Ad Code

អតីតមន្ត្រី​ជាន់ខ្ពស់​ហ៊្វុនស៊ិនប៉ិច ធ្វើ​សន្និសីទ​សារព័ត៌មាន​ស្តីពី​ការ​បញ្ចប់​សមាជិកភាព



ភ្នំពេញ​ ៖ ​នៅ​វេលា​ម៉ោង​៩​និង​១៥ នាទី​ព្រឹក​ថ្ងៃទី​២៣ ខែសីហា ឆ្នាំ​២០១៨​នេះ អតីតមន្ត្រី​ជាន់ខ្ពស់​​​​​គណបក្ស​ហ៊្វុនស៊ិនប៉ិច​ចំនួន​៤​រូប​ បាន​ធ្វើ​សន្និសីទ​ទៅ​សារព័ត៌មាន​មួយ​ស្តីពី​ការ​បញ្ចប់​សមាជិកភាព​របស់​ពួកគាត់​​​​ពី​គណបក្សហ៊្វុនស៊ិនប៉ិច ដែល​សន្និសីទ​នេះ ធ្វើឡើង​នៅ​សណ្ឋាគារ​សាន់វេ ហើយ​មន្ត្រី​ទាំង​៤​រូប​រួមមាន លោក យូរ ហុកគ្រី លោក ញ៉េប ប៊ុនជិន លោក ប៉ោ ប៊ុន​ស្រឺ និង​លោក វ៉ាន់ សុផាន់​ណា។

​លោក យូរ ហុកគ្រី បាន​លើកឡើងថា រហូតមកដល់​ពេលនេះ ពួកលោក​ទាំងអស់គ្នា​មិនដឹង​ពី​កំហុស​របស់ខ្លួន​ ដែល​នាំ​ឲ្យ​ឈានដល់​ការបណ្តេញ​ចេញពី​គណបក្ស​នោះ​ទេ​។ លោក​បញ្ជាក់ថា ពួកគាត់​គឺ​ព្រឹទ្ធាចារ្យ ជា​មនុស្ស​ចាស់​នៅក្នុង​គណបក្ស​នេះ និយាយ​ទៅ​ចូល​​​ហ៊្វុនស៊ិនប៉ិច​តាំងពី​ព្រះអង្គម្ចាស់ ច​ក្រា វុ​ឌ្ឍ មិនទាន់​ចាប់កំណើត​ម្ល៉េះ៕



Source: Kampuchea Thmey Daily

Post a Comment

0 Comments

Close Menu