ព្រឹត្តិការណ៍ប្រកួតកីឡាសិស្សអាស៊ានលើកទី១០(The 10th ASEAN School) បានប្រារព្ធពិធីបើកការជាផ្លូវការហើយ កាលពីយប់ថ្ងៃទី២០ ខែកក្កដានាពហុកីឡដ្ឋានSha Alam នៅទីក្រុងគូឡាឡាំពួរប្រទេសម៉ាឡេស៊ី។
លោកព្រំ ប៊ុណ្ណយី នាយបេសកកម្មរបស់កម្ពុជាសម្រាប់ព្រឹត្តិការណ៍នេះ បានជួបប្រជុំជាមួយបណ្តានាយបេសកកម្មនៃបណ្ដាប្រទេសទាំង១០ក្នុងតំបន់អាស៊ាន ដែលចូលរួម ខណៈដែលគ្រូបង្វឹកនៃប្រភេទកីឡាទាំង៤របស់កម្ពុជា បានចូលរួមប្រជុំបច្ចេកទេសទៅតាមប្រភេទកីឡារបស់ខ្លួន។
ប្រទេស ដែលចូលរួមប្រកួតមានចំនួន១០ដោយទីម័រខាងកើតអវត្តមាន។ ប្រភេទកីឡា ដែលដាក់ឲ្យប្រកួតក៏មាន១០ដែរ គឺអត្តពលកម្ម ហែលទឹក វាយសី កាយសម្ព័ន្ធ បាល់បោះ Netball Squash វាយកូនឃ្លីលើតុ បាល់ទះនិងសីប៉ាក់តាក្រ។
សម្រាប់ព្រឹត្តិការណ៍នេះ កម្ពុជាបញ្ជូនកីឡាចំនួន៤ប្រភេទទៅចូលរួមគឺអត្តពលកម្ម ហែលទឹក វាយសី និង វាយកូនឃ្លីលើតុ។ ប្រភេទកីឡាអត្តពលកម្មដែលមានកីឡាករ៤រូបកីឡាការិនី៤រូបនោះគឺលេងវិញ្ញាសារត់បណ្ដាក់ បុរស-នារី រត់១០០ និង២០០ម៉ែត្របុរស-នារី ។រត់៤០០ម៉ែត្របុរស រត់១.៥០០ម៉ែត្របុរស-នារី និងរត់៣.០០០ ម៉ែត្រ។
ប្រភេទកីឡាវាយកូនឃ្លីលើតុដែលមានកីឡាករ៤រូប កីឡាការិនី៣រូបនោះលេងវិញ្ញាសាវាយម្នាក់ទល់ម្នាក់ បុរស ២នាក់ទល់២នាក់បុរសវិញ្ញាសាក្រុមបុរស និងនិងប្រកួតចម្រុះ។ ប្រភេទកីឡាវាយសីមានកីឡាករ៦រូប កីឡាការិនី៤រូបគឺលេងវិញ្ញាសាវាយគូ វិញ្ញាសាវាយទោល និង ប្រកួតជាក្រុម ។ប្រភេទកីឡាហែលទឹកបញ្ជូនកីឡាករ៤រូប និង កីឡាការិនី៤រូប។
នេះជាលើកទី១០ហើយ ដែលព្រឹត្តិការណ៍នេះ ត្រូវបានបង្កើតឡើង ឯ កម្ពុជាទើបតែចូលរួមបាន៣លើកប៉ុណ្ណោះ។ លើកទី១ឆ្នាំ២០០៩ ធ្វើនៅស៊ូផាន់បូរី(Suphan Buri)ប្រទេសថៃ លើកទី២ធ្វើនៅទីក្រុងគូឡាឡាំពួរប្រទេស ម៉ាឡេស៊ី លើកទី៣ធ្វើនៅសឹង្ហបូរី ។ លើកទី៤ធ្វើនៅស៊ូរ៉ាបាយ៉ា(Surabaya)ប្រទេសឥណ្ឌូនេស៊ី លើកទី៥ធ្វើនៅទី ក្រុងហាណូយប្រទេសវៀតណាម លើកទី៦ធ្វើនៅម៉ឮារីគូណា(Marikina)ប្រទេសហ្វីលីពីន។ លើកទី៧ធ្វើនៅបាន់ដាស៊េរី បេហ្គាវ៉ាន់(Badarseri Begawan)ប្រទេសព្រុយណេ លើកទី៨ធ្វើនៅឈៀងម៉ៃប្រទេសថៃលើកទី៩ធ្វើនៅសឹង្ហបូរីជាលើកទី២ និងលផើកទី១០នេះក៏ធ្វើនៅម៉ាឡេស៊ីជាលើកទី២ដែរ៕
Source: Kampuchea Thmey Daily
0 Comments