ភ្នំពេញ ៖ ជនជាតិស្បែកខ្មៅ មួយក្រុម បានឈ្លោះប្រកែកគ្នា ផ្ដើមឡើងរឿង និយាយដើមគ្នា រហូត ឈានដល់ប្រើអំពើហិង្សា ទាញកាំបិតបុ័ងតោ កាប់ប្រហារបណ្ដាល ឲ្យម្នាក់របួសរយះបាត ដៃខាងឆ្វេង បង្កការភ្ញាក់ផ្អើលសមត្ថកិច្ច ចុះអន្តរាគមន៍ នាំយកទៅសាកសួរ។
អំពើហិង្សានេះបាន កើតឡើង កាលពីល្ងាច ថ្ងៃទី២៦ ខែកញ្ញា ឆ្នាំ២០១៨ នៅចំណុចភោជនីយដ្ឋាន អូប៊ីអេហ្សេ ស្ថិតនៅផ្ទះលេខ T.៣៤ ផ្លូវតូប៉ាស់ ក្បែរផ្សារសុវណ្ណា សង្កាត់ទំនប់ទឹក ខណ្ឌចំការមន។ភាគីទាំងពីរ មិនត្រូវបាន ស្គាល់ឈ្មោះ និងមុខរប នោះទេ។
តាមសមត្ថកិច្ចបានឲ្យដឹងថា នៅមុនពេលកើតហេតុ ជនជាតិស្បែកខ្មៅ មួយក្រុម បានចូលទៅក្នុង ភោជនីយដ្ឋាន អូប៊ីអេហ្សេ ស្ថិតនៅផ្ទះលេខ T.៣៤ ផ្លូវតូប៉ាស់ ក្បែរផ្សារសុវណ្ណា សង្កាត់ទំនប់ទឹក ខណ្ឌចំការមន ក្រោយមក ក៏កើតជាជម្លោះពាក្យសម្តី គ្នាយ៉ាងខ្លាំងរហូតដល់ បុរសជនជាតិស្បែកខ្មៅ កាន់កាំបិតបុ័ងតោ ដេញកាប់ បុរសជាជនជាតិស្បែកខ្មៅដូចគ្នាបណ្តាលឲ្យ មាន ស្នាមរយះបាតដៃ ខាងឆ្វេងនិងហូរឈាមរហាម បង្កការភ្ញាក់ផ្អើលសមត្ថកិច្ច ចុះអន្តរាគមន៍ នៅកន្លែងកើតហេតុនាំ បុរសដែលជាអ្នកកាន់ កាំបិត និងអ្នក មានស្នាមរយះបាតដៃ ខាងឆ្វេងនិងហូរឈាមរហាម មកកាន់ប៉ុស្តិ៍ដើម្បីសាកសួរនាំបន្ត។
សមត្ថកិច្ចបានឲ្យដឹងតាមរយៈការសាកសួរភាគីទាំង២ ថា រឿងនេះ ទំនាស់គ្នាដោយសារម្ខាង ចោទទៅលើម្ខាងនិយាយ ដើមកើតចេញជាជម្លោះ ហើយស្ថានភាពហូរឈាមខ្លាំង ពេកក៏បញ្ជូនទៅមន្ទីរពេទ្យរុស្ស៊ីដើម្បី លាងនិងដេររបួស សិនតែភាគីទាំងសងខាង មិនទាមទារអ្វីសុំស្មើគ្នាតែ សមត្ថកិច្ចអោយភាគីទាំងសងខាង៥នាក់ អោយយកលិខិតឆ្លងដែន និងសៀវភៅការងារ ភ្ជាប់ជាមួយបើសិនមិនដូច្នេះនឹងប្រគល់ អោយនាយកដ្ឋានអន្តោប្រវេសន៍ ចាត់ការបន្តជាមិនខាន៕
Source: Kampuchea Thmey Daily
0 Comments