ហាងនំបុ័ង ប្រ៊េដថក បន្តបរិច្ចាគថវិកា៣%ពីការលក់ភេសជ្ជៈ ដើម្បីជួយគាំទ្រដល់មន្ទីរពេទ្យគន្ធបុប្ផា
ភ្នំពេញ ៖ ហាងនំបុ័ង ប្រ៊េដថកដែលជាហាងនំប៉័ងស្តង់ដារសិង្ហបុរី នៅតែបន្តការបរិច្ចាគថវិកាចំនួន៣ភាគរយពីការលក់ភេសជ្ជៈប្រភេទ២២អោនរបស់ខ្លួនដល់មន្ទីរពេទ្យគន្ធបុប្ផាដើម្បីអាចឱ្យមន្ទីរពេទ្យទេវតានេះជួយសង្គ្រោះនិងព្យាបាលជំងឺដល់កុមារកម្ពុជារាប់លាននាក់។
ថ្លែងនៅក្នុងពិធីប្រារព្ធធ្វើខួប៤ឆ្នាំនៃការបង្កើតហាងនំប៉័ង ប្រ៊េដថកកាលពីល្ងាចថ្ងៃទី៥ខែតុលានៅផ្សារអទំនើបអ៊ីអនម៉លសែនសុខលោក ប៊ុន យី ប្រធានចាត់ការទូទៅនៃហាងនំបុ័ង ប្រ៊េដថកបានមានប្រសាសន៍ថា ការប្រារព្ធខួប៤ឆ្នាំនេះ ប្រ៊េដថក មានរៀបចំកម្មវិធីប្រូម៉ូសិនជាច្រើនដូចជាទិញ៥ថែមប្រាំនិងនំថ្មី ខាប់ខេក ព្រមទាំងមានការប្រកួតហូបនំប៉័ងយករង្វាន់ និងការសម្តែងពីក្រុមក្មេងខ្មែរដែលញាំងអោយបរុយាកាសកាន់តែរីករាយ។
លោកបានបន្តថា ប្រ៊េដថកនៅតែរក្សាការបរិច្ចាគថវិកា៣ភាគរយពីការលក់ភេសជ្ជៈប្រភេទ២២អោនរបស់ខ្លួនដល់មន្ទីរពេទ្យគន្ធបុប្ផាក្នុងការបន្តកិច្ចប្រតិបត្តិការដើម្បីជួយសង្គ្រោះជីវិតកុមារកម្ពុជារាប់លាននាក់។
សូមជម្រាបថាភេសជ្ជៈចំណុះ ២២អោន មាន៤ប្រភេទគឺទី១ Lychee Mojoto, ទី២ Mango Mojoto,ទី ៣Passion fruit FM lemonade និងទី៤ Lemons Soda ។
លោក ប៊ុន យី សង្ឃឹមថា« ខ្មែរយើងនឹងរួមគ្នា ចែករំលែកក្ដីស្រលាញ់ និងការជួយគ្នាទៅវិញទៅវិញមក ដើម្បីការបង្កើតបរិយាកាសការរស់នៅជាមួយប្រជាជនកម្ពុជាយើងកាន់តែប្រសើរ ពិសេសជួយសង្គ្រោះជីវិតកុមារកម្ពុជាតែម្ដង»។
លោក ប៊ុន យី បានមានប្រសាសន៍បន្តទៀតថា រហូតមកដល់ពេលនេះប្រ៊េដថក បានបង្កើតបាន៩ហាងហើយ ក្នុងនោះឆ្នាំ២០១៨នេះ បង្កើតបាន២ហាងដែលការកើនឡើងយ៉ាងឆាប់រហ័សនូវចំនួនហាងនំប៉័ងប្រ៊េតថកនេះគឺ ដោយសារតម្រូវការទីផ្សារខ្ពស់ ការកើនឡើងនូវទម្លាប់ពិសានំប៉័ងរបស់ប្រជាពលរដ្ឋខ្មែរ និងការកើនឡើងនូវជីវភាពធូរធារជាពិសេសការរីកលូតលាស់ផ្នែកសេដ្ឋកិច្ច ។
លោកប្រធានចាត់ការទូទៅនៃហាងនំបុ័ង ប្រ៊េដថក បានថ្លែងអំណរគុណ ដល់អតិថិជនដែលតែងតែនិយមគាំទ្រ គ្រប់ប្រភេទនំ និងភេសជ្ជៈរបស់ហាងនំបុ័ង ប្រ៊េដថក ដែលតែងតែស្វែងរក និងបង្កើតនំប្រភេទថ្មីដើម្បីបំពេញតម្រូវការរបស់អតិថិជន។
សូមបញ្ជាក់ថា ៖ BreadTalk មានសាខាចំនួន៩ទីតាំងហើយ ក្នុងនោះនៅរាជធានីភ្នំពេញ សាខាទី១ ធីខេ អាវិនញូ, សាខាទី២ នៅទល់មុខផ្សារទំនើបផេនសលសម្តេចប៉ាន, សាខាទី៣ បឹងកេងកង តាមបណ្តោយផ្លូវ៥១, សាខាទី៤ ម៉ៅសេងទុង ទល់មុខវិទ្យាស្ថានវ៉ាន់ដា, សាខាទី៥ នៅក្នុងផ្សារទំនើបស្ទឹងមានជ័យថ្មី, សាខាទី៦ នៅតាមបណ្តោយផ្លូវកម្ពុជាក្រោម សាខាទី៧ បឹងស្នោក្នុងបុរីប៉េងហួត ទី៨ ប្រ៊េដថក សាខា Exchnage Squareនិងទី៩នៅផ្សារទំនើបអ៊ីអនម៉លសែនសុខហើយ គ្រោងនឹងពង្រីកសាខានៅតាមខេត្តដែលមានសក្តានុពលបន្តទៀតដូចជាខេត្ដសៀមរាប និង បាត់ដំបងទៀតក្នុងពេលអនាគតខាងមុខនេះផងដែរ៕
Source: Kampuchea Thmey Daily
0 Comments