ជន​សង្ស័យ​បង្ក​ភ្លើង​ឆេះ​ព្រៃ​ ត្រូវ​បាន​ចាប់ខ្លួន​ បន្ទាប់ពី​គំរាម​ថា “​កន្លែង​នេះ​នឹង​ឆេះ​ខ្ទេច​”

អាជ្ញាធរ​បាន​ចាប់ខ្លួន​បុរស​ម្នាក់​ដែល​បង្ក​ឲ្យ​មាន​អគ្គិភ័យ Holy Fire ដែល​បាន​ដុត​បំផ្លាញ​ផ្ទៃដី​ជាង​៩,៦០០​ហិកតា​តាមរយៈ​ជួរ​ភ្នំ​នៃ​រដ្ឋ​កាលីហ្វ័រ​នីញ៉ា​ភាគ​ខាង​ត្បូង។

លោក Forrest Gordon Clark អាយុ​៥១​ឆ្នាំ​បាន​ផ្ញើ​អ៊ី​ម៉ែ​ល​ទៅកាន់​ប្រធាន​អគ្គិភ័យ​ស្ម័គ្រចិត្ត​ក្នុង​តំបន់​ដើម្បី​គំរាមថា “​កន្លែង​នេះ​នឹង​ឆេះ​ខ្ទេច​”​។​

អ្នក​ពន្លត់​អគ្គិភ័យ​ជាង​៦០០​នាក់​កំពុងតែ​ប្រយុទ្ធ​ជាមួយ​អគ្គិភ័យ Holy Fire ដែលជា​ភ្លើង​ឆេះ​ព្រៃ​មួយ​ក្នុងចំណោម​ភ្លើង​ឆេះ​ព្រៃ​ចំនួន​១៨​ដែល​កំពុង​កើតឡើង​នៅ​ទូទាំង​រដ្ឋ​នេះ​។​

អគ្គិភ័យ Mendocino Complex ត្រូវបាន​គេ​ប្រកាសថា​ជា​អគ្គិភ័យ​ធំ​បំផុត​ក្នុង​ប្រវត្តិសាស្ត្រ​របស់​រដ្ឋ​នេះ។

លោក Clark ត្រូវបាន​ចាប់ខ្លួន​នៅ​ខាងក្រៅ​ខ្ទម​របស់គាត់​កាលពី​ថ្ងៃ​អង្គារ​បន្ទាប់ពី​មានការ​ប្រឈមមុខ​ដាក់​គ្នា​ជាមួយ​មន្ត្រី​។ គាត់​ត្រូវបាន​គេ​ចោទប្រកាន់​ពីបទ​លួច​ដុត​ភ្លើង គំរាម​ប្រព្រឹត្ត​អំពើ​ភេរវកម្ម​និង​ប្រឆាំងនឹង​ការចាប់ខ្លួន​។​

គាត់​ត្រូវបាន​ឃុំឃាំង​នៅក្នុង​ពន្ធនាគារ​ជាមួយ​កិច្ចសន្យា​ទឹកប្រាក់​១​លាន​ដុល្លារ​ទាក់ទង​នឹង​អគ្គិភ័យ​ដែល​បន្ត​ឆាបឆេះ​នៅ​តំបន់ភ្នំ Santa Ana ភាគខាងត្បូង​ទីក្រុង Los Angeles ។​

អាជ្ញាធរ​បាន​និយាយថា គាត់​បានចាប់ផ្តើម​បញ្ឆេះ​ភ្លើង​ដោយ​ចេតនា​កាលពី​ថ្ងៃ​ចន្ទ​បន្ទាប់ពី​មាន​ជម្លោះ​មួយ​ទសវត្សរ៍​ជាមួយ​ប្រទេសជិតខាង​។ អចលនទ្រព្យ​ក្បែរៗ​នោះ​ទាំង​១២​ត្រូវបាន​ដុត​ឆេះ​ដោយ​ភ្លើង​ប៉ុន្តែ​មានតែ​ផ្ទះ​របស់លោក Clark ប៉ុណ្ណោះ​ដែល​មិន​អី​។​

លោកស្រី Susan Schroeder អ្នកនាំពាក្យ​ការិយាល័យ​មេធាវី​តំបន់ Orange County បាន​និយាយថា ការិយាល័យ​របស់លោក​ស្រី​នឹង​នាំ​គាត់​ទៅរក​យុត្តិធម៌​ចំពោះ​ឧក្រិដ្ឋកម្ម​ដ៏​អាក្រក់​ទាំងនេះ​។​

ផ្ទៃដី​ជាង​៦០០,០០០​ហិច​តា​នៅ​ទូទាំង​រដ្ឋ​នេះ​ត្រូវបាន​កម្ទេច​ដោយ​រដូវ​ភ្លើង​ឆេះ​នៅ​ឆ្នាំនេះ​ខណៈដែល​អ្នកជំនាញ​បាន​ព្រមាន​ថា​នឹង​កើន​ឡើងជា​រៀងរាល់ឆ្នាំ​។

អ្នក​ពន្លត់​អគ្គិភ័យ​ជាង​១៤,០០០​នាក់​កំពុងតែធ្វើការ​នៅ​ទូទាំង​រដ្ឋ​ខណៈ​ក្រុមការងារ​មកពី​ប្រទេស​អូស្ត្រាលី​និង​នូ​វែ​ល​ហ្សេ​ឡង់​ក៏បាន​ជួយ​ផងដែរ​។​

អ្នក​ពន្លត់​អគ្គិភ័យ​ពីរ​នាក់​ត្រូវបាន​គេ​ព្យាបាល​សម្រាប់​ការរង​របួស​ដែល​ទាក់ទង​នឹង​កំដៅ​នៅក្នុង​ភ្លើង​ឆេះ​ព្រៃ Holy Fire​។​

ក្រុមមន្ត្រី​បាន​និយាយថា អគ្គិភ័យ​នេះ​ទប់ស្កាត់​បានត្រឹមតែ​៥​ភាគរយ​ប៉ុណ្ណោះ​ខណៈពេលដែល​សីតុណ្ហភាព​នៅតែ​បន្ត​ស្ថិតនៅលើ​៣២​អង្សា​សេ​។ ប៉ុន្តែ​ពួកគេ​សង្ឃឹមថា លក្ខខណ្ឌ​អាកាសធាតុ​នឹង​ប្រសើរឡើង​នៅពេល​សីតុណ្ហភាព​ធ្លាក់ចុះ​នៅ​ចុង​សប្តាហ៍​នេះ​៕

​

Source: Kampuchea Thmey Daily