ភ្នំពេញ ៖ បុរសម្នាក់ជិះម៉ូតូមិនប្រយ័ត្នប៉ះដៃចង្កូតគ្នាដួលខ្លួនឯង ត្រូវបានឡានដឹកស៊ីម៉ង់ត៍បើកមកពីក្រោយកិនបណ្ដាលឲ្យរងរបួសជើងធ្ងន់ធ្ងរកាលពីវេលាម៉ោង១១និង៣០នាទីថ្ងៃត្រង់ ថ្ងៃទី១៦ ខែសីហា ឆ្នាំ២០១៨ ស្ថិតនៅតាមបណ្តោយផ្លូវវេងស្រេងនៅទល់មុខរោងចក្រ៦ជាន់ក្នុងសង្កាត់ចោមចៅទី១ ខណ្ឌពោធិ៍សែនជ័យ។
តាមប្រភពពីកន្លែងកើតហេតុបានឲ្យដឹងថា មុនពេលកើតហេតុគេបានឃើញបុរសរងគ្រោះជិះម៉ូតូហុងដាឌ្រីមសេ១២៥ ស៊េរីឆ្នាំ២០១៧ ពាក់ស្លាកលេខបាត់ដំបង 1X-8696 ក្នុងទិសដៅពីលិចទៅកើតលុះចំណុចកើតហេតុគាត់បានគេច និង ម៉ូតូមួយគ្រឿងទៀតមិនចាំម៉ាកមិនប្រយ័ត្នក៏បណ្តាលដួលហើយភ្លាមៗនោះក៏មានរថយន្ដមួយគ្រឿងក្រឡុកស៊ីម៉ង់ពាក់ស្លាកលេខភ្នំពេញ 5A -1600 ទៀតមកពីក្រោយបណ្ដាលឲ្យកិនជើងបុរសរងគ្រោះខាងលើតែម្ដង។
បន្ទាប់មកត្រូវបានរថយន្ដសង្គ្រោះឯកជនដឹកយកទៅសង្គ្រោះភ្លាមៗផងដែរ សម្ភារៈទាំងសងខាងត្រូវសមត្ថកិច្ចវាស់វែងយកទៅរក្សារទុកដើម្បីរង់ចាំការដោះស្រាយគ្នានៅពេលក្រោយ៕
Source: Kampuchea Thmey Daily
0 Comments