ភ្នំពេញ ៖ សម្តេចចៅហ្វាវាំង វរវៀងជ័យអធិបតីស្រឹង្គារ គង់ សំអុល ឧបនាយករដ្ឋមន្ត្រី និងជារដ្ឋមន្ត្រីក្រសួងព្រះបរមរាជវាំង និងមន្ត្រីក្រោមឱវាទចូលរួមអបអរសាទរចំពោះសម្តេច អគ្គមហាពញាចក្រី ហេង សំរិនដែលត្រូវបាន សម័យប្រជុំពេញអង្គរដ្ឋសភា នីតិកាលទី៦ បោះឆ្នោតគាំទ្រជ្រើស តាំងជាប្រធានរដ្ឋសភាសម្រាប់នីតិកាលទី៦នេះ។
យោងតាមលិខិតផ្ញើជូនសម្តេច អគ្គមហាពញាចក្រី ហេង សំរិន កាលពីថ្ងៃទី៦ ខែសីហាឆ្នាំ២០១៨បានឲ្យដឹងថា ព្រឹត្តិការណ៍ខាងលើជាសក្ខីភាពថ្មីមួយទៀត របស់សម្តេច អគ្គមហាពញាចក្រី ហេង សំរិន ប្រធានរដ្ឋសភា នៃព្រះរាជាណាចក្រកម្ពុជា ដែលឆ្លុះបញ្ចាំងពីការដឹកនាំប្រទេសប្រកបដោយគតិបណ្ឌិត និងសក្តានុពលដ៏ខ្លាំងក្លាបំផុត នាំមកនូវ ជោគជ័យដ៏ត្រចះត្រចង់ជូនរដ្ឋសភាជាតិ និងការជឿជាក់ពីមជ្ឈដ្ឋាននៅក្នុងប្រទេស ក្នុងតំបន់ និង នៅលើឆាកអន្តរជាតិ។
សម្តេចចៅហ្វាវាំង គង់សំអុលបាន បញ្ជាក់ក្នុងសាលិខិតថា តាងនាមថ្នាក់ដឹកនាំមន្ត្រីរាជការ នៃក្រសួងព្រះបរមរាជវាំង សូមគោរពជូនពរជ័យសិរីសួស្តី វិបុលសុខគ្រប់ប្រការ សូមសម្តេច អគ្គមហាពញាចក្រី ហេង សំរិន និងលោកជំទាវ ព្រមទាំងក្រុមគ្រួសារបានប្រកបតែនឹងព្រះពុទ្ធពរគឺអាយុ វណ្ណៈ សុខៈ និងពលៈកុំបីឃ្លៀងឃ្លាតឡើយ៕
Source: Kampuchea Thmey Daily
0 Comments