ករណីកើនឡើងនៃអត្រាធ្វើអត្តឃាតនៅសហរដ្ឋអាមេរិកនោះ បានគូសបញ្ជាក់ថា តម្រូវការក្នុងការព្យាបាលឲ្យកាន់តែមានប្រសិទ្ធភាពថែមឡើងទៀតសម្រាប់ជំងឺធ្លាក់ទឹកចិត្តខ្លាំងក្លា ដោយអ្នកសិក្សាស្រាវជ្រាវនិយាយថា វាជាករណីដ៏ចាំបាច់ក្នុងការអភិវឌ្ឍវិស័យជំងឺផ្លូវចិត្តដែលត្រូវបានបោះបង់ចោលដោយក្រុមហ៊ុនឱសថធំៗនោះ។
អាជ្ញាធរសុខាភិបាលសហរដ្ឋអាមេរិកបាននិយាយកាលពីថ្ងៃព្រហស្បតិ៍កន្លងទៅនេះថា មានការកើនឡើងយ៉ាងស្រួចស្រាល់ក្នុងអត្រាអត្តឃាតកម្មនៅទូទាំងប្រទេសតាំងពីចាប់ផ្តើមនៃសតវត្សនេះមក ហើយបានអំពាវនាវឲ្យមានការយោគយល់ឆ្ពោះទៅរកការសិក្សាស្រាវជ្រាវយល់ចំពោះអាការៈធ្លាក់ទឹកចិត្ត។ សេចក្តីរាយការណ៍ត្រូវបានចេញផ្សាយនៅក្នុងសប្តាហ៍ដដែល ខណៈពេលមានការធ្វើអត្តឃាតរបស់ជនល្បីល្បាញលោក Anthony Bourdain និងលោកស្រី Kate Spade មកនោះ។
រ៉យត័រមិនអាចកំណត់បាននោះទេ ថាតើទាំងលោក Bourdain និងលោកស្រី Spade ស្ថិតក្នុងការព្យាបាលដោយឱសថឬយ៉ាងណានោះ។ ប្តីរបស់លោកស្រី Kate Spade លោក Andy Spade បាននិយាយនៅក្នុងសេចក្តីមួយក្នុងសប្តាហ៍នេះថា លោកស្រីរងការឈឺចាប់ដោយសារតែអាការៈធ្លាក់ទឹកចិត្ត អស់ពេលច្រើនឆ្នាំមកហើយ ហើយស្ថិតនៅជាប់ជានិច្ចជាមួយគ្រូពេទ្យរបស់គាត់។ រីឯអ្នកតំណាងឲ្យលោក Bourdain វិញ ក៏មិនអាចស្វែងរកការធ្វើអធិប្បាយភ្លាមៗបាននោះដែរ៕
រ៉យទ័រ
Source: Kampuchea Thmey Daily
0 Comments