Ad Code

មួយ​យប់​២០០​ដុល្លារ​ ជាហេតុ​នាំ​ម្តាយកូន​ពីរ​នាក់​ ឲ្យ​ជាប់គុក​ជាមួយគ្នា



ភ្នំពេញ​ ៖ ស្ត្រី​វ័យ​កណ្ដាល​ម្នាក់​អាយុ​៣១​ឆ្នាំ​ និង​កូនស្រី​វ័យក្មេង​អាយុ​១៥​ឆ្នាំ ត្រូវ​បាន​កងកម្លាំង​អាវុធហត្ថ​រាជធានី​កសាង​សំណុំរឿង​បញ្ជូន​ទៅ​តុលាការ​ធ្វើការ​សាកសួរ​បន្ត​ នៅ​ថ្ងៃទី​២៣ ខែ​​សីហា​បន្ទាប់ពី​កម្លាំង​សមត្ថកិច្ច​កងរាជអាវុធហត្ថ​រាជធានី​ភ្នំពេញ ធ្វើការ​ឃាត់ខ្លួន និង កសាង​សំណុំរឿង​បញ្ជូន​ទៅ​តុលាការ​ដើម្បី​ធ្វើការ​ផ្តន្ទាទោស នា​ព្រឹក​ថ្ងៃទី​២១ ខែសីហា ឆ្នាំ​២០១៨​រួចមក។

ការ​ឃាត់ខ្លួន​នេះ ​ធ្វើឡើង ​ក្រោយពេល​សមត្ថកិច្ច​ បាន​ទទួល​ពាក្យ​បណ្ដឹង​ និង​ធ្វើការ​ស្រាវជ្រាវ រកឃើញថា ជនសង្ស័យ​ទាំងពីរ​នាក់​ខាងលើ ជាប់​ពាក់ព័ន្ធ​ករណី​លួងលោម​ក្មេង ស្រី​ជាច្រើន​នាក់ ឲ្យ​ទៅ​រួមរ័ក​ជាមួយ​ជនបរទេស ក្នុងតម្លៃ​២០០​ដុល្លារ​មួយ​យប់។ មន្ត្រី​អាវុធហត្ថ​រាជធានី​បាន​បញ្ជាក់ថា ក្មេងស្រី​ឈ្មោះ ស​.​ណ អាយុ​១៥​ឆ្នាំ​, ក្មេងស្រី​ឈ្មោះ ច​.​ណ អាយុ​១៥​ឆ្នាំ​, ក្មេងស្រី​ឈ្មោះ ម​.​ត អាយុ​១៤​ឆ្នាំ​, ក្មេងស្រី​ឈ្មោះ ល​.​ដ អាយុ​១៤​ឆ្នាំ សុទ្ធតែ​ត្រូវ​បាន​ជនសង្ស័យ​០២​នាក់​ម្តាយកូន​ខាងលើ​ធ្វើការ​លួងលោម​ឲ្យ​ទៅ​រួមរ័ក ជាមួយ​ជនបរទេស​ដូចៗ​គ្នា។ ពេល​ល្បួងលួងលោម​នោះ​ជនសង្ស័យ​ប្រាប់ថា នឹង​ទទួលបាន​ប្រាក់​ចំនួន​ពី ៥,០០០ ទៅ ១០,០០០ ដុល្លារ​ព្រមទាំង​ទិញ​ឡាន​និង​ផ្ទះ​ឲ្យ​ថែមទៀត តែ​ធាតុពិត​គឺ​ក្មេងស្រី​ឈ្មោះ ស​.​ណ និង ឈ្មោះ ច​.​ណ ធ្លាប់បាន​ទៅ​រួមរ័ក​ជាមួយ​បរទេស​រួចហើយ គឺ​ទទួលបាន​ប្រាក់​ត្រឹមតែ​២០០​ដុល្លារ​ក្នុង​មួយ​យប់​តែប៉ុណ្ណោះ ឯ​ក្មេងស្រី​ពីរ​នាក់​ទៀត​ឈ្មោះ ម​.​ត និង​ឈ្មោះ ល​.​ដ មិនទាន់បាន​ទៅ​រួម​រ័ក​ទេ ព្រោះ​ត្រូវបាន​ឪពុកម្តាយ​ពួកនាង​ទាំងពីរ ប្តឹង​មក​សមត្ថកិច្ច​អាវុធហត្ថ​រាជធានី​ភ្នំពេញ ជួយ​ស្រាវជ្រាវ​ទាន់ពេលវេលា ​ប​ន្ទា​ប់​ពី​ពួកនាង​បាន​បាត់​ចេញពីផ្ទះ​អស់​មួយ​យប់៕



Source: Kampuchea Thmey Daily

Post a Comment

0 Comments

Close Menu