ភ្នំពេញ ៖ នៅព្រឹកថ្ងៃទី២៧ ខែសីហា ឆ្នាំ២០១៨ សាលាដំបូងរាជធានីភ្នំពេញ បានបើកសវនាការលើសំណុំរឿងមន្ត្រីអាដហុកចំនួន៤រូប និងមន្ត្រី គជប១ រូប ក្នុងសំណុំរឿងសូកប៉ាន់សាក្សី និងសមគំនិតក្នុងអំពើសូកប៉ាន់សាក្សី ក្នុងសំណុំរឿងរបស់កញ្ញា ខុម ចាន់តារ៉ាទី ហៅស្រីមុំ ដែលគេចោទប្រកាន់ថា ជាស្រីកំណាន់របស់លោក កឹម សុខា ប៉ុន្តែត្រូវបានលើកពេលទៅថ្ងៃទី១៨ ខែកញ្ញា ឆ្នាំ២០១៨វេលាម៉ោង៧និង៣០ នាទីព្រឹក ដោយសំអាងថា អវត្តមានសាក្សី។
សូមបញ្ជាក់ថា លោក នី សុខា, លោក យី សុខសាន្ត, លោក ណៃ រ៉ង់ដា និងលោកស្រី លឹម មុន្នី ដែលជាមន្ត្រីអាដហុក ត្រូវបានតុលាការចោទពីបទសូកប៉ាន់សាក្សី តាមមាត្រា៥៤៨ នៃក្រមព្រហ្មទណ្ឌ។ ដោយឡែកលោក នី ចរិយា អគ្គលេខាធិការរង គណៈកម្មាធិការជាតិរៀបចំការបោះឆ្នោត ត្រូវបានតុលាការចោទប្រកាន់ពីបទសមគំនិត ក្នុងអំពើសូកប៉ាន់សាក្សី តាមមាត្រា២៩ និងមាត្រា៥៤៨ នៃក្រមព្រហ្មទណ្ឌ ក្នុងសំណុំរឿងរបស់កញ្ញា ខុម ចាន់តារ៉ាទី ហៅស្រីមុំ ដែលគេចោទប្រកាន់ថាជានារីកំណាន់លោក កឹម សុខា ប៉ុន្តែនៅក្នុងសវនាការនាព្រឹកនេះ មានតែ៣នាក់ប៉ុណ្ណោះ គឺលោក នី ចរិយា , លោក យី សុខសាន និងលោក ណៃ វ៉ង់ដា៕
Source: Kampuchea Thmey Daily
0 Comments