ការប្រើប្រាស់ប្រភេទកន្សែងផ្ទះបាយច្រើនយ៉ាងពេក អាចបណ្តាលឲ្យប្រឈមនឹងហានិភ័យនៃការពុលអាហារបរិភោគបាន។ ការសិក្សាស្រាវជ្រាវបានលើកឡើងយ៉ាងដូច្នេះ។
អ្នកវិទ្យាសាស្ត្រមកពីសាកលវិទ្យាល័យ The University of Mauritus បានពិនិត្យមើល១០០កន្សែង ដែលធ្លាប់ត្រូវបានយកទៅប្រើប្រាស់រយៈពេលមួយខែ។
គេបានរកឃើញមានវត្តមាននៃបាក់តេរី E.Coli ដែលជាប់ជាមួយនឹងប្រភេទកន្សែងដែលប្រើនៅផ្ទះបាយដែលយកមកប្រើប្រាស់ជាច្រើនយ៉ាងមានដូចជាជូតចានឆ្នាំង យកមកជូតមុខក៏ដូចជាសម្រាប់យកមកប្រើជូតសម្អាតដៃជាដើម។
កន្សែងទាំងនោះក៏ទំនងជាត្រូវបានឃើញស្ត្រីមេផ្ទះយកទៅប្រើប្រាស់ប្រឡាក់ទៅដោយជាតិឆ្អាបនៃសាច់ដែលត្រូវបានយកមកបរិភោគ។
កន្សែងដែលត្រូវបានយកទៅប្រើប្រាស់ជាច្រើនយ៉ាងនោះហើយ បង្កើននូវការឆ្លងបាក់តេរីប៉ាតូហ្សេនដ៏ខ្លាំងក្លា ដែលអាចបង្កឲ្យបាក់តេរីរាលដាលនាំឲ្យពុលទាំងអាហារបរិភោគទៀតផង។
រដ្ឋាភិបាលបានណែនាំឲ្យធ្វើការប្តូរផ្លាស់ប្រភេទកន្សែងសម្រាប់ជូតសម្អាតចានក្បាន កន្សែងជូតពែងតែ អេប៉ុង និងសូម្បីតែស្រោមដៃជាដើម គួរតែហាលឲ្យស្ងួតល្អមុននឹងយកមកប្រើឡើងវិញ។
ការស្រាវជ្រាវត្រូវបានលើកយកមកបង្ហាញប្រាប់នៅក្នុងជំនួបប្រជុំប្រចាំឆ្នាំរបស់សមាគម The American Society for Microbiology ប្រព្រឹត្តទៅនៅ Atlanta, Georgia ៕
ប៊ី.ប៊ី.ស៊ី
Source: Kampuchea Thmey Daily
0 Comments