ព្រៃវែង ៖ កុមារាអាយុ៣ឆ្នាំម្នាក់ លង់ទឹកស្រះខាងក្រោយមណ្ឌលសុខភាពស្លាប់បាត់បង់ជីវិត ខណៈជីដូនរវល់ពិនិត្យផ្ទៃពោះឲ្យអ្នកជំងឺ។
ហេតុការណ៍ខាងលើបានបង្កការភ្ញាក់ផ្អើលឡើង កាលពីព្រឹកថ្ងៃទី២២ ខែសីហា ឆ្នាំ២០១៨នៅចំណុចស្រះទឹកខាងក្រោយមណ្ឌលសុខភាពព្រែកឈ្មោះ ស្ថិតក្នុងភូមិព្រែកតាស ឃុំព្រែកឈ្មោះស្រុកពោធិ៍រៀង ខេត្តព្រៃវែង វេលាម៉ោង១០និង២៥នាទីព្រឹក។
សមត្ថកិច្ចនៃអធិការដ្ឋាននគរបាលស្រុកពោធិ៍រៀងបានឲ្យដឹងថា កុមារារងគ្រោះខាងលើមានឈ្មោះពៅ ភារម្យ ភេទប្រុស អាយុ៣ឆ្នាំ ឪពុកឈ្មោះប៉ុល ភារៈអាយុ២៦ ឆ្នាំ និងម្តាយឈ្មោះសាម ចន្ថា អាយុ២៤ឆ្នាំ រស់នៅភូមិឃុំកើតហេតុខាងលើ។ស
មត្ថកិច្ចបានបន្តថា មូលហេតុគឺជីដូនរបស់កុមាររងគ្រោះឈ្មោះហេង សុជាតិ កំពុងរវល់ពិនិត្យផ្ទៃពោះឲ្យគេនៅក្នុងមណ្ឌលសុខភាព ហើយកុមាររងគ្រោះបានដើរទៅលេងក្បែរស្រះទឹកខាងក្រោយមណ្ឌលសុខភាពនោះ ក៏រអិលជើងធ្លាក់ក្នុងទឹកស្រះបណ្តាលឲ្យលង់ស្លាប់តែម្តង។
ក្រោយកើតហេតុ សមត្ថកិច្ចបានចុះដល់ចំណុចកើតហេតុ និងធ្វើការពិនិត្យសាកសពឃើញថាកុមាររងគ្រោះ គឺពិតជាស្លាប់ដោយសារលង់ទឹកស្រះពិតប្រាកត់មែន។
ករណីក្មេងលង់ទឹកគឺនៅក្នុងខេត្តព្រៃវែងក្នុងឆ្នាំ២០១៨នេះ គឺកើតមានញឹកញាប់ណាស់ដូច្នេះ សូមឲ្យបងប្អូនដែលជាអាណាព្យាបាលកូនប្រុសស្រីគ្រប់រូបគួរតែប្រុងប្រយ័ត្នឲ្យបានខ្ពស់បំផុតចំពោះកូនរបស់ខ្លួនជៀសវាងកុំឲ្យកើតមានដូចករណីនេះទៀត។ សពត្រូវបានប្រគល់ឲក្រុមគ្រួសារធ្វើបុណ្យតាមប្រពៃណី៕
Source: Kampuchea Thmey Daily
0 Comments