ភ្នំពេញ ៖ នៅវេលាម៉ោង៩ និង៣០នាទីព្រឹកថ្ងៃទី២២ ខែតុលា ឆ្នាំ២០១៨ នេះ សម្ព័ន្ធសហគមន៍កសិករកម្ពុជា បានរៀបចំសិក្ខាសាលាថ្នាក់ជាតិមួយស្តីពី "បញ្ហាដីធ្លី និងការតស៊ូមតិរបស់សហគមន៍" ដែលកម្មវិធីនេះត្រូវបានធ្វើឡើងនៅមជ្ឈមណ្ឌល ដាយកូនៀ សិនធើ (Diakonia Center) ដោយមានអ្នកចូលរួមប្រមាណ ១០០នាក់ ជាតំណាងសហគមន៍ពីតាមបណ្តា រាជធានី ខេត្ត មួយចំនួន។
កម្មវិធីនេះរៀបចំឡើងក្នុងគោលបំណង ទី១. ដើម្បីចែករំលែកបញ្ហាប្រឈមផលប៉ះពាល់ ក្តីកង្វល់ពាក់ព័ន្ធទៅនឹងវិវាទដីធ្លី ការរំលោភសិទ្ធិជាមូលដ្ឋានរបស់មនុស្ស និងការបាត់បង់ធនធាន ធម្មជាតិ តាមសហគមន៍ និងខេត្ត នីមួយៗក្នុងប្រទេសកម្ពុជា ទី២. ដើម្បីចែករំលែកបទពិសោធន៍ និងកិច្ចអន្តរាគមន៍ ក្នុងដំណើរការដោះស្រាយ បញ្ហាដីធ្លី និងការធ្វើឱ្យប្រសើរឡើងនូវ សុវត្ថិភាពស្បៀងអាហារ និងទី៣. ដើម្បីជជែកពិភាក្សាអំពើយុទ្ធសាស្ត្រ និងផែនការសកម្មភាពលើលើយុទ្ធនាការ "គ្មានដី គ្មានជីវិត" និងការរៀបចំទិវាសិទ្ធិមនុស្សអន្តរជាតិ១០ ធ្នូ ឆ្នាំ២០១៨ រួមគ្នា សំដៅដល់ការពង្រឹងសាមគ្គីភាពក្នុងចំណោមបណ្តាញសហគមន៍ និងអង្គការសង្គមស៊ីវិល៕
Source: Kampuchea Thmey Daily
0 Comments