ការស្រាវជ្រាវថ្មីបានបង្ហាញនៅថ្ងៃព្រហស្បតិ៍ថា កុមាររ៉ូហ៊ីងយ៉ាពាក់កណ្តាលដែលបានឆ្លងដែនទៅប្រទេសបង់ក្លាដែសដោយគ្មានឪពុកម្តាយរបស់ពួកគេគឺពិតជាត្រូវបានកំព្រាដោយសារតែអំពើហិង្សានៅក្នុងប្រទេសមីយ៉ាន់ម៉ាហើយមិនត្រូវបានបំបែកចេញពីគ្នាក្នុងកំឡុងពេលភៀសខ្លួនដូចដែលបានគិតទុកពីមុននោះទេ។
ការរកឃើញពីអង្គការសប្បុរសធម៌អន្តរជាតិ Save the Children បានច្រានចោលនូវជំនឿយូរអង្វែងដែលថា កុមាររាប់ពាន់នាក់នៅក្នុងជំរំជនភៀសខ្លួនធំបំផុតនៅលើពិភពលោកអាចនឹងជួបជុំគ្នាជាមួយឪពុកម្តាយរបស់ពួកគេវិញនៅថ្ងៃណាមួយ។
កុមារជាង៦,០០០នាក់ត្រូវបានកម្មករជំនួយនៅក្នុងជំរំជនភៀសខ្លួនបង់ក្លាដែសដឹងថាមិនដែលបានរកឃើញឪពុកម្តាយរបស់ពួកគេទេបន្ទាប់ពីគេចចេញពីការបង្ក្រាបដ៏ឃោរឃៅដោយកងទ័ពនៅក្នុងប្រទេសមីយ៉ាន់ម៉ា។
បណ្តាទីភ្នាក់ងារមនុស្សធម៌បាននិយាយថា ចំនួនពិតប្រាកដមិនអាចដឹងទេប៉ុន្តែអង្គការខ្លះបានប៉ាន់ប្រមាណថា ចំនួនអាចខ្ពស់ជាងនេះខណៈកុមារជាច្រើននាក់បានបាត់ខ្លួននៅក្នុងជំរំធំៗដើម្បីទៅរស់នៅជាមួយសាច់ញាតិឬអ្នកជិតខាងនៅពេលពួកគេឆ្លងកាត់ព្រំដែនតែម្នាក់ឯង។
កិច្ចខិតខំប្រឹងប្រែងដើម្បីភ្ជាប់កុមារទាំងនេះជាមួយឪពុកម្តាយរបស់ពួកគេវិញបានចាប់ផ្តើមដំណើរការចាប់តាំងពីជនមូស្លីមរ៉ូហ៊ីងយ៉ាចំនួន៧០០,០០០នាក់ត្រូវបានបណ្តេញចេញពីប្រទេសមីយ៉ាន់ម៉ាកាលពីមួយឆ្នាំមុន។
ប៉ុន្តែទិន្នន័យចុងក្រោយបំផុតបានបង្ហាញថា កុមារទាំងនេះពាក់កណ្តាលត្រូវកំព្រាមុនពេលពួកគេមកដល់ហើយកុមារច្រើននាក់បានមើលឃើញនូវអំពើឃាតកម្មដ៏ឃោរឃៅលើឪពុកម្តាយពួកគេ។
លោកស្រី Beatriz Ochoa ប្រធានផ្នែកតស៊ូមតិមនុស្សធម៌នៅអង្គការ Save the Children ក្នុងតំបន់ Cox's Bazar បានថ្លែងថា “យើងដឹងថាវាអាក្រក់ប៉ុន្តែមិនអាក្រក់ពេកទេ។ សូម្បីតែអ្នកគ្រប់គ្រងផ្នែកការពារកុមារដែលមានបទពិសោធន៍ក៏ភ្ញាក់ផ្អើលយ៉ាងខ្លាំងផងដែរចំពោះការរកឃើញនេះ។ នេះនឹងមានការជាប់ទាក់ទងយ៉ាងជ្រៅលើការងាររបស់យើង។ ក្មេងទាំងនេះមួយចំនួនបានមើលឃើញឪពុកម្តាយរបស់ពួកគេស្លាប់។ តើអ្នកអាចស្រមៃបានទេ”។
គួរបញ្ជាក់ថា វិបត្តិរ៉ូហ៊ីងយ៉ាត្រូវបានកត់សម្គាល់ដោយផលប៉ះពាល់ដ៏គួរឲ្យរន្ធត់លើកុមារ៕ AFP
Source: Kampuchea Thmey Daily
0 Comments