៗទៀត៕