ភ្នំពេញ ៖ ដោយអនុវត្តតាមការណែនាំរបស់លោកសុខ ពេញវុធ អភិបាលនៃគណៈអភិបាលខណ្ឌដូនពេញ ធ្វើយ៉ាងណាឲ្យកម្លាំងសមត្ថកិច្ចខណ្ឌ ត្រូវប្រតិបត្តិការចាប់បទល្មើសនានាឲ្យទាន់ពេលវេលានោះ និង ជាពិសេសទៀត ដើម្បីកាត់បន្ថយរាល់បទល្មើសគ្រប់ប្រភេទដូចជាលួច ឆក់ ប្លន់ រួមទាំងគ្រោះថ្នាក់ចរាចរណ៍ផងនោះ កម្លាំងគណៈបញ្ជាការឯកភាពខណ្ឌដូនពេញនៅតែរឹតបន្តឹងក្នុងការដាក់គោលដៅត្រួតពិនិត្យអាវុធជាតិផ្ទុះ និង គ្រឿងស្រវឹងនៅគោលដៅផ្លូវនៅគោលដៅផ្លូវលេខ ១៩ កែង ៩៤ខាងមុខអគ្គិសនីវត្តភ្នំសង្កាត់វត្តភ្នំ ខណ្ឌដូនពេញ។
ប្រតិបត្តិការត្រួតពិនិត្យអាវុធជាតិផ្ទុះ និង ជាតិស្រវឹងរួមទាំងពង្រឹងច្បាប់ចរាចរផ្លូវគោកនាយប់នោះដែរ ដឹកនាំដោយលោកស្រី នូ ថាវរី អភិបាលរងខណ្ឌដែលមានកម្លាំងចំរុះចំនួន២៨នាក់ដើម្បីត្រួតពិនិត្យលើយានយន្ត ដែលមានការសង្ស័យ និង មិនគោរពច្បាប់ចរាចរណ៍នោះ។
ក្នុងពេលត្រួតពិនិត្យអាវុធជាតិផ្ទុះ និង ជាតិស្រវឹងរួមទាំងពង្រឹងច្បាប់ចរាចរផ្លូវគោកបានអនុវត្តចាប់ពីវេលា២០យប់ រហូតដល់ម៉ោង២២និង៣០យប់ឃើញថា មានមធ្យោបាយឆ្លងកាត់សរុបចំនួន១៩៤គ្រឿង រថយន្ត៦១គ្រឿងនិងម៉ូតូ ១៣៣គ្រឿង។ រីឯអាវុធឆ្លងកាត់គ្មាននិងឃាត់ខ្លួនជនល្មើសច្បាប់ក៏គ្មានដែរ៕
Source: Kampuchea Thmey Daily
0 Comments