ភ្នំពេញ ៖ បុរសម្នាក់ ត្រូវសមត្ថកិច្ចចាប់ខ្លួន បន្ទាប់ពីបង្កហិង្សាយកពូថៅកាប់ប្រពន្ធឱ្យរងរបួស ហើយត្រូវប្រពន្ធប្តឹងកាលពីថ្ងៃសុក្រ ៩រោច ខែជេស្ឋ សំរឹទ្ធិស័ក ព.ស ២៥៦២ ត្រូវនឹងថ្ងៃទី០៧ ខែមិថុនា ឆ្នាំ២០១៨ វេលាម៉ោង១២និង៣០នាទី ត្រង់ចំណុចផ្លូវរថភ្លើង ក្រុម៨ ភូមិចុងខ្សាច់ សង្កាត់ទួលសង្កែ១ ខណ្ឌឫស្សីកែវ។
សមត្ថកិច្ចឱ្យដឹងថា ជនសង្ស័យឈ្មោះ វ៉ែនពៅ ភេទប្រុសអាយុ២៥ឆ្នាំ ចំណែកប្រពន្ធឈ្មោះ តុំស៊ីណា អាយុ៣៦ឆ្នាំ មុខរបររើសអេតចាយ ទាំង២នាក់មានទីលំនៅ ផ្ទះជួល ផ្លូវរថភ្លើង ភូមិចុងខ្សាច់ សង្កាត់ទួលសងែ្ក១ ខណ្ឌឫស្សីកែវ។
សមត្ថកិច្ចឱ្យដឹងទៀតថា នៅថ្ងៃទី០៧ ខែមិថុនា ឆ្នាំ២០១៨ វេលាម៉ោង១២និង៣០នាទី ជនរងគ្រោះនិងជនបង្ក ត្រូវជាបី្តទំនាស់គា្នពីរឿងកូនយំ ជនបង្កត្រូវជាបី្តខឹងប្រពន្ធ ក៏យកកូនធុងបាស់តូចគប់ទៅលើប្រពន្ធត្រូវចំថ្ងាស ទើបជនរងគ្រោះពកូនដើរចេញមកខាងក្រៅផ្ទះ ក៏ត្រូវជនបង្កជាប្តីដើរតាមពីក្រោយយកកូនពូថៅកាប់ត្រូវចំសាច់ដុំដើមដៃខាងឆ្វេងបណ្តាលរងរបួស។
ចំពោះមុខ ផ្នែកជំនាញខណ្ឌប៉ុស្តិ៍ កំពុងធ្វើការសាកសួរកសាងសំណុំរឿងបញ្ជូនទៅសាលាដំបូងរាជធានីភ្នំពេញដើម្បីអនុវត្តតាមនីតិវិធី៕
Source: Kampuchea Thmey Daily
0 Comments