បន្ទាយមានជ័យ ៖ ម្តាយនិងឪពុកអោបកូនយំស្ទើរឆ្កួត ដែលខ្លួនខិតចិញ្ចឹមរហូតដល់វ័យជំទង់ទៅហើយមិនបានសងគុណវិញផង ស្រាប់តែកូនខ្លួនបាននាំមិត្តភ័ក្រ៤នាក់ទៀត ទៅលេងទឹកខៀវដែលក្រុមហ៊ុនចិនកាយយកដីលក់មានជម្រៅដល់ទៅ១៥ម៉ែត្របណ្តាលឲ្យកូនរបស់ខ្លួនដែលមិនចេះហែលទឹកធ្លាក់ដល់បាតដីលង់ស្លាប់រហូតដល់១ខួប ទើបរកសពឃើញ។
ហេតុការណ៍នេះ បានកើតឡើងនៅវេលាម៉ោង១២និង៣០នាទី នៅថ្ងៃទី៤ ខែតុលា ឆ្នាំ២០១៨ ស្ថិតនៅភូមិចក់ពួក ឃុំស្លក្រាម ស្រុកស្វាយចេក បន្ទាយមានជ័យ។
លោកវរសេនីយ៍ត្រី ជ័យ សុការ មេបញ្ជាការមូលដ្ឋានកងរាជអាវុធហត្ថស្រុកស្វាយចេកបានប្រាប់អ្នកយកព័ត៌មានឲ្យដឹងថា កុមាររងគ្រោះមានឈ្មោះប្រាក់ សេវ៉ា ភេទប្រុស អាយុ១៣ឆ្នាំ ឪពុកឈ្មោះដនប្រាក់ អាយុ៣៨ឆ្នាំ ម្តាយមានឈ្មោះស៊ូសៀម អាយុ៣៣ឆ្នាំ រស់ភូមិចក់ពួក ឃុំស្លក្រាម ស្រុកស្វាយចេក បន្ទាយមានជ័យ។
លោកវរសេនីយ៍ត្រី ជ័យ សុការ បានបញ្ជាក់ឲ្យដឹងទៀតថា នៅមុនពេលកើតហេតុនោះឈ្មោះប្រាក់សេវ៉ាបានបបួលមិត្តភ័ក្រ៤នាក់ទៀត ទៅងូតទឹកលេងនៅចំណុចទឹកខៀវដែលក្រុមហ៊ុនចិនកាយយកដីលក់មានជម្រៅដល់ទៅ១៥ម៉ែត្រដោយសារតែខ្លួនមិនចេះហែកទឹកនឹកស្មានថា ទឹកនេះរាក់ក៏លោតពីលើទៅទឹកបណ្តាលឲ្យធ្លាក់ដល់បាតដីតែម្តងពេលនោះមិត្តភ័ក្ររបស់ជនរងគ្រោះបានរត់មកហៅឲ្យឪពុកម្តាយជនរងគ្រោះនិងប្រជាពលរដ្ឋជាច្រើននាក់ទៀតទៅជួយរកនៅមិនឃើញ លុះព្រឹកថ្ងៃទី៥ ខែតុលា ឆ្នាំ២០១៨ ទើបរកសពឃើញ សពត្រូវបានប្រជាពលរដ្ឋនិងក្រុមគ្រួសារដឹកយកមកផ្ទះហើយបានរាយការណ៍ឲ្យសមត្ថកិច្ចមកពិនិត្យសព ហើយបានប្រគល់ទៅឲ្យក្រុមគ្រួសាររៀបចំចាត់ចែងបូជាសពទៅតាមប្រពៃណីនៅផ្ទះតែម្តង៕
Source: Kampuchea Thmey Daily
0 Comments