ភ្នំពេញ ៖ ព្យុះពីកំពុងកើតឡើងនៅប្រទេសវៀតណាមនិងប្រទេសចិននឹងមានឥទ្ធិពលលើប្រទេសកម្ពុជាដែលធ្វើឲ្យប្រទេសកម្ពុជាយើងបន្តទទួលការធ្លាក់ភ្លៀងរាយប៉ាយពីមធ្យមទៅច្រើនក្នុងក្របខ័ណ្ឌទូទាំងប្រទេស។
សេចក្តីជូនដំណឹងផ្សាយនៅរសៀលថ្ងៃទី១៣ ខែកញ្ញានេះ ក្រសួងធនធានទឹកនិងឧតុនិយមបានប្រកាសពីស្ថានភាពនិងឥទ្ធិពលរបស់ខ្យល់ព្យុះទី២២ឈ្មោះមង្ឃុតនិងខ្យល់ព្យុះទី២៣ឈ្មោះបារីចាត។ ខ្យល់ព្យុះទី២២ឈ្មោះមង្ឃុត បាននិងកំពុងធ្វើដំណើរទៅដល់ភាគខាងជើងប្រទេសវៀតណាម នៅយប់ថ្ងៃទី១៧ ខែកញ្ញា។ រីឯខ្យល់ព្យុះទី២៣ឈ្មោះបារីចាត នឹងថយឥទ្ធិពលនៅក្នុងសមុទ្រចិនខាងត្បូង ត្រង់ភាគខាងជើងកោះហៃណាំ។
ក្រសួងធនធានទឹកនិងឧតុនិយមបានប្រកាសថា ព្យុះពីរដែលកើតឡើងនៅប្រទេសវៀតណាមនិងប្រទេសចិន នឹងមានឥទ្ធិពលលើប្រទេសកម្ពុជា ដែលធ្វើឲ្យប្រទេសកម្ពុជាយើងបន្តទទួលការធ្លាក់ភ្លៀងរាយប៉ាយពីមធ្យមទៅច្រើន ក្នុងក្របខ័ណ្ឌទូទាំងប្រទេសចាប់ពីថ្ងៃទី១៣ដល់ថ្ងៃទី១៩ ខែកញ្ញា។ ក្នុងនោះនៅតំបន់ជាប់ព្រំដែនកម្ពុជា-ឡាវនិងតាមបណ្តោយព្រំដែនកម្ពុជា-វៀតណាមអាចនឹងមានភ្លៀងធ្លាក់ច្រើន ដែលអាចបង្កជាជំនន់ទឹកភ្លៀង។
ជាមួយនឹងឥទ្ធិពលនៃខ្យល់ព្យុះទាំងពីរនេះ ក្រសួងធនធានទឹកនិងឧតុនិយមក៏បានប្រកាសថា ប្រព័ន្ធសម្ពាធទាបបន្តអូសកាត់លើអាងទន្លេមេគង្គ និង បន្តមានឥទ្ធិពលលើព្រះរាជាណាចក្រកម្ពុជាយើង៕
Source: Kampuchea Thmey Daily
0 Comments