សៀមរាប ៖ សមត្ថកិច្ចមូលដ្ឋានបានឲ្យដឹងថា មន្ត្រីយោធាម្នាក់បានស្លាប់នៅកន្លែងកើតហេតុ និងម្នាក់ទៀតបានស្លាប់តាមផ្លូវ នៅពេលបញ្ជូនទៅសង្គ្រោះនៅមន្ទីរពេទ្យ ដោយសារជិះម៉ូតូបុកគ្នាក្នុងទិសដៅបញ្ច្រាសគ្នា។
ហេតុការណ៍នេះ បានកើតឡើងនៅយប់ថ្ងៃទី១៤តុលាឆ្នាំ២០១៨ត្រង់ចំណុចអូរកូនតឹង ស្ថិតនៅភូមិត្រពាំងក្រសាំង ឃុំស្រែណូយ ស្រុកវ៉ារិន។
នគរបាលមូលដ្ឋានបានឲ្យដឹងទៀត ថាជនរងគ្រោះទី១ឈ្មោះសិន ទ្រា ភេទប្រុសអាយុ៤២ឆ្នាំ មានទីលំនៅភូមិត្រពាំងក្រសាំង ឃុំស្រែណូយស្រុកវ៉ារិន ខេត្តសៀមរាប មុខរបរយោធា បើកម៉ូតូម៉ាកសង់ការ៉េគ្មានស្លាកលេខពណ៌ខៀវ(បើកបរពីត្បូងទៅជើង) បណ្តាលឲ្យ (ស្លាប់)នៅកន្លែង។ ២ឈ្មោះធឿន ហ៊ុច ភេទប្រុស មិនស្គាល់អាយុមានទីលំនៅភូមិ ដីថ្មី ឃុំលំទង ស្រុកអន្លង់វែង ខេត្តឧត្តរមានជ័យបើកបរម៉ូតូម៉ាកហុងដាទ្រីមស៊េរី២០១១ស្លាកលេខ សៀមរាប1Q-3275 (បើកបរពីរជើងទៅត្បូង) របួសធ្ងន់បញ្ជូនទៅខេត្តស្លាប់តាមផ្លូវ។
បច្ចុប្បន្នម៉ូតូរងគ្រោះត្រូវបានកម្លាំងនគរបាលជំនាញអូសយកមករក្សាទុកនៅប៉ុស្តិ៍នគរបាលឃុំស្រែណូយ ដើម្បីរង់ចាំដោះស្រាយតាមផ្លូវច្បាប់៕
Source: Kampuchea Thmey Daily
0 Comments