ស្ទឹងត្រែង ៖ កម្លាំងរដ្ឋបាលព្រៃឈើសង្កាត់ ស្ទឹងត្រែងសហការជាមួយកម្លាំងនគរបាលប្រឆាំងបទល្មើសសេដ្ឋកិច្ចនៃស្នងការដ្ឋាននគរបាលខេត្ត បានធ្វើការចុះបង្ក្រាបទូកដឹកឈើមួយគ្រឿងដែលជាឈើប្រភេទលេខ 1 និងលេខ 2 ប្រមាណជាង 10 ម៉ែត្រគូប។
ទូកដឹកឈើមួយគ្រឿងនេះ ត្រូវបានកម្លាំងសមត្ថកិច្ចធ្វើការចុះបង្ក្រាបកាលពីវេលាម៉ោងប្រមាណ 11 និង 30 នាទីយប់កណ្ដាលអធ្រាតថ្ងៃទី20 ខែសីហា ឆ្នាំ2018 នៅក្នុងចំណុចក្រោមស្ពានសេកុងទល់មុខក្រុងស្ទឹងត្រែង។
លោកវរសេនីយ៍ទោវ៉ា សុផាន់នាយការិយាល័យប្រឆាំងបទល្មើសសេដ្ឋកិច្ចខេត្តបានឲ្យដឹងថា ទូកដឹកឈើមួយគ្រឿងនេះ បានធ្វើការដឹកជញ្ជូនចេញពីចំណុចភូមិញ៉ើនឃុំស្តៅ ស្រុកសេសានខេត្តស្ទឹងត្រែង បន្ទាប់ពីធ្វើចរាចរចុះដោយលួចលាក់ទាំងកណ្ដាលអធ្រាត្រនោះ ក៏ត្រូវបានកម្លាំងរបស់លោកសហការជាមួយរដ្ឋបាលព្រៃឈើ បានធ្វើការចុះបង្ក្រាបតែម្ដង។
លោកវរសេនីយ៍ទោបានបន្តឲ្យដឹងទៀតថា ទូកដែលបង្ក្រាបត្រូវបានធ្វើការរឹបអូសចំណុចកំពង់សាឡាង ប្រគល់ឲ្យមេព្រៃដើម្បីធ្វើការដឹកជញ្ជូនទៅកាន់ខណ្ឌរដ្ឋបាលព្រៃឈើខេត្ត។
លោកហ៊ុនសំអឿននាយរងសង្កាត់រដ្ឋបាលព្រៃឈើអូពងមាន់បានបញ្ជាក់ថា នៅពេលបង្ក្រាបទូកដឹកឈើគេបានឃើញមានកម្មករ៤នាក់ និងម្ចាស់ឈើបានយកឯកសារមកបង្ហាញសមត្ថកិច្ចថា ឈើនោះ គេបានសុំពីមេឃុំសណ្ដាន់ និងនិងមានហត្ថលេខារបស់អភិបាលរងស្រុកសំបូរ ឥម ធីរិននិយាយបញ្ជាក់ថា រូបគាត់ពិតជាគ្មានផ្ទះសម្បែងពិតប្រាកដមែន។
លោកនាយរងសង្កាត់បានបន្តថា ដោយឯកសារពុំមានលក្ខណៈគ្រប់គ្រាន់តាមច្បាប់រដ្ឋបាលព្រៃឈើត្រឹមត្រូវមានតែឯកភាពត្រឹមមេភូមិញ៉ើនតែប៉ុណ្ណោះមិនអាចយកជាការបាននោះទេ។
បច្ចុប្បន្នឈើប្រមាណជាង 10 ម៉ែត្រគូបទូកមួយគ្រឿងម៉ាស៊ីនហុងដាចំនួន 3 គ្រឿងត្រូវបានសមត្ថកិច្ចធ្វើការរឹបអូសយកទៅរក្សាទុកនៅខណ្ឌរដ្ឋបាលព្រៃឈើខេត្តដើម្បីចាត់ការបន្តទៅតាមនីតិវិធី៕
Source: Kampuchea Thmey Daily
0 Comments