ការប្រកួតជម្រុះដណ្តើមខ្សែក្រវាត់ជើងឯកCarabao រដូវកាលទី៦ ទម្ងន់៥៧ គីឡូក្រាម នៅសង្វៀនទូរទស្សន៍SEA TV កាលពីរសៀលថ្ងៃទី០៩ ខែមិថុនា ឆ្នាំ២០១៨ ដែលជាការប្រកួត ជុំទី១នោះ អ្នកប្រដាល់កម្ពុជា ឈុត សេរីវ៉ាន់ថង ក្លិបរាហ៊ូកីឡាខេត្តបាត់ដំបង គេរកបាន៣ពិន្ទុ ខណៈដែលអ្នកប្រដាល់ធន មករា សមាគមកីឡាប្រដាល់ក្រសួងការពារជាតិ បាន១ពិន្ទុ។
ឈុត សេរីវ៉ាន់ថង គេបានវាយឈ្នះ Phach Yaksou ដាច់តែម្តង ក្នុងការប្រកួត៥ទឹកនោះ។ចៅក្រមទាំង៥រូប សុទ្ធតែផ្តល់ពិន្ទុឲឈុត សេរីវ៉ាន់ថង ឈ្នះទាំង៥រូប ។ដូច្នេះ សេរីវ៉ាន់ថង គេទទួលបាន៣ពិន្ទុ ហើយ Phach Yaksou បាន១ពិន្ទុ ។
Phach Yaksou គេមានកំនត់ត្រាប្រកួតចំនួន៥៧លើក ឈ្នះ៥០លើក ចាញ់០៧ លើកមិនដែលស្មើ ។ ចំណែក ឈុត សេរីវ៉ាន់ថង គេមានកំនត់ត្រាប្រកួត៥៤លើក ឈ្នះ៤៧លើក ចាញ់០៦លើក និងស្មើ០១លើក ។
ចំពោះ ធន មករា គេប្រកួតចាញ់Theap Kao ដោយពិន្ទុ បន្ទាប់ពីវាយគ្នា៥ទឹកពេញនោះ ។ ធន មករា ចាញ់ Theap Kao ៤ទល់១ ពោកគឺក្នុងចំណោមចៅក្រមទាំង៥រូប មាន៤រូបបានផ្តល់ពិន្ទុឲ្យថៃឈ្នះ និង មានម្នាក់ផ្តល់ពិន្ទុឲ្យធន មករាឈ្នះ ។
មករា គេមានប្រវត្តិប្រកួតចំនួន៤៩លើក ឈ្នះ៤៥ លើក ចាញ់០៤លើក និងស្មើ០២លើក ឯ Theap Kao Phach Yaksou វិញ គេមានប្រវត្តិប្រកួតចំនួន៦០លើក ឈ្នះ៤៩លើក ចាញ់១០លើក និងស្មើពិន្ទុ ០១ លើក ។
ដោយឡែក ការប្រកួតរវាងអ្នកប្រដាល់រួមជាតិវិញ សុខ សាវិន អ្នកប្រដាល់ក្លិបអេលីតគុនខ្មែរ បានផ្តួល តាំង សីហា អ្នកប្រដាល់ក្លិបកងពលតូចលេខ៧០ អោយសន្លប់ក្នុងទឹកទី២ ។ លី តឿន អ្នកប្រដាល់ក្លិបមកុដរាជសីហ៍ ប្រកួតចាញ់ឈាន រស្មី អ្នកប្រដាល់ក្លិបរាជសីហ៍ខេត្តរតនគិរី ដោយពិន្ទុ ៕
មាស ច័ន្ទមានចាញ់ Kev Kangvan ឯ អ៊ុំ ចំរើន ជួប Julien
អ្នកប្រដាល់ជើងខ្លាំងកម្ពុជាពីរនាក់ ដែលឡើងប្រកួតជាមួយអ្នកប្រដាល់បរទេសនៅក្នុងកម្មវិធីប្រកួតប្រដាល់ជាលក្ខណះមិត្តភាពអន្តរជាតិ Boostrong Fighter On Fire នៅលើសង្វៀនSEATV ថ្ងៃទី០៩មិថុនា២០១៨នោះ គឺវាយចាញ់ទាំងពីរនាក់ ។
ក្នុងនោះ មាស ច័ន្ទមាន អ្នកប្រដាល់ក្លិបកងពលធំអន្តរាគមន៍លេខ២ គេប្រកួតចាញ់ អ្នកប្រដាល់ថៃ Kev Kangvan ដោយពិន្ទុ ឯ អ៊ុំ ចំរើន ក្លិបតាឡីដំរីមានរិទ្ធ ត្រូវអ្នកប្រដាល់បារាំង Julien វាយបោះបង់ការប្រកួតក្នុងទឹកទី២ បន្ទាប់ពីរាប់៨ពីរដងក្នុងមួយទឹកនោះ ។
ចំពោះ ការប្រកួតរវាងអ្នកប្រដាល់រួមជាតិវិញ វៀត ប៊ុនឌឿន អ្នកប្រដាល់សមាគមកីឡាប្រដាល់ក្រសួងការពារជាតិ បានផ្តួលកូយ ឡាយ អ្នកប្រដាល់ក្លិបកងពលតូចទ័ពឆ័ត្រយោង៩១១ អោយសន្លប់ក្នុងទឹកទី៣ ។ ពីរនាក់នេះ ប្រកួតគ្នាក្នុងទម្ងន់៦០ គីឡូក្រាម៕
ចាន់ ប៊ុនលាភ ចាញ់ Chhuok chhai ទៀត ខណះសូត្រ ប៊ុនធី ផ្តួលថៃអោយសន្លប់ក្នុងទឹក១
ចាន់ ប៊ុនលាភ ក្លិបនិរោធមានជ័យ ដែលឡើងសងសឹកអ្នកប្រដាល់ថៃChhuok Chhai ក្នុងព្រឹត្តិការណ៍ប្រដាល់មិត្តភាពកម្ពុជា-ថៃ នៅលើសង្វៀន Wurkz ដែលបើកជាលើកដំបូងនៅSEATV នារសៀលថ្ងៃអាទិត្យទី១០មិថុនា២០១៨នោះ បានបរាជ័យ ។
អ្នកប្រដាល់ជើងចាស់ ចាន់ ប៊ុនលាភ ត្រូវអាជ្ញាកណ្តាលបញ្ឈប់លែងឲ្យប្រកួតក្នុង ទឹកទី៤ ដោយសារតែទៅមិនរួចជាមួយ Chhuok Chhai ក្រោយពី Chhuok Chhai វាយឡើងទក់សាច់នោះ ។
ចំពោះ សូត្រ ប៊ុនធី អ្នកប្រដាល់ក្លិបបក្សីស្លាបដែក គេបានប្រើពេលមិនដល់មួយទឹកទេ ផ្តួលអ្នកប្រដាល់ថៃចំណូលថ្មី Dav Oudorn អោយសន្លប់ក្នុងទឹកទី១ ។ ពួកគេជួបប្រកួតគ្នា ក្នុងប្រភេទទម្ងន់៦០គីឡូក្រាម ។ Dav Oudorn សន្លប់ក្រោមជង្គង់របស់ប៊ុនធី ។
ចំពោះការប្រកួតរវាងខ្មែរនិងខ្មែរវិញ ម៉ន ភីរម្យ អ្នកប្រដាល់ក្លិបការិយាល័យទី៥ កងទ័ពជើងគោក ប្រកួតចាញ់ សយ សី អ្នកប្រដាល់ក្លិបពន្លឺវិបុលពោធិសែនជ័យដោយពិន្ទុហើយសេក គឹមសាន្ត អ្នកប្រដាល់ក្លិបអង្គរមានជ័យខេត្តសៀមរាប ប្រកួតចាញ់ ង៉ែត វុធ អ្នកប្រដាល់ក្លិបកងពលតូចទ័ពពិសេសឆ័ត្រយោង៩១១ដោយពិន្ទុដែរ ៕
វ៉ែន សុវណ្ណ វាយឈ្នះជប៉ុនTakaya ដោយពិន្ទុ
វ៉ែន សុវណ្ណ អ្នកប្រដាល់ជើងចាស់ក្លិបកងកេងមានរិទ្ធ មកពីខេត្តបាត់ដំបង បានវាយឈ្នះអ្នកប្រដាល់ជប៉ុនTakaya ដោយពិន្ទុ ក្នុងការជួបប្រកួតគ្នានាព្រឹកថ្ងៃអាទិត្យទី១០មិថុនា ២០១៨ នៅលើសង្វៀនBoostrong Fighter On Fire របស់SEATV ។
វ៉ែន សុវណ្ណ និង Takaya ប្រកួតគ្នាប្រាំទឹកពេញ ។ការឈ្នះរបស់សុវណ្ណ គឺមានលក្ខណះលំបាកដែរទេ ព្រោះអ្នកប្រដាល់ជប៉ុន Takaya នេះ គេចេះស្នៀតប្រដាល់ស្ទាត់ជំនាញគួរសមដែរ ដោយសារគេហ្វឹកហាត់នៅប្រទេសថៃ ។
ជើងថ្មីជប៉ុនរូបនេះ មានប្រវត្តិលើរេញ តែ៤៣លើកប៉ុណ្ណោះ ក្នុងនោះវាយឈ្នះ៣៤លើក ចាញ់០៩លើក មិនដែលស្មើ ។
នីម នន អ្នកប្រដាល់ក្លិបកងពលតូចទ័ពឆ័ត្រយោង៩១១ បានផ្តួលផាត សូដា អ្នកប្រដាល់ក្លិបអេភូថងកីឡា ក្នុងទឹកទី៤ ។ចំណែក អ្នកប្រដាល់ជើងថ្មីធន់ អៀងឡៃ សមាគមកីឡាប្រដាល់ក្រសួងការពារជាតិ វាយឈ្នះអ្នកប្រដាល់ជើងថ្មីដូចគ្នាអាន ទាវ ក្លិបយុវវាលស្បូវខណ្ឌច្បារអំពៅ ដោយពិន្ទុ៕
Source: Kampuchea Thmey Daily
0 Comments