ភ្នំពេញ ៖ ក្រុមចោរដែលចូលប្លន់ធនាគារ អ អេច ប៊ី ឥណ្ដូឆៃណា នៅម្ដុំសាលាវ៉ាន់ដា តាមបណ្ដោយផ្លូវម៉ៅសេទុង សង្កាត់ទំនប់ទឹក ខណ្ឌចំការមន រាជធានីភ្នំពេញ កាលពីថ្ងៃទី២៣ ខែសីហា ឆ្នាំ២០១៨ កន្លងទៅ ដោយ យកប្រាក់អស់ជាច្រើន ម៉ឺនដុល្លារ គិតមកដល់ពេលនេះ ត្រូវបាន សមត្ថកិច្ចបានកំណត់មុខសញ្ញា បានហើយ។
លោក ឆាយ គឹមខឿន អ្នកនាំពាក្យអគ្គស្នងការនគរបាលជាតិ បានប្រាប់គេហទំព័រក្នុង មួយ ថា ករណី ក្រុមចោរ ចូលប្លន់ ធនាគារ អ អេច ប៊ី ឥណ្ដូឆៃណា សមត្ថកិច្ចបានកំណត់មុខសញ្ញាក្រុមចោរប្លន់ធនាគារមួយចំនួនហើយ ប៉ុន្តែមិនទាន់ចាត់វិធានការ ដោយថាសមត្ថកិច្ចកំពុងប្រមូលភស្តុតាងបន្ថែមទៀត។ យ៉ាងណាក៏ដោយ លោកសុំមិនផ្ដល់ព័ត៌មានលម្អិតចំពោះរឿងនេះ ដោយថាវាប៉ះពាល់លទ្ធផលស៊ើបអង្កេត។
លោកថា «សុំទោសខ្ញុំមិនអាចប្រាប់បានទេជាអ្នកណាៗ ព្រោះមុខសញ្ញាដែលយើងកំណត់គ្រាន់តែជាការសង្ស័យទេ អត់ប្រាប់អ្នកណាអ្នកនោះបានទេ»។
សូមរំលឹកថា កាលពីម៉ោង ប្រមាណជា១រសៀល ថ្ងៃទី២៣ សីហា នៅមុខ សាលាវ៉ាន់ដា ស្ថិតនៅតាមបណ្តោយផ្លូវ ម៉ៅសេងទុង សង្កាត់ សង្កាត់ទំបន់ទឹក ខណ្ឌចំការមន។ ក្រុមចោរមួយក្រុមមានគ្នា៦នាក់ ប្រដាប់ដោយកាំភ្លើងជាច្រើនដើម បានចូលទៅក្នុងធនាគារ RHB Indochina Bank (អ អេច ឥណ្ឌូឆៃណា) ប្លន់យកលុយ អស់ ប្រមាណជា១០ម៉ឺនដុល្លារ បានសម្រេច ហើយនាំគ្នា គ្នាជិះគេចខ្លួន បាត់ដោយសុវត្ថិភាពបំផុត ខណៈសមត្ថកិច្ចមូលដ្ឋាន បានត្រឹមចុះទៅពិនិត្យនៅកន្លែងកើតហេតុ តែប៉ុណ្ណោះ។
យោងតាម សន្តិសុខ យាមកាពារ ធនាគារ RHB Indochina Bank (អ អេច ឥណ្ឌូឆៃណា) បានប្រាប់ សមត្ថកិច្ចឲ្យដឹងថា នៅមុនពេលកើតហេតុ ខណះដែលសន្តិសុខ កំពុង អង្គុយយាម ជាធម្មតានៅក្រោម ឆ័ត្រ នៅមុខ ធនាគារ ក៏ស្រាប់តែ ជនសង្ស័យ ស្លៀកពាក់ស៊ីវិល បានដើរមកក្បែរ សន្តិសុខរួច ធ្វើ សកម្មភាព ភ្ជង់គ្រៀក សន្តិសុខ រួចនាំចូលទៅ ក្នុងធនាគារ ភ្ជង់បុគ្គលិក ឲ្យប្រមូលលុយឲ្យពួកវា រួចនាំគ្នារត់ចេញ ឡើងជិះ ម៉ូតូ បក្សពួកវា ដែលរង់ចាំនៅក្បែរនោះ បានរត់ គេចខ្លួន បាត់ដោយសុវត្ថិភាព។ ប្រភពដដែលបន្តថា សន្តិសុខនិងបុគ្គលិក មួយចំនួនត្រូវបានសមត្ថកិច្ច នាំយកទៅធ្វើការ សាកសួរ ផងដែរ។
ប្រភពដដែលបន្តថា ករណីប្លន់នេះ មិនបានបង្កឲ្យបុគ្គលិកធនាគាររងរបួសអ្វីនោះទេ ប៉ុន្តែ ទឹកប្រាក់ប្រមាណជា ១០ម៉ឺនដុល្លារ ត្រូវបានរាយការណ៍ថា ត្រូវក្រុមជនល្មើសប្លន់យកទៅ បានសម្រេច។
ក្រោយពីមានហេតុការណ៍នេះ នៅថ្ងៃទី២៤ ខែសីហា គ្រឹះស្ថានមីក្រូហិរញ្ញវត្ថុមួយចំនួន អំពាវនាវទៅអាជ្ញាធរពាក់ព័ន្ធជួយផ្សព្វផ្សាយពីវិធានការណ៍ការពារនានាឲ្យបានទូលំទូលាយ ក៏ដូចជាជួយការពារសុវត្ថិភាពគ្រឹះស្ថានរបស់ខ្លួនផងដែរ៕
Source: Kampuchea Thmey Daily
0 Comments