ភ្នំពេញ ៖ មហាជនពិតបានស្គាល់ច្បាស់ហើយចំពោះអ្នកលក់ឡេតាមអនឡាញដែលចូលចិត្តសម្ញែងភាពសិចស៊ីស្ទើរអាក្រាតកាយ ថៃ ស្រីនាង ខណៈកន្លងមកធ្លាប់មានការរិះគន់ជាច្រើនពីសំណាក់ទស្សនិកជន។ ពិសេសក៏ធ្លាប់ផ្ទុះជម្លោះជាមួយអ្នកសិល្បៈខ្មែរមួយចំនួនផងដែរ ជាក់ស្តែងគឺកញ្ញា ដេននី ក្វាន់ តែម្តង។
ស្របពេលជាមួយគ្នាដែលរឿងរ៉ាវនេះទើបត្រូវបានស្ងប់ស្ងាត់មួយរយៈខ្លីនោះ អ្នកលក់ឡេសិចស៊ី ថៃ ស្រីនាង បែរជាត្រូវប្រធានសមាគមសិល្បករខ្មែរអ្នកនាង ចន ច័ន្ទលក្ខិណា ផ្ទុះប្រតិកម្មចេញមុខរិះគន់ដោយមិនសំចៃមាត់លើករណីដែលនាងសរសេរប្រកាសនៅលើបណ្តាញសង្គមជាសាធារណៈដោយតាំងខ្លួនថាជាតារាសិចស៊ី ហើយក៏មិនមែនជាតារាវ៉ៃសិចអីដែរ។
ជាប្រតិកម្មលើករណីនេះអ្នកនាង ចន ច័ន្ទលក្ខិណា បានលើកឡើងថា ហ៊ឹម លក់អីលក់ទៅតែ និយាយវែងឆ្ងាយប៉ះពាល់រឿងតារាស្អីទៀត ហើយចង់អោយគេកាន់តែមើលងាយតារាខ្មែរអោយកាន់តែខ្លាំងឬ ? តើគាត់ជាតារាដែរឬ ?សព្វថ្ងៃនេះតារាច្រើនពេកខ្ញុំស្គាល់អត់អស់ទេ។
ប្រធានសមាគមសិល្បករអ្នកនាងចន ច័ន្ទលក្ខិណា បន្តទៀតថា ខ្ញុំមិនដែលទោមនស្សនឹងការស្លៀកពាក់ ឬ លក់ដូរអ្វីរបស់អ្នកណាទេ ព្រោះគេស្លៀកតាមកាលៈទេសៈ ហើយគាត់ក៏ប្រកាសថាគាត់មិនមែនជាតារាទៀតដែរ និង ការថតរូបផ្សាយផលិតផលស្លៀកពាក់លើសបន្តិចបន្តួចរបស់អ្នកខ្លះទៀតក៏មិនមែនជាបញ្ហាចោទទេ ហើយការនិយាយនេះក៏មិនមែនខ្ញុំរើសដាក់ខ្លួននូវអ្វីដែលគាត់និយាយទេ គ្រាន់តែទើសនឹងពាក្យសម្តីបន្តិចបន្តូចរបស់គាត់។
បន្ថែមពីលើនេះអ្នកនាង ចន ច័ន្ទលក្ខិណា និយាយថា គិតទៅអោយតែគេស្គាល់ច្រើន មិនថាតាមប្រព័ន្ធសង្គម Facebook ឬ ទូរទស្សន៍ ឬ ប្រព័ន្ធផ្សព្វផ្សាយអ្វីផ្សេងគឺសុទ្ធតែជាតារាដែរ។ ហ៊ឹម ងារជាតារាក៏ងាយទទួលម្ល៉េះណ៎ ? ថាមិនចង់លូកមាត់ទេសុំទោសផងដែលនិយាយប៉ះពាល់ការលក់ដូររបស់អូន។
សូមបញ្ជាក់ថា ប្រតិកម្មរបស់អ្នកនាង ចន ច័ន្ទលក្ខិណា នេះបានធ្វើឡើងស្របពេលដែលស្រីស្រស់ ថៃ ស្រីនាង បានចេញមុខបញ្ជាក់ថាមានបុរសមួយចំនួននិយាយថាមិនហ៊ានបណ្តើរ ថៃ ស្រីនាង ទេខ្លាចខ្មាសគេព្រោះគេស្គាល់ច្រើនថាជាតារាសិចស៊ី …ចង់ប្រាប់បងៗវិញថាខ្ញុំតារាសិចស៊ី មិនមែនតារាវ៉ៃសិចទេ ដែលស្លៀកជិតៗ តែដើរចេញក្រៅប្រុសស្គាល់មុខគ្រប់គ្នានោះ៕
Source: Kampuchea Thmey Daily
0 Comments