បាត់ដំបង ៖ ស្ត្រីម្នាក់ ដែលជាមុខសញ្ញាជួញដូរគ្រឿងញៀន ត្រូវបានកម្លាំង អធិការដ្ឋាននគរបាលស្រុកសំពៅលូន តាមប្រមាញ់រហូតឈានដល់ការឃាត់ខ្លួន ដោយដកហូតបានថ្នាំញៀនជិត ១០០ គ្រាប់ផងដែរ ខណៈដែលស្ត្រីរូបនេះ កំពុងធ្វើសកម្មភាពជាក់ស្តែងនៅតាមមូលដ្ឋាន។
ដោយមានការយកចិត្តទុកដាក់ លើគោលនយោបាយ ភូមិ ឃុំ មានសុវត្ថិភាព និងដោយមានសេចក្តីរាយការណ៍ កម្លាំង ក ស ផងនោះ ទើបនៅថ្ងៃទី ១៤ ខែកញ្ញាឆ្នាំ២០១៨ វេលាម៉ោង ៥ និង ៣៥ នាទី ល្ងាច លោកវរសេនីយ៍ឯក ពេជ្រ សារ៉ែន អធិការនគរបាលស្រុកសំពៅលូន បានដឹកនាំកម្លាំងចុះបង្ក្រាប ករណីជួញដូរគ្រឿងញៀន១ករណី នៅចំណុចភូមិអូរ ឃុំសន្តិភាព ស្រុកសំពៅលូន ខេត្តបាត់ដំបង។
នៅក្នុងកិច្ចប្រតិបត្តិការនេះ សមត្ថកិច្ចបានឃាត់ខ្លួនជនសង្ស័យម្នាក់ ឈ្មោះ ណូន ចាន់ ភេទស្រី អាយុ ៣៥ ឆ្នាំ នមានទីលំនៅ ត្រង់ចំណុចខាងលើ ដោយកម្លាំងបានដកហូត នូវ វត្ថុតាងមួយចំនួន គឺថ្នាំញៀនប្រភេទយ៉ាម៉ា ចំនួន ៩៩ គ្រាប់។
បន្ទាប់ពីបានធ្វើការសាកសួរដើម្បីស្វែងរកប្រភព ដែលនៅពីក្រោយខ្នងរួចមក បច្ចុប្បន្នជនសង្ស័យ និងវត្ថុតាង ត្រូវបានកម្លាំងជំនាញ នៃអធិការដ្ឋាន កសាងសំណុំរឿង ដើម្បីបញ្ជូនទៅស្នងការដ្ឋាន នគរបាលខេត្ត ក្នុងការចាត់វិធានការតាមនីតិវិធីច្បាប់៕
Source: Kampuchea Thmey Daily
0 Comments