ភ្នំពេញ ៖ សមត្ថកិច្ចនគរបាលខណ្ឌសែនសុខ បានឃាត់ខ្លួនយុវជនក្មេងៗចំនួន៣នាក់ យកទៅដាក់មណ្ឌលកែប្រែបន្សាបគ្រឿងញៀន បន្ទាប់ពីបានរកឃើញមានផ្ទុកសារធាតុញៀននៅក្នុងល្បាយទឹកនោមរបស់ពួកគេ កាលពីម៉ោង១ រំលងអធ្រាត្រ នាថ្ងៃទី០៧ ខែមិថុនា ឆ្នាំ២០១៧ នៅក្នុងសង្កាត់ភ្នំពេញថ្មី។
ប៉ូលិសនិយាយថា ការឃាត់ខ្លួនពួកគេ បានធ្វើឡើងខណៈដែលពួកគេកំពុងធ្វើដំណើរតាមផ្លូវសាធារណៈកាលពីម៉ោង១រំលងអធ្រាត្រយប់មិញ ដោយមានការសង្ស័យជាមុខសញ្ញាមានកាន់កាប់អាវុធខុសច្បាប់ឬក៏ជួញដូរគ្រឿងនិងចោរកម្មផ្សេងៗ ក៏បានហៅឃាត់ឲ្យឈប់ដើម្បីត្រួតពិនិត្យតែគេមិនឈប់ទើបដេញតាមចាប់យកមកសួរនាំនិងធ្វើការត្រួតពិនិត្យល្បាយទឹកនោមរកឃើញមានផ្ទុកនូវសារធាតុញៀន ទើបឃាត់ខ្លួនតែម្តង បញ្ជូនទៅតុលាការ។
ពួកគេមានឈ្មោះ ១. អ៊ុយ សម្បត្តិ អាយុ២៣ឆ្នាំ គ្មានមុខរបរច្បាស់លាស់ ស្នាក់បន្ទប់ជួល នៅក្នុងសង្កាត់ភ្នំពេញថ្មី។ ២. ឈ្មោះ សឿន រតនា ហៅបារាំង អាយុ១៩ឆ្នាំ គ្មានមុខរបរច្បាស់លាស់ ស្នាក់នៅបន្ទប់ជួលក្នុងសង្កាត់ភ្នំពេញថ្មី។ ៣.ឈ្មោះ មិន ចិត្រា ហៅអ៊ុយ អាយុ២៣ឆ្នាំ មុខរបរមិនប្រាកដ ទីលំនៅភូមិសែនសុខ២ សង្កាត់ឃ្មួញ។
នៅក្នុងការបង្ក្រាបនោះ ប៉ូលិសបានដកហូតម៉ូតូ២គ្រឿងផងដែរ យកមករក្សាទុកដែលពួកគេបានជិះពេលធ្វើដំណើរតាមផ្លូវក្នុងពេលឃាត់ខ្លួននោះ មានម៉ូតូម៉ាកហុងដា និច ពាក់ស្លាកលេខ ភ្នំពេញ 1DQ-6255 និងម៉ាក សង់កូរ៉េ ពាក់ស្លាកលេខខេត្តព្រៃវែង1D-5757។
តុលារការបានត្រៀមបញ្ជូនពួកគេទៅដាក់មណ្ឌលកែប្រែបន្សាបគ្រឿងញៀន តាមបញ្ជារបស់តុលាការ ដែលយ៉ាងហោចរយៈពេល៣ខែឬ៦ខែ៕
Source: Kampuchea Thmey Daily
0 Comments