ក្រុមហ៊ុន​ភេសជ្ជៈ​កម្ពុជា (​កូ​កា​-​កូ​ឡា​)​រកឃើញ​ជើង​ខ្លាំង​បួន​ក្រុម​នៃ​ពានរង្វាន់​បាល់ទាត់​អា​ឃ្វ័​រ​រៀស​ប្រចាំឆ្នាំ ២០១៨

ភ្នំពេញ ​៖ ​ក្រុមហ៊ុន​ភេសជ្ជៈ​កម្ពុជា (​កូ​កា​-​កូ​ឡា​)​បាន​រកឃើញ​ជើង​ខ្លាំង​ចំនួន​បួន​ក្រុម​នៃ​ពានរង្វាន់​បាល់ទាត់​អា​ឃ្វ័​រ​រៀស​ប្រចាំឆ្នាំ (Aquarius Cup) ២០១៨​ដែលជា​ពានរង្វាន់​បាល់ទាត់​អា​ឃ្វ័​រ​រៀស​លើកដំបូង​នៅក្នុង​ព្រះរាជាណាចក្រ​កម្ពុជា​។
​
កីឡាករ​ចំនួន 56 ក្រុម​បាន​ចូលរួម​ការប្រកួត​ដណ្តើមពាន​នេះ តាំងពី​ថ្ងៃទី ១៦ ខែសីហា​ហើយ​ជា​លទ្ធផល​បាន​រកឃើញ​ជើង​ខ្លាំង ៤​ក្រុម​បន្ទាប់ពី​ប្រកួត​ផ្តាច់ព្រ័ត្រ​នៅ​ទីលានកីឡា​បាល់ទាត់ V-Soccer ស្ថិតនៅ​ខណ្ឌ​ជ្រោយចង្វារ រួចមកហើយ​តាមរយៈ​ការវាយ​តំ​លៃ​ដ៏​សុក្រឹត​ពី​សំណាក់​អាជ្ញាកណ្តាល​ដែល​ទទួលស្គាល់​ដោយ​សហព័ន្ធ​កីឡាបាល់ទាត់​កម្ពុជា​ដោយ​ចំណា​ច់​ថ្នាក់​លេខ​១​បាន​ទៅលើ​ក្រុម​ឱ​ម៉ា​ល់ទ​ទួលបាន​ទឹកប្រាក់​សុទ្ធ USD 4.500 (​បួន​ពាន់​ដុល្លារ​អាមេរិក​)​។​លេខ​២​ក្រុម​អាណាចក្រ​បៃតង​ទទួលបាន​ទឹកប្រាក់​សុទ្ធ​ចំនួន USD 2.200 (​ពីរពាន់​ពីរ​រយ​ដុល្លារ​អាមេរិក​) ។​លេខ​៣​ក្រុម Down Town Sport​ទទួលបាន​ទឹកប្រាក់​សុទ្ធ​ចំនួន USD 1.500 (​មួយ​ពាន់ ប្រាំ​រយ​ដុល្លារ​អាមេរិក​) និង​លេខ​៤​ក្រុម​ពាក់​មី ទទួលបាន​ទឹកប្រាក់​សុទ្ធ​ចំនួន USD 750 (​ប្រាំពីរ​រយ​ហាសិប​ដុល្លារ​អាមេរិក​)​។​

លោក មាស​វុត្ថា នាយក​ផ្នែក​លក់​ប្រចាំ​ប្រទេស​នៃ​ក្រុមហ៊ុន​ភេសជ្ជៈ​កម្ពុជា​(​កូ​កា​-​កូ​ឡា​)​បាន​មានប្រសាសន៍ៈ​«​យើង​មាន​សេចក្តី​សោម​ន្ស​រីករាយ​ណាស់ ក្នុងការ​រកឃើញ​ជើងឯក​ការប្រកួត​បាល់ទាត់​ពាន​អា​ឃ្វ័​រ​រៀស (Aquarius Cup)​នេះ​។ ការប្រកួត​ពាន​នេះ មិន​ត្រឹមតែ​ជាការ​ប្រកួត​កីឡា​តែប៉ុណ្ណោះ​ទេ តែ​ក៏​ជា​ឱកាស​មួយ​សម្រាប់​កីឡាករ​ដើម្បី​បញ្ចេញ​សកម្មភាព និង​បង្ហាញ​ពី​ការ​ឲ្យ​តម្លៃ​របស់​ពួកគេ​ចំពោះ​មិត្តភាព ការងារ​ជា​ក្រុម សាមគ្គីភាព​និង​ការគោរព​គ្នា តាមរយៈ​ចំណង់​ចំណូលចិត្ត​របស់​ពួកគេ​ចំពោះ​កីឡាបាល់ទាត់​នេះ​។​អា​ឃ្វ័​រ​រៀស​យល់ថា​មនុស្ស​គ្រប់រូប​បំពេញការងារ​បានល្អ​បំផុត​នៅពេលដែល​ពួកគេ​មាន​ជាតិ​ទឹក​គ្រប់គ្រាន់​ក្នុង​សារពាង្គកាយ​» ។​
​
ពានរង្វាន់​បាល់ទាត់​អា​ឃ្វ័​រ​រៀស (Aquarius Cup) គឺជា​គំនិត​ផ្តួចផ្តើម​ចុងក្រោយ​បំផុត​របស់​ក្រុមហ៊ុន​ភេសជ្ជៈ​កម្ពុជា​ដើម្បី​ចែករំលែក​ជាមួយ​ប្រជាជន​កម្ពុជា​នូវ​ភេសជ្ជៈ​ជាតិ​រ៉ែ បង្កើន​ភាពស្វាហាប់​។ អា​ឃ្វ័​រ​រៀស បំបាត់​ភាព​ស្រែក​ទឹក និង​បំពេញ​ជាតិ​ទឹកបាន​ឆាប់រហ័ស​ដល់​រាងកាយ​។ ផលិតផល​អា​ឃ្វ័​រ​រៀស​ត្រូវបាន​ណែនាំ​មក​ទីផ្សារ​កម្ពុជា​លើកដំបូង​នៅក្នុង​ឆ្នាំ​2014​ដោយ​ក្រុមហ៊ុន​ភេសជ្ជៈ​កម្ពុជា (​កូ​កា​-​កូ​ឡា​) ហើយ​ផលិតផល​នេះ​ទទួលបាន​ការពេញនិយម​យ៉ាងខ្លាំង​ពី​សំណាក់​អតិថិជន​និយម​លេង​កីឡា ដែល​ពួកគាត់​កំពុង​ស្វែងរក​ប្រភេទ​ភេសជ្ជៈ​ដែល​បំពេញ​ជាតិ​ទឹ​ត្រឡប់មក​រាងកាយ​វិញ​សំរាប់​ប្រទេស​ក្នុង​តំបន់​អាកាសធាតុ​ត្រូ​ពិ​ក​ដូច​កម្ពុជា​យើង​នេះ​។​

គួរបញ្ជាក់​ថា​អា​ឃ្វ័​រ​រៀស គឺជា​ពាណិជ្ជសញ្ញា​មួយ​ក្នុងចំណោម​ពាណិជ្ជសញ្ញា​ល្បី ៗ ចំនួន 20 របស់​ក្រុមហ៊ុន​កូ​កា​-​កូ​ឡា ហើយ​បាន​ក្លាយជា​ពាណិជ្ជសញ្ញា​ដែល​ឈានមុខ​គេ ចំណាត់ថ្នាក់​លេខ 1 ផ្នែក​បំពេញ​ជាតិ​ទឹក​នៅក្នុង​ប្រទេស​ជប៉ុន​។ នៅ​ប្រទេស​កម្ពុជា អា​ឃ្វ័​រ​រៀស គឺជា​ពាណិជ្ជសញ្ញា​ដ៏​មាន​ប្រជាប្រិយភាព និង​លេចធ្លោ​ក្នុងចំណោម​ប្រភេទ​ផលិតផល ដែលមាន​ការប្រកួតប្រជែង​ខ្ពស់​។​

អា​ឃ្វ័​រ​រៀស​ផ្សំ​ឡើង​ពី​គ្រឿងផ្សំ​ជាច្រើន​រួមមាន​៖ អំបិល សូ​ដ្យូ​ម វីតាមីន B (B3, B5, B6, B12) ជាតិ​ស្ករ​ហ្វ្រូ​ច​តូ​ស​ប៉ូ​តា​ស្យូ​ម​ផូស្វាត និង​ហ្គា​រ៉ា​ណា​ដែល​ជួយ​កាត់បន្ថយ​អារម្មណ៍​នឿយហត់​អស់កម្លាំង​។ អា​ឃ្វ័​រ​រៀស​អាចជួយ​ដល់​រាងកាយ​ឲ្យ​ងាយ​ឆាប់​ស្រូបយក​សារធាតុចិញ្ចឹម​ពី​ប្រព័ន្ធ​រំលាយ​អាហារ​ទៅកាន់​សរសៃឈាម​។ លើសពីនេះទៅទៀត សូ​ដ្យូ​ម គឺជា​ជាតិ​រ៉ែ​ចម្បង​មួយ​ប្រភេទ ដែល​ងាយ​បាត់បង់​តាមរយៈ​ការបញ្ចេញ​ញើស វា​មាន​វត្តមាន​នៅក្នុង​អា​ឃ្វ័​រ​រៀស ដែល​អាចជួយ​ឱ្យ​រាងកាយ​របស់​យើង​រក្សា​នូវ​ជាតិ​ទឹក និង​បំពេញ​មកវិញ​នូវ​ការបាត់បង់​ជាតិ​ទឹក​។​
​
បច្ចុប្បន្ន អា​ឃ្វ័​រ​រៀស​ក្លា​សិ​ក និង អា​ឃ្វ័​រ​រៀស​វី​ជី (Aquarius Veggies)​មាន​ក្នុង​ចំណុះ 330ml ជា​កំប៉ុង​និង ប្រភេទ​ដប​ជ័រ 390ml ហើយ​ប្រភេទ​វេច​ខ្ចប់​នីមួយៗ​នៃ​អា​ឃ្វ័​រ​រៀស​មាន​បញ្ជាក់​យ៉ាង​ទូលំទូលាយ​អំពី​ព័ត៌មាន​អំពី​គ្រឿងផ្សំ​ព្រមទាំង​អាហារូបត្ថម្ភ​ផងដែរ៕



​

Source: Kampuchea Thmey Daily