សៀមរាប ៖ នគរបាលមូលដ្ឋានបានឲ្យដឹងថាបុរសជនជាតិ ប៉ាគីស្ថានម្នាក់ បានធ្វើអត្តឃាត សម្លាប់ខ្លួនឯង ដោយយកថង់ផ្លាស្ទិក ពណ៌សច្រកក្បាលរួចយកខ្សែស្បែកជើងចងរុំព័ទ្ធពីលើបណ្តាលឲ្យថប់ដង្ហើមស្លាប់ដោយខ្លួនឯង នៅក្នុងបន្ទប់ជួល។
ហេតុការណ៍បង្កការភ្ញាក់ផ្អើលនេះ បានកើតឡើងនៅវេលាម៉ោង១០និង៣០នាទីថ្ងៃទី២២ខែតុលា ឆ្នាំ២០១៨ ស្ថិតនៅក្រុមទី៣ ភូមិវត្តដំណាក់ សង្កាត់សាលាកំរើក ក្រុងសៀមរាប។
នគរបាលមូលដ្ឋានបន្តថា បន្ទាប់ពីបានទទួលព័ត៌មានពីម្ចាស់ផ្ទះជួលថាមាន ជនបរទេសដេកស្លាប់ក្នុងបន្ទប់ជួលនោះក៏បានរាយការណ៍សមត្ថកិច្ចចម្រុះដើម្បីចុះមកពិនិត្យជាក់ស្តែង។
ជនរងគ្រោះមាន ឈ្មោះ Bhatti Kasar mahboob ភេទប្រុស ឆ្នាំកើត 10 12 1969 ជនជាតិ ប៉ាគីស្ថាន កាន់លិខិតឆ្លងដែនលេខ CK3174162 មុខរបរ(គ្មាន)។ តាមការសន្និដ្ឋាន របស់នគរបាលបច្ចេកទេសកោសល្យវិច័យនិងលោកគ្រូពេទ្យអមសាលាដំបូងបានឲ្យដឹងថា សពនេះបានស្លាប់រយៈពេល៣ថ្ងៃមកហើយ ដោយសារការធ្វើ អត្តឃាត ដោយខ្លួនឯងគឺយកថង់ផ្លាស្ទិក ពណ៌ស ច្រកក្បាលរួចយកខ្សែស្បែកជើងចងរុំព័ទ្ធពីលើបណ្តាលឲ្យថប់ដង្ហើមស្លាប់ដោយខ្លួនឯង។ ជនរងគ្រោះមានសរសេរសំបុត្រ២សន្លឹកជាភាសាអង់គ្លេសទុកនៅក្នុងបន្ទប់។
បច្ចុប្បន្ន សាកសពត្រូវបានតម្កល់ទុកបណ្តោះអាសន្ន នៅមន្ទីរពេទ្យបង្អែកខេត្តសៀមរាបរង់ចាំឯកសារពីស្ថានទូតនិង រង់ចាំក្រុមគ្រួសារនៃសពយកទៅស្រុកកំណើត៕
Source: Kampuchea Thmey Daily
0 Comments