ភ្នំពេញ ៖ កិច្ចពិភាក្សាជាមួយអ្នកសារព័ត៌មានលើកទី២ ស្តីពី «ធុរកិច្ចរបស់សហភាពអឺរ៉ុប និងការទទួលខុសត្រូវផ្នែកសង្គម» ក្រោមការរៀបចំឡើងដោយប្រតិភូសហភាពអឺរ៉ុប ដើម្បីផ្តល់ឱកាសដល់អ្នកសារព័ត៌មានអាចធ្វើការពិភាក្សាដោយផ្ទាល់ជាមួយអ្នកវិនិយោគិន និងម្ចាស់ធុរកិច្ចអឺរ៉ុបនៅកម្ពុជាស្វែងយល់ពីការរួមចំណែករបស់ពួកគេចំពោះការអភិវឌ្ឍប្រទេសកម្ពុជា ត្រូវបានប្រារព្ធធ្វើឡើងនាព្រឹកថ្ងៃទី ១៨ ខែតុលានេះ នៅភោជនីយដ្ឋានទន្លេបាសាក់២ រាជធានីភ្នំពេញ ក្រោមវត្តមានលោក ឆាយ សុផល នាយកប្រតិបត្តិ ក.អ.ក លោក Jean-Gaetan GUILLEMAUD ប្រធានគណៈកម្មាធិការសុខុមាលភាព នៃសភាពាណិជ្ជកម្មអឺរ៉ុប និងជានាយកក្រុមហ៊ុន Zuelling pharma ប្រចាំប្រទេសកម្ពុជា និងអ្នកធុរកិច្ចអឺរ៉ុប និងអ្នកសារព័ត៌មានកម្ពុជាជាច្រើននាក់ទៀត។
កិច្ចពិភាក្សានេះផ្តោតលើប្រធានបទចំនួន៤ គឺ ធុរកិច្ចរបស់សហភាពអឺរ៉ុប និងកិច្ចអភិវឌ្ឍ(ថ្ងៃទី៤ ខែតុលា) ធុរកិច្ចរបស់សហភាពអឺរ៉ុប និងការទទួលខុសត្រូវសង្គម(ថ្ងៃទី ១៨ ខែតុលា) សេដ្ឋកិច្ចបៃតង របស់សហភាពអឺរ៉ុប (ថ្ងៃទី ១ ខែវិច្ឆិកា) និងធុរកិច្ចរបស់សហភាពអឺរ៉ុប និងសុវត្ថិភាពកម្មករ និយោជិតរបស់សហភាពអឺរ៉ុប (ថ្ងៃទី ១៥ ខែវិច្ឆិកា)៕
Source: Kampuchea Thmey Daily
0 Comments