ភ្នំពេញ ៖ បុរសជនជាតិវៀតណាមវ័យ៦២ឆ្នាំម្នាក់ ត្រូវខ្សែភ្លើងឆក់បណ្តាលឲ្យស្លាប់ ខណៈរៀបចំអីវ៉ាន់នៅលើបែរកាលពីវេលាម៉ោង១១ព្រឹកថ្ងៃទី៦ ខែសីហា ឆ្នាំ២០១៨ ស្ថិតនៅបែរចិញ្ចឹមត្រីមាត់ច្រាំងមាត់ទន្លេភូមិឡកំបោ សង្កាត់ស្វាយប៉ាក ខណ្ឌឫស្សីកែវ រាជធានីភ្នំពេញ។
តាមក្រុមគ្រួសារឲ្យដឹងថា ជនរងគ្រោះមានឈ្មោះង្វៀង យ៉ាំងយ៉ុង ភេទប្រុស អាយុ៦២ឆ្នាំ ជាជនជាតិវៀតណាម។
ប្រភពព័ត៌មានឲ្យដឹងថា មុនពេលកើតហេតុជនរងគ្រោះបានរៀបចំឥវ៉ាន់នៅបែរត្រីមិនដឹងយ៉ាងម៉េចត្រូវខ្សែភ្លើងឆក់បណ្តាលឲ្យរបួសធ្ងន់ ហើយត្រូវគេដឹកតាមម៉ូតូទៅសង្គ្រោះនៅមន្ទីរពេទ្យបង្អែកព្រែកព្នៅតែដោយស្ថានភាពអ្នករបួសធ្ងន់ធ្ងរពេកទៅដល់មន្ទីរពេទ្យគ្រូពេទ្យបញ្ជាក់ថាជនរងគ្រោះបានស្លាប់បាត់ទៅហើយ ក៏ដឹកត្រឡប់មកវិញតែម្តង ។
ក្រោយពេលកើតហេតុសពត្រូវបានដឹកតាមរថយន្តមកក្រោមស្ពានរួចបញ្ជូនបន្តតាមទូកយកទៅធ្វើបុណ្យតាមប្រពៃណី៕
Source: Kampuchea Thmey Daily
0 Comments