អាហារ​ ដែល​មាន​ជាតិ​ខ្លាញ់​តិច ពាក់ព័ន្ធ​នឹង​ការធ្វើ​ឲ្យ​អត្រា​នៃ​ការ​រស់រាន​មាន​ជីវិត​ពី​មហារីក​សុដន់​កាន់តែ​ប្រសើរឡើង

អ្នកជំងឺ​មហារីក​សុដន់ អាច​មាន​ភ័ព្វ​សំណាងល្អ​ថែម​ឡើង​នៃ​ការរស់រានមានជីវិត​ពេល​ប្រតិបត្តិ​ការបរិភោគ​អាហារ​ដែលមាន​ជាតិ​ខ្លាញ់​តិច ហើយ​ងាក​ទៅរក​បរិភោគ​បន្លែ​ផ្លែឈើ ឲ្យ​បាន​ច្រើន​ព្រមទាំង​គ្រាប់​ធញ្ញជាតិ​។ ការសិក្សា​ស្រាវជ្រាវ​មួយ​នៅ​សហរដ្ឋ​អា​មេ​រិ​ក​បានលើកឡើង​យ៉ាង​ដូច្នេះ​។

​អ្នកសិក្សា​ស្រាវជ្រាវ​បាន​តាមដាន​ពិសោធន៍​ពិនិត្យមើល​លើ​អ្នកចូលរួម​ចំនួន​១៩៥៤១​នាក់ ដែល​ផ្តល់​មូលនិធិ​សហព័ន្ធ​ដោយ​គម្រោង​កម្មវិធី Women’s Health Initiative (WHI) នោះ​គឺ​បទពិសោធន៍ ដែល​ផ្តោតទៅលើ​ការកម្រិត​ជាតិ​ខ្លាញ់​នៅក្នុង​អាហារ​បរិភោគ​ដោយ​ស្ថិតក្នុង​កម្រិត​ត្រឹមតែ​២០​ភាគរយ​នៃ​កាឡូរី​។​

នៅ​ក្នុង​រយៈពេល​តាមដាន​ពិនិត្យមើល​អស់​៨.៥​ឆ្នាំ​យ៉ាងតិច​នោះ មាន​ចំនួន​ពាក់កណ្តាល​នៃ​ស្ត្រី​ដែល​ចូលរួម​នៅក្នុង​ការពិសោធន៍​ស្រាវជ្រាវ​(១.៧៦៤​នាក់​)​ត្រូវបាន​រកឃើញ​រោគវិនិច្ឆ័យ​កើត​មហារីក​សុដន់​។



​រយៈពេល​ពេញ​មួយ​ទសវត្ស បន្ទាប់ពី​រកឃើញ​រោគលក្ខណៈ​ហើយ មាន​៨២​ភាគរយ នៃ​ស្ត្រី​អ្នកជំងឺ​មហារីក​សុដន់ ដែល​អាស្រ័យ​អាហារ​មាន​ជាតិ​ខ្លាញ់​តិចតួច​នៅតែមាន​ជីវិត​រស់នៅ​បន្តទៀត​។​

​ ​ចំពោះ​ក្រុម​ស្ត្រី​ដែល​អាស្រ័យ​អាហារ​ដែលមាន​ជាតិ​ខ្លាញ់​តិច ហើយ​ជា​អ្នកជំងឺ​មហារីក​សុដន់​នោះ​ត្រូវបាន​ឃើញថា មាន​២២​ភាគរយ​ស្ថិតនៅក្នុង​ហានិភ័យ​ទាប​នៃ​មរណៈ អំឡុងពេល​ធ្វើការ​សិក្សា​ស្រាវជ្រាវ​។

​ជា​គោលបំណង​តែមួយ​នៃ​បទពិសោធន៍​ពាក់ព័ន្ធ​ទៅនឹង​ចំណីអាហារ​បរិភោគ​នោះ​គឺ​សូម​ឲ្យ​ស្ត្រី​អ្នកជំងឺ​មហារីក​សុដន់​គួរតែ​ផ្លាស់ប្តូរ​ទម្លាប់​នៃ​ការបរិភោគ​របស់ខ្លួន​ដោយ​មិន​គិតដល់​បរិមាណ​កាឡូរី​ឬ​ការ​សម្រក​ទម្ងន់​នោះទេ​។​

​ ​ស្ត្រី​អ្នកជំងឺ​ដែល​បរិភោគ​អាហារ​ដែលមាន​ជាតិ​ខ្លាញ់​តិចតួច​ក៏​មិនសូវ​វិ​វត្ត​ទៅនឹង​ការពិបាក​ក្នុងការ​ព្យាបាល​ដុំ​ពក​មហារីក​នោះ​ទៅទៀត​ផងដែរ​៕
រ៉​យ​ទ័​រ​

Source: Kampuchea Thmey Daily