ការប្រកួតជាលក្ខណៈមិត្តភាពអន្តរជាតិ នៅសង្វៀនTV5 ព្រែកកំពឹស នាយប់ថ្ងៃទី២៥ ខែសីហាឆ្នាំ២០១៨នេះ ឡៅ ចិត្រា អ្នកប្រដាល់ជើងខ្លាំងកម្ពុជា នៃក្លិបកងពលតូចទ័ពឆ័ត្រយោង៩១១ ត្រូវគេផ្គូអោយជួបប្រកួតជាមួយអ្នកប្រដាល់ថៃ Kev Kangvan។
អ្នកប្រដាល់ថៃរូបនេះ គេធ្លាប់មកប្រកួតនៅកម្ពុជាពីរដងហើយ ដោយវាយឈ្នះថុល មករាដោយពិន្ទុ ហើយគេក៏ធ្លាប់ឈ្នះមាស ច័ន្ទមានផងដែរ។
ឡៅ ចិត្រា អ្នកប្រដាល់ជើងខ្លាំងរបស់កម្ពុជា ធ្លាប់ជួបអ្នកប្រដាល់ថៃច្រើននាក់ហើយ ដែលការប្រកួតចុងក្រោយរបស់គេនោះ គឺវាយឈ្នះYodpayak ដោយពិន្ទុ កាលពីថ្ងៃទី១៨សីហាកន្លងទៅនេះ។ ចាំមើល តើឡៅ ចិត្រា អាចយកឈ្នះ Kev Kangvan បានឬអត់នោះ?។
ទោះជាយ៉ាងណា រវាង ឡៅ ចិត្រា និង Kev Kangvan នេះ មិនដឹងថា អ្នកណាជាអ្នកឈ្នះទេ សំរាប់ការជួបគ្នានេះ ? ។ ព្រោះថា អ្នកប្រដាល់ Kev Kangvan នេះ គេមានស្នៀតប្រដាល់ល្អនិងវាយខ្លាំង ដែលឡៅ ចិត្រា មិនអាចមើលស្រាលគេបានឡើយ។
Kev Kongvan មានកំណត់ត្រាប្រកួតចំនួន៨៣លើក ឈ្នះ៦៣លើក ចាញ់១៨លើកនិងស្មើ០២លើក ខណះដែលឡៅ ចិត្រា គេក៏មានកំណត់ត្រាប្រកួតចំនួន៧៤លើក ក្នុងនោះឈ្នះ៦៩លើក ចាញ់០៥លើក មិនដែលស្មើ។
ចាំមើល អ្នកប្រដាល់ថៃ Kev Kangvan ជួបប្រកួតជាមួយ ឡៅ ចិត្រា លើកនេះ តើគេអាចយកឈ្នះបានដែរឬអត់ ?៕
Source: Kampuchea Thmey Daily
0 Comments