ឋានសួគ៌​បាត់បង់ ​៖ កន្លែង​ដែល​ប្រឈម​នឹង​គ្រោះថ្នាក់​ដោយសារតែ​ការស្រឡាញ់​ពី​ភ្ញៀវទេសចរ​

​ទាំងនេះ​គឺជា​ចំណុចក្តៅ​ជាស​កល​មួយចំនួន​ដែល​អាជ្ញាធរ​ត្រូវតែ​ធ្វើ​សកម្មភាព​ដើម្បី​ការពារ​៖
​កោះ BORACAY, ប្រទេស ហ្វីលីពីន​
​កោះ​រមណីយដ្ឋាន​ដ៏​ល្បីល្បាញ​បំផុត​របស់​ប្រទេស​ហ្វីលីពីន​មួយ​នេះ​បាន​បើក​ដំណើរការ​ឡើងវិញ​នៅ​ថ្ងៃ​សុក្រ​បន្ទាប់ពី​ការសម្អាត​រយៈពេល​៦​ខែ​ដើម្បី​ជួសជុល​ការបំផ្លិចបំផ្លាញ​ដែល​បង្កឡើង​ដោយ​អ្នកទេសចរ​ដ៏​ច្រើន​លើសលប់​។​


​
ប្រធានាធិបតី​ហ្វីលីពីន​លោក Rodrigo Duterte បាន​បញ្ជា​ឲ្យ​បិទ​កោះ​នេះ​កាលពី​ខែមេសា​សម្រាប់​កិច្ចខិតខំ​ប្រឹងប្រែង​ដ៏​ធំ​មួយ​ដើម្បី​ពង្រឹង​ហេដ្ឋារចនាសម្ព័ន្ធ​ដែល​ទន់ខ្សោយ​និង​បង្ក្រាប​ការអភិវឌ្ឍ​ហួស​កម្រិត​។​
​
កោះ BALI, ប្រទេស ឥណ្ឌូនេស៊ី​
​ក្រុមមន្ត្រី​នៅ​កោះ​លំហែកាយ​ដែលជា​គោលដៅ​ទេសចរណ៍​កំពូល​របស់​ប្រទេស​ឥណ្ឌូនេស៊ី​មួយ​នេះ​បានប្រកាស “​គ្រាអាសន្ន​សំរាម​” កាលពី​ឆ្នាំមុន​បន្ទាប់ពី​ឆ្នេរ Kuta ត្រូវបាន​លេប​ត្របាក់​ដោយ​គំនរ​សំរាម​។​


​
ឥណ្ឌូនេស៊ី​ដែលជា​ប្រទេស​ទី​ពីរ​បន្ទាប់ពី​ចិន​ក្នុងនាម​ជា​ប្រទេស​រួមចំណែក​ដ៏​ធំ​បំផុត​របស់​ពិភពលោក​ចំពោះ​កម្ទេចកម្ទី​សមុទ្រ​បានដាក់​ពង្រាយ​អ្នក​សម្អាត​ចំនួន​៧០០​នាក់​និង​រថយន្ត​៣៥​គ្រឿង​ដើម្បី​យកចេញ​នូវ​សំរាម​ប្រមាណ​១០០​តោន​ជា​រៀងរាល់ថ្ងៃ​ពី​ឆ្នេរ Kuta និង​ឆ្នេរ​ដ៏​ពេញនិយម​ពីរ​ផ្សេងទៀត​ទៅកាន់​កន្លែង​ចាក់សំរាម​នៅក្បែរនោះ​។​
​
កោះ EASTER, ប្រទេស ឈី​លី​
​ដោយ​ត្រូវបាន​គេ​ស្គាល់​ដោយសារតែ​រូបចម្លាក់​មនុស្ស​មា​នក​ម្ព​ស់​រហូតដល់​ទៅ​១០​ម៉ែត្រ​នោះ​, កោះ​ប៉ាស៊ីហ្វិក​ដាច់​ស្រ​យ៉ា​ល​មួយ​នេះ​បានកំណត់​ចំនួន​ភ្ញៀវទេសចរ​នៅ​ខែសីហា​ឆ្នាំនេះ​ដោយសារតែ​ការព្រួយបារម្ភ​លើ​និរន្តរភាព​បរិស្ថាន​នៅ​ប្រទេស ឈី​លី​។​​
អ្នកទេសចរ​នៅ​ដែល​ស្នាក់​នៅលើ​កោះ​នេះ​ត្រូវបាន​កាត់បន្ថយ​ពី​៩០​ថ្ងៃ​មក​៣០​ថ្ងៃ​បន្ទាប់ពី​ប្រជាជន​ដែលមាន​អត្រា​ឧក្រិដ្ឋ​កម្មបាន​កើនឡើង​ទ្វេដង​ក្នុង​រយៈពេល​ពីរ​បី​ទសវត្សរ៍​មកនេះ​។​
​
ទីក្រុង DUBROVNIK, ប្រទេស ក្រូ​អាត
​ទីក្រុង Dubrovnik បាន​មើលឃើញ​ការមកដល់​នៃ​នាវា​ទេសចរណ៍​កាន់តែច្រើន​ប​ន្ទា​ប់​ពី​វា​ត្រូវបាន​គេ​ប្រើ​ជាទី​តាំង​មួយ​នៅក្នុង​ខ្សែភាពយន្ត “Game of Thrones” ដែលជា​ហេតុ​បណ្តាល​ឲ្យ​មានការ​កកស្ទះ​នៅពេលដែល​អ្នកទេសចរ​បានធ្វើ​ដំណើរ​ផ្លូវត្រង់​ដើម្បី​ថតរូប​។​
​
លោក​អភិបាលក្រុង Mato Frankovic បាន​ប្រាប់ AFP ថា អាជ្ញា​ធរមាន​ផែនការ​កាត់បន្ថយ​ចំនួន​នាវា​ទេសចរណ៍​ដែល​កំពុង​ចូលមក​កាន់​កំពង់ផែ Adriatic ខណៈ​កំពុង​ដាក់ពង្រាយ​កាមេរ៉ា​ដើម្បី​រាប់​ចំនួន​មនុស្ស​ដែល​ចូលក្នុង​ទីក្រុង​ចាស់​មួយ​នេះ​។​
​
ទីក្រុង VENICE និង FLORENCE, ប្រទេស អ៊ីតាលី​
​អាជ្ញាធរ​ទីក្រុង Venice កំពុងធ្វើការ​សាកល្បង​ប្រព័ន្ធ​មួយ​ដែល​អាច​ឲ្យ​ភ្ញៀវទេសចរ​ធ្វើការ​កក់​ប្រសិនបើ​ពួកគេ​ចង់ទៅ​ទីលាន Saint Mark's ដ៏​ពេញនិយម​ក្នុងអំឡុងពេល​មមាញឹក​។​


​
ពួកគេ​ក៏​ពិន័យ​ភ្ញៀវទេសចរ​ជា​ទឹកប្រាក់​៥០០​អឺរ៉ូ (៥៨៥​ដុល្លារ​) ផងដែរ​សម្រាប់​ការ​ងូតទឹក​ឬ​ការហូបចុក​នៅក្នុង​ប្រឡាយ​ដ៏​ល្បីល្បាញ​របស់​ទីក្រុង​នេះ​។​
​នៅ​ទីក្រុង Florence, ក្រុមមន្ត្រី​បាន​ប្រើ​កន្លែង​សាធារណៈ​ដូចជា​ជណ្តើរ​វិហារ​ដែល​ភ្ញៀវទេសចរ​ជាច្រើន​ប្រមូលផ្តុំ​បរិភោគ​អាហារ​។ គោលបំណង​នេះ​គឺ​ដើម្បី​រារាំង​មិន​ឲ្យ​មនុស្ស​អង្គុយ​លើផ្លូវ​ដែល​សើម​។​

MACHU PICCHU, ប្រទេស ប៉េ​រូ​
​អាជ្ញាធរ​ប៉េ​រូ​បាន​បង្កើន​ការឃ្លាំមើល​នៅ​ទីក្រុង​សតវត្សរ៍​ទី​១៥​ក្នុង​តំបន់​ជួរ​ភ្នំ Andes មួយ​នេះ​កាលពី​ឆ្នាំ​២០១៤​នៅពេល​រូបភាព​អាក្រាតកាយ​និង​ស្នាម​ឆូត​កាន់តែ​រីក​រាលដាល​។​
​ភ្ញៀវទេសចរ​បាន​បង្ហោះ​រូបភាព​អាក្រាតកាយ​របស់​ពួកគេ​នៅលើ​ប្រព័ន្ធ​ផ្សព្វផ្សាយ​សង្គម​ដែល​រដ្ឋាភិបាល​បាន​ពិពណ៌នា​ថា​ជា “​ទង្វើ​មិន​គោរព​” ។​
​
ឈូង​សមុទ្រ MAYA, ប្រទេស​ថៃ​
​ឈូង​សមុទ្រ​ថៃ​ដ៏​ឆើតឆាយ​នៅក្នុង​ខ្សែភាពយន្ត “The Beach” មួយ​នេះ​ត្រូវបាន​បិទ​ដោយ​គ្មាន​កំណត់ពេល​បើក​វិញ​កាលពី​ថ្ងៃទី​១​ខែតុលា​ដើម្បី​អនុញ្ញាត​ឲ្យ​វា​មាន​ភាពល្អប្រសើរ​ឡើងវិញ​ពី​ផលប៉ះពាល់​នៃ​វិស័យ​ទេសចរណ៍​ដ៏​ខ្លាំងក្លា​បន្ទាប់ពី​ការ​សម្រាក​រយៈពេល​៤​ខែ​បាន​បរាជ័យ​ដើម្បី​បន្ធូរបន្ថយ​សំណឹក​ឆ្នេរ​និង​ការបំពុល​។​


​
ភ្ញៀវទេសចរ​ប្រហែល​៥,០០០​នាក់​បានមក​ដល់​តាម​ទូក​ជា​រៀងរាល់ថ្ងៃ​៕ AFP

​

Source: Kampuchea Thmey Daily