សៀមរាប ៖ រថយន្តកាមរីបាឡែនមួយគ្រឿងបានរងការឆាបឆេះយ៉ាងសន្ធោសន្ធៅកាលពីយប់ ថ្ងៃទី៧ ខែកញ្ញា ឆ្នាំ២០១៨ នៅចំណុចភូមិជ័យ សង្កាត់ទឹកវិល ក្រុងសៀមរាប។ ប៉ុន្តែសំណាងល្អមិនមាននរណាម្នាក់រងរបួសនោះទេ។
សមត្ថកិច្ចបានឲ្យដឹងថា រថយន្តរងការឆាបឆេះ ម៉ាកកាមរីបាឡែន ស៊េរីឆ្នាំ២០០៣ ពណ៌សំបកឪឡឹក ពាក់ស្លាកលេខ ភ្នំពេញ ២R- ៣៦៩៤ ដែលមានម្ចាស់រថយន្តឈ្មោះ ម៉ុក ផល្លា ភេទប្រុស អាយុ ៤២ឆ្នាំ រស់នៅភូមិត្រពាំងផ្លុង២ ឃុំត្រពាំងផ្លុង ស្រុកពញាក្រែក ខេត្តត្បូងឃ្មុំ។
ប្រភពបន្តថា ខណៈដែលកំពុងតែបើកបរសុខៗ ក៏ឆាបឆេះតែម្ដង។ ករណី នេះ កម្លាំងនគរបាលបង្ការពន្លត់អគ្គិភ័យ និងសង្គ្រោះបានចេញជួយអន្តរាគមន៍ បាញ់ទឹកពន្លត់ទើបអាចរលត់បាន។ តែយ៉ាងណារថយន្តខាងលើបានរងការខូចខាតផ្នែកខាងមុខទាំង ស្រុងហើយ ថ្វីត្បិតមិនបង្កគ្រោះថ្នាក់ដល់មនុស្ស។ សមត្ថកិច្ចបញ្ជាក់ថា មូលហេតុឆ្លងចរន្តភ្លើង តែមិនឆេះរាលដាលដល់លំនៅឋានពលរដ្ឋឡើយ៕
Source: Kampuchea Thmey Daily
0 Comments