រតនគិរី ៖ យុវជនម្នាក់ ត្រូវបានសមត្ថកិច្ចស្រុកកូនមុំ ឃាត់ខ្លួន ក្រោយពីរូបគេធ្វើសកម្មភាព លួចម៉ូតូម៉ាកវ៉េវឆ្លាមកញ្ចាស់មួយគ្រឿង កាលពីវេលាម៉ោង៩និង៣០នាទីព្រឹក ថ្ងៃទី១១ ខែសីហា ឆ្នាំ២០១៨ នៅចំណុចផ្សារកូនមុំ ស្ថិតក្នុងភូមិ៣ ឃុំត្រពាំងច្រេស ស្រុកកូនមុំ ខេត្តរតនគិរី។
នគរបាលស្រុកកូនមុំបានឲ្យដឹងថា ជនសង្ស័យឈ្មោះ ស្រ៊ុន ធារី ភេទប្រុស អាយុ២១ឆ្នាំ ជនជាតិខ្មែរ មានទីលំនៅភូមិ៣ ឃុំត្រពាំងច្រេស ស្រុកកូនមុំ បានលួចម៉ូតូ១គ្រឿង ម៉ាកវ៉េវឆ្លាម ពណ៌ខៀវ គ្មានស្លាកលេខ មានម្ចាស់ឈ្មោះ សិត ថេត ភេទប្រុស អាយុ៣៦ឆ្នាំ ជនជាតិខ្មែរ មានទីលំនៅភូមិ៣ ឃុំត្រពាំងច្រេស ស្រុកកូនមុំ។
បច្ចុប្បន្នជនសង្ស័យកំពុងឃាត់ខ្លួននៅអធិការដ្ឋាននគរបាលស្រុកកូនមុំ ដើម្បីកសាងសំណុំរឿងបញ្ជូនទៅតុលាការចាត់ការតាមនីតិវិធី៕
Source: Kampuchea Thmey Daily
0 Comments