ភ្នំពេញ ៖ នាព្រឹកថ្ងៃទី២៤ខែសីហានេះក្រុមហ៊ុនអ្នកឧកញ៉ាឃុន សៀ គ្រុប អភិវឌ្ឍន៍ បាននាំយកអំណោយរួមមានសម្ភារៈសិក្សានិងថវិកាផ្តល់ដល់សិស្សនិងប្រជាពលរដ្ឋ ដែលជាជនចាស់ជរា ក្រីក្រ ស្ថិតក្នុងឃុំជ្រៃលាស់ ស្រុកពញាឮ ខេត្តកណ្តាល សរុបជិត៥០០នាក់។
អំណោយដែលរបស់អ្នកឧកញ៉ា ដែលផ្តល់សិស្សសាលាបឋមសិក្សាពពែក្រោមចំនួន១៨០នាក់ក្នុងម្នាក់ៗទទួលបានកាបូបស្ពាយ១ សៀវភៅ៥ក្បាលនិងសម្ភារៈប្រើប្រាស់ក្នុងការសិក្សា១ឈុតរួមនឹងថវិកាចំនួន១០០០០រៀល។
លោកនាយកសាលាចំនួន៤០ម៉ឺនរៀល។ លោកគ្រូ អ្នកគ្រូ៦នាក់ក្នុងម្នាក់ៗទទួលបាន២០ម៉ឺនរៀល។ ក្នុងនោះក្រុមហ៊ុនអ្នកឧកញ៉ាបានផ្តល់កុំព្យូទ័រ៥គ្រឿងនិងម៉ាស៊ីនស្លាយចំនួន១។
ដោយឡែកលោកតាលោកយាយនិងជនចាស់ជរាចំនួន២០០នាក់មកពីភូមិចំនួន៣ក្នុងម្នាក់ៗទទួលបានសារុង១និងថវិកា២០០០០រៀល។ លោកនាយប៉ុស្តិឃុំជ្រៃលាស់ចំនួន៤០ម៉ឺនរៀលហើយក្នុងនោះមន្ត្រីនគរបាលប៉ុស្តិ៍ និង កម្លាំងប្រជាការពារចំនួន២៣នាក់ ក្នុងម្នាក់ទទួលបានថវិកា២០០០០រៀល។ ព្រមទាំងប្រគេនទេយ្យវត្ថុនិងបច្ច័យប្រគេនដល់ព្រះចៅអធិការវត្តពពែក្រោមចំនួន៥០ម៉ឺនរៀល។
ក្នុងពិធីប្រគល់អំណោយដល់សិស្សនិងជនចាស់ជរាក្នុងឃុំជ្រៃលាស់ប្រមាណជិត៥០០នាក់នេះតំណាងក្រុមហ៊ុនអ្នកឧកញ៉ា ឃុន សៀគ្រុប និងអភិវឌ្ឍន៍បានបញ្ជាក់ថា នេះជាលើកទី២ដែលក្រុមហ៊ុនអ្នកឧកញ៉ា បាននាំយកអំណោយផ្តល់ដល់សិស្សសាលាបឋមសិក្សាពពែក្រោម ដែលលើកទី១គឺបានផ្តល់ជាថវិកាសុទ្ធក្នុងម្នាក់ៗចំនួន២០០០០រៀល រួមទាំងលោកតាលោកយាយប្រមាណ៣០នាក់ក្នុងម្នាក់ៗទទួលបានថវិកាចំនួន២០០០០រៀលផងដែរ។ ហើយដោយសារមានការស្នើសុំពីលោកបុង សារឿន នាយកសាលាបឋមសិក្សាពពែក្រោម ពីការខ្វះខាតអគារទីចាត់ការនិងបណ្ណាល័យផងនោះ តំណាងក្រុមហ៊ុនអ្នកឧកញ៉ាក៏បានសម្រេចសាងសង់ជូនទៀតផង។
តំណាងក្រុមហ៊ុនអ្នកឧកញ៉ាបានបញ្ជាក់ជូនលោកតា លោកយាយព្រមទាំងសិស្សានុសិស្សថាក្រុមហ៊ុននិងបន្តជួយទៅតាមលទ្ធភាពជាបណ្តើរធ្វើយ៉ាងណាឲ្យសិស្សានុសិស្សបានរៀនសូត្រឲ្យមានចំណេះដឹងដើម្បីអនាគតរៀងៗខ្លួន។
ចំពោះលោកតាលោកយាយចាស់ គឺក្រុមហ៊ុននៅបន្តជួយជាបន្តផងដែរ ព្រោះការជួយគ្នាបែបនេះ ជាទំនៀមទម្លាប់របស់ខ្មែរយើងទៅហើយ៕
Source: Kampuchea Thmey Daily
0 Comments