ភ្នំពេញ ៖ កម្លាំងកងរាជអាវុធហត្ថទូទាំងរាជធានីក្រោមការចង្អុលបង្ហាញរបស់លោកឧត្តមសេនីយ៍ឯករ័ត្ន ស្រ៊ាង មេបញ្ជាការរងកងរាជអាវុធហត្ថលើផ្ទៃប្រទេស និងជាមេបញ្ជាការកងរាជអាវុធហត្ថរាជធានីនោះ បានបន្តការងារជួយសង្គ្រោះបឋមដល់ពលរដ្ឋតាមដងផ្លូវជួបគ្រោះថ្នាក់ផ្សេងៗ និង រងគ្រោះដោយជំនន់ទឹកភ្លៀងក្រៅពីភារកិច្ចចេញល្បាតការពារសន្តិសុខទូទៅជូនពលរដ្ឋជាប្រចាំថ្ងៃតាមមូលដ្ឋានហើយនោះ។
មន្ត្រីអាវុធហត្ថរាជធានីបានឲ្យដឹងថ្ងៃទី០៦ សីហាថា ជារៀងថ្ងៃកម្លាំងអាវុធតាមខណ្ឌក៏ដូចការិយាល័យជំនាញចំណុះរាជធានីបានចុះសកម្មភាពមនុស្សធម៌ និង លាងរបួស ជូនប្រជាពលរដ្ឋដែលជួបគ្រោះថ្នាក់ចរាចរណ៍ នៅចំណុចមុខក្លោងទ្វារវត្តក៏ដូចសាលារៀនរួមនឹងសង្គ្រោះពលរដ្ឋនៅតំបន់ជាយក្រុងមួយចំនួនដែលរងគ្រោះដោយជំនន់ទឹកភ្លៀងជាដើម។
មន្ត្រីអាវុធហត្ថបន្តថា ក្រោយពេលចេញល្បាតការពារបទល្មើសលួចឆក់ប្លន់និងជួយសម្រួលចរាចរណ៍ជូនប្អូនៗសិស្សសាលា និងបងប្អូនប្រជាពលរដ្ឋ ដែលធ្វើដំណើរ ឆ្លងកាត់ដងផ្លូវ ដែលមានការកកស្ទះ ឲ្យមានភាពងាយស្រួល និងមានសុវត្ថិភាព។
កងកម្លាំងល្បាតតាមខណ្ឌបានចេញការពារសុខសុវត្ថិភាពជូនគណៈប្រតិភូជាតិ និងអន្តរជាតិ នៅតាមគោលដៅភូមិសាស្ត្រ និងលើដងផ្លូវ។ លើសពីនេះកម្លាំងតាមខណ្ឌបានធ្វើអនាម័យ តាមគោលដៅដែលឈរជើងអាវុធហត្ថខណ្ឌ សហការជាមួយកម្លាំងនគរបាល និងគណៈបញ្ជាការឯកភាពខណ្ឌ ត្រួតពិនិត្យរថយន្តខុសបច្ចេកទេស នៅតាមចំណុចនានា។
អាវុធហត្ថខណ្ឌនីមួយៗបានបន្តសហការជាមួយកម្លាំងនគរបាល និងគណៈបញ្ជាការឯកភាពខណ្ឌ ត្រួតពិនិត្យរថយន្តខុសបច្ចេកទេស នៅចំណុច ផ្លូវវិមានឈ្នះៗ កែងផ្លូវជាតិលេខ៦A ភូមិបាក់ខែង សង្កាត់បាក់ខែងជាក់ស្ដែងជារៀងរាល់ថ្ងៃនេះ កម្លាំងអាវុធហត្ថខណ្ឌដង្កោ សហការជាមួយកម្លាំងនគរបាល និងគណៈបញ្ជាការឯកភាពខណ្ឌ ត្រួតពិនិត្យអាវុធជាតិផ្ទុះ និងល្បាតទូទៅតាម ផ្លូវ២១៧ ចម្ការដូង ភូមិម័ល សង្កាត់ដង្កោ និង ចេញសង្គ្រោះអ្នករងគ្រោះដោយជំនន់ទឹកភ្លៀងហើយបន្តត្រៀមលក្ខណៈជួយសង្គ្រោះជានិច្ច។
អាវុធហត្ថខណ្ឌខណ្ឌឫស្សីកែវ សហការជាមួយកម្លាំងនគរបាល និងគណៈបញ្ជាការឯកភាពខណ្ឌ ត្រួតពិនិត្យអាវុធជាតិផ្ទុះនិង ល្បាតទូទៅ នៅចំណុចផ្លូវ៥៩៨ ហ្គ្រេនភ្នំពេញ ភូមិស្វាយប៉ាក សង្កាត់ស្វាយប៉ាក។ អាវុធហត្ថខណ្ឌខណ្ឌ៧មករា សហការជាមួយកម្លាំងនគរបាល និងគណៈបញ្ជាការឯកភាពខណ្ឌ ត្រួតពិនិត្យអាវុធជាតិផ្ទុះ និងល្បាតទូទៅនៅចំណុច ផ្លូវ១២៨ កែង១៣៩ សង្កាត់មិត្តភាព អាវុធហត្ថខណ្ឌខណ្ឌច្បារអំពៅ សហការជាមួយកម្លាំងនគរបាល និងគណៈបញ្ជាការឯកភាពខណ្ឌ ត្រួតពិនិត្យអាវុធជាតិផ្ទុះ និងល្បាតទូទៅនៅចំណុច ផ្លូវជាតិលេខ១ មុខវត្តនិរោធរង្សី សង្កាត់និរោធ។
អាវុធហត្ថខណ្ឌខណ្ឌដូនពេញ សហការជាមួយកម្លាំងនគរបាល និងគណៈបញ្ជាការឯកភាពខណ្ឌ ត្រួតពិនិត្យអាវុធជាតិផ្ទុះ និងល្បាតទូទៅនៅចំណុច មុខអគ្គិសនីជាតិកម្ពុជា។
អាវុធហត្ថខណ្ឌខណ្ឌមានជ័យ សហការជាមួយកម្លាំងនគរបាល និងគណៈបញ្ជាការឯកភាពខណ្ឌ ត្រួតពិនិត្យអាវុធជាតិផ្ទុះ និងល្បាតទូទៅនៅចំណុច មុខផ្ទះលក់គ្រឿងសំណង់ វេងហួត ផ្លូវ២៧១ ភូមិ៧ សង្កាត់ចាក់អង្រែលើ។
អាវុធហត្ថខណ្ឌខណ្ឌព្រែកព្នៅ សហការជាមួយកម្លាំងនគរបាល និងគណៈបញ្ជាការឯកភាពខណ្ឌ ត្រួតពិនិត្យអាវុធជាតិផ្ទុះ និងល្បាតទូទៅតសមដងផ្លូវនិងនៅចំណុច ភូមិផ្សារលិច សង្កាត់ព្រែកព្នៅ ខណ្ឌព្រែកព្នៅ ផ្លូវជាតិលេខ៥។
អាវុធហត្ថខណ្ឌខណ្ឌចំការមន សហការជាមួយកម្លាំងនគរបាល និងគណៈបញ្ជាការឯកភាពខណ្ឌ ត្រួតពិនិត្យអាវុធជាតិផ្ទុះ និងល្បាតទូទៅតាមមូលដ្ឋាននិងនៅចំណុច ផ្លូវមុនីវង្ស មុខក្រសួងសង្គមកិច្ច សង្កាត់បឹងត្របែកល្បាត និងការពាររក្សាសន្តិសុខសុវត្ថិភាពជូនបងប្អូនប្រជាពលរដ្ឋ ដែលរស់នៅក្នុងភូមិសាស្ត្ររាជធានីភ្នំពេញ នាពេលរាត្រីនិងត្រៀមលក្ខណៈសង្គ្រោះអ្នករងគ្រោះដោយជំនន់ទឹកភ្លៀងផងដែរ៕
Source: Kampuchea Thmey Daily
0 Comments