ព្រឹកនេះ សម្តេចតេជោ ហ៊ុន សែន កំពុងជួបជាមួយតំណាងគណបក្សទាំង១៦

ភ្នំពេញ ៖ តំណាងគណបក្សនយោបាយចំនួន ១៦ បានចូលរួមកិច្ចពិភាក្សារវាងរាជរដ្ឋាភិបាល និង គណបក្សនយោបាយ នៅវិមានសន្តិភាពនាព្រឹកថ្ងៃទី២១ ខែសីហា នេះ ដែលដឹកនាំដោយសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃកម្ពុជា។

គណបក្សនយោបាយដែលចូលរួមកិច្ចពិគ្រោះយោបល់ខាងលើនេះ រួមមានដូចជា ៖ ១.គណបក្សខ្មែររួបរួមជាតិ, ២. គណបក្សពន្លឺថ្មី, ៣ . គណបក្សសញ្ជាតិកម្ពុជា,៤. គណបក្សខ្មែរក្រោក,៥.គណបក្ស សំបុកឃ្មុំសង្គមប្រជាធិបតេយ្យ,៦.គណបក្សសាធារណរដ្ឋប្រជាធិបតេយ្យ,៧.គណ បក្សសាធារណរដ្ឋខ្មែរ,៨.គណបក្សរស្មីខេមរា,៩. គណបក្សហ៊្វុនស៊ិនប៉ិច,១០.គណបក្សខ្មែរអភិវឌ្ឍសេដ្ឋកិច្ច,១១.គណ បក្សីចាំក្រុង យុវជនកម្ពុជា,១២. គណ បក្សធម្មាធិបតេយ្យ, ១៣ .គណបក្សឆន្ទៈខ្មែរ,១៤.គណបក្សជនជាតិដើមប្រជាធិបតេយ្យកម្ពុជា,១៥.គណបក្សខ្មែរតែមួយ និង ១៦.គណបក្សប្រជា ជនកម្ពុជា។

គណបក្សដែលមិនចូលរួមមាន ៖ ១.គណបក្សមាតុភូមិយើង, ២.គណបក្សប្រជាធិបតេយ្យមូលដ្ឋាន, ៣.គណបក្សសម្ព័ន្ធដើម្បីប្រជាធិបតេយ្យ និង ទី៤.គណបក្សខ្មែរឈប់ក្រ។

ប្រមុខរាជរដ្ឋាភិបាលកម្ពុជានៅព្រឹកថ្ងៃទី២០ ខែសីហា ឆ្នាំ២០១៨ បានបង្ហោះសារនៅលើហ្វេសប៊ុកផ្លូវការរបស់សម្តេចថា ៖ «នៅថ្ងៃស្អែក ទី២១ សីហានេះខ្ញុំនឹងជួបប្រជុំព្រមទាំងហូបអាហារសាមគ្គីជាមួយបងប្អូនថ្នាក់ដឹកនាំមកពីគណបក្សនយោបាយទាំង២០នៅវិមានសន្តិភាព។ ការ ជួបជុំបងប្អូននៅថ្ងៃស្អែកនេះ គឺនឹងពិភាក្សាគ្នាក្នុងការបង្កើត "ឧត្តមក្រុមប្រឹក្សាពិគ្រោះយោបល់" រវាងរាជរដ្ឋាភិបាល និង គណបក្សនយោបាយទាំង ២០ ដែលបានចូលរួមប្រកួតប្រជែងនៅក្នុងការបោះឆ្នោតកន្លងមកនេះ»។

សម្តេចតេជោបានបន្តទៀតថា ព្រោះថា ៖«ការចូលរួមផ្តល់នូវមតិយោបល់ច្រើនគឺរមែងនាំមកនូវផលប្រយោជន៍វិជ្ជមានល្អៗច្រើនសម្រាប់ ចូលរួមកសាង ជាតិ។ នេះក៏បង្ហាញអោយឃើញថា យើងរួបរួមគ្នាជាកម្លាំងស្នូលនៃសាមគ្គីភាព និងឯកភាពជាតិពិតប្រាកដតាមគន្លងលទ្ធិប្រជាធិបតេយ្យ៕