ព្រះសីហនុ ៖ លោកឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងនៃកងយោធពលខេមរភូមិន្ទ នាយស្តីទីសេនាធិការចម្រុះ មេបញ្ជាការស្តីទីកងទ័ពជើងគោក បានអញ្ជើញជាអធិបតីក្នុងពិធីបិទវគ្គហ្វឹកហ្វឺនបំប៉នយុទ្ធវិធីថ្មើរជើងឆ្នាំ២០១៨ ប្រកាសតែងតាំងមុខងារ និងបំពាក់ឋានន្តរសក្ដិជូននាយទាហាន តំបន់ប្រតិបត្តិការសឹករង ព្រះសីហនុ ដែលពិធីនេះ ធ្វើឡើងកាលពីនារសៀលថ្ងៃទី២៤ ខែសីហា ឆ្នាំ២០១៨ នៅក្នុងទីបញ្ជាការ តំបន់ប្រតិបត្តិការសឹករង ព្រះសីហនុ ដោយមាននាយទាហាន នាយទាហានរង និងសិក្ខាកាមចូលរួមប្រមាណជាង៣០០នាក់។
នៅក្នុងពិធីនោះ បន្ទាប់ពីពិធីសំណេះសំណាលជាមួយនាយទាហាន នាយទាហានរង និងសិក្ខាកាម ដែលបានចូលរួម លោកឧត្តមសេនីយ៍ឯក ហ៊ុន ម៉ាណែត ក៏បានបំពាក់ឋានន្តរសក្ដិជូននាយទាហានចំនួន៦៥នាក់ ប្រកាសតែងតាំងមុខងារចំនួន២៩នាក់ និងបំពាក់គ្រឿងឥស្សរិយយសជូននាយទាហានដែលមានស្នាដៃចំនួន១១នាក់ផងដែរ៕
Source: Kampuchea Thmey Daily
0 Comments