ព្រៃវែង ៖ ក្មេងប្រុសអាយុ១៩ខែម្នាក់ បានរអិលជើងធ្លាក់ចូលក្នុងអណ្តូងទឹកស្លាប់យ៉ាងគួរឲ្យស្រណោះ ខណៈដើរតាមជីតាទៅផ្លាស់គោ ហើយជីតាអត់ដឹង។
ហេតុការណ៍ខាងលើ បានកើតឡើង កាលពីថ្ងៃទី៩ ខែមិថុនា ឆ្នាំ២០១៨ នៅចំណុចមាត់បឹង ចាក់ខ្លាញ់ ស្ថិតក្នុងភូមិចាក់ខ្លាញ់ ឃុំនិងស្រុកពាមរក៍ ខេត្តព្រៃវែង វេលាម៉ោង១០និង០០នាទី។
សមត្ថកិច្ចនៃអធិការដ្ឋាននគរបាលស្រុកពាមរក៍ បានឲ្យដឹងថា កុមាររងគ្រោះខាងលើ មានឈ្មោះខៀវ តុលា ភេទប្រុស អាយុទើបតែ១៩ខែ រស់នៅចំណុចកើតហេតុខាងលើ។
សមត្ថកិច្ចបានបន្តថា មូលហេតុ កុមាររងគ្រោះ បានដើរតាមជីតាទៅផ្លាស់គោ ហើយជីតាមិនបានដឹងថា ចៅដើរតាម ទើបកុមាររងគ្រោះធ្លាក់ចូលក្នុងស្រះទឹកស្លាប់បែបនេះ។
ក្រោយពេលកើតហេតុ សមត្ថកិច្ច បានចុះដល់ចំណុចកើតហេតុ និងធ្វើកោសលវិច័យឃើញថា កុមាររងគ្រោះ ពិតជាស្លាប់ ដោយសារលង់ទឹកពិតប្រាកដមែន។ សព ក្រោយពីពិនិត្យ បានប្រគល់ឲ្យក្រុមគ្រួសារធ្វើបុណ្យតាមប្រពៃណី៕
Source: Kampuchea Thmey Daily
0 Comments